ମୁମ୍ବାଇ: ବର୍ଷ ୨୦୨୧ରେ ଭାରତରେ କାମ କରୁଥିବା ବ୍ୟକ୍ତି ବିଶେଷଙ୍କ ହାରାହାରି ବେତନ ୬.୪% ବଢ଼ିବା ନେଇ ଆକଳନ କରାଯାଇଛି। ଓ୍ବିଲସ ଟାଓ୍ବାର ଓ୍ବାଟଶନ ରିପୋର୍ଟ ମୁତାବକ, ୨୦୨୦ରେ ବେତନ ବୃଦ୍ଧି ୫.୯% ରହିଥିଲା। ଚଳିତ ବର୍ଷ ଏଥିରେ ସାମାନ୍ୟ ବୃଦ୍ଧି ହେବା ନେଇ ଆଶା କରାଯାଉଛି। ସେହିଭଳି ଏସିଆ ପ୍ରଶାନ୍ତ ମହାସାଗରୀୟ ଅଞ୍ଚଳରେ ଇଣ୍ଡୋନେସିଆରେ ୬.୫%, ଚାଇନା ୬.୦%, ଫିଲିପାଇନ୍ସ ୫%, ସିଙ୍ଗାପୁର ୩.୫% ଏବଂ ହଂକଂରେ ୩% ବେତନ ବୃଦ୍ଧି ନେଇ ଅନୁମାନ କରାଯାଇଛି। ଆଗାମୀ ଗୋଟିଏ ବର୍ଷ ମଧ୍ୟରେ ବାଣିଜି୍ୟକ ରାଜସ୍ବରେ ସକାରାତ୍ମକ ସ୍ଥିତି ଆସିବା ନେଇ ୩୭% ଲୋକ ଆଶାବାଦୀ ରହିଥିବା ଏହି ସର୍ଭେରେ କୁହାଯାଇଛି। ୨୦୨୦ ତୃତୀୟ ତ୍ରୈମାସରେ ଏହା ୧୮% ରହିଥିଲା। ବାଣିଜ୍ୟ ଉନ୍ନତ ରହିବା ନେଇ ଆଶା କରାଯାଉଥିଲେ ମଧ୍ୟ ବର୍ତ୍ତମାନ ନୂଆ ନିଯୁକ୍ତି ତ୍ୱରାନ୍ବିତ ହୋଇପାରିନାହିଁ। କେବଳ ୧୦% କମ୍ପାନୀ ନୂଆ ନିଯୁକ୍ତି ଦେବାକୁ ଯୋଜନା ରଖିଛନ୍ତି।
