ମସ୍କୋ/ଦାମସକସ,୯।୧୨: ସିରିଆ ରାଷ୍ଟ୍ରପତି ବଶର ଅଲ-ଅସାଦ ଦେଶ ଛାଡି ରୁଷିଆରେ ପହଞ୍ଚିଛନ୍ତି। ରୁଷିଆର ରାଷ୍ଟ୍ରପତି ଭ୍ଲାଦିମିର ପୁଟିନ ଅସାଦ ଏବଂ ତାଙ୍କ ପରିବାରକୁ ଆଶ୍ରୟ ଦେଇଛନ୍ତି। ରାଷ୍ଟ୍ରପତି ଅସାଦ ତାଙ୍କ ପତ୍ନୀ ଆସମା ଏବଂ ଦୁଇ ପିଲାଙ୍କ ସହ ରାତିରେ ରୁଷିଆର ରାଜଧାନୀ ମସ୍କୋରେ ପହଞ୍ଚିଥିଲେ। ସିରିଆରେ ଶାନ୍ତିପୂର୍ଣ୍ଣ ଭାବରେ ଶକ୍ତି ହସ୍ତାନ୍ତର ହେବା ଉଚିତ ବୋଲି ରୁଷିଆ କହିଛି।
ବିଦ୍ରୋହୀ ଯୋଦ୍ଧାମାନେ ମଧ୍ୟ ରବିବାର ରାଜଧାନୀ ଦାମସକସକୁ କବଜା କରିଥିଲେ। ସୂଚନାନୁସାରେ, ଅସଦଙ୍କ ବିମାନ ସିରିଆର ଲାଟାକିଆରୁ ଯାଇ ମସ୍କୋରେ ପହଞ୍ଚିଥିଲା।
ଦଶନ୍ଧି ଧରି ଅସାଦଙ୍କୁ ସମର୍ଥନ କରୁଥିବା ରୁଷିଆ ଏବଂ ଇରାନ ବିଦ୍ରୋହୀଙ୍କ ଦ୍ରୁତ ଅଗ୍ରଗତିର ଆଶଙ୍କା ଅନୁଭବ କରିସାରିଛନ୍ତି। ସେଥିପାଇଁ ଶୁକ୍ରବାର ରୁଷିଆ ଏହାର ନାଗରିକମାନଙ୍କୁ ସିରିଆ ଛାଡିବାକୁ କହିଛି ଏବଂ ଇରାନ ମଧ୍ୟ ଏହାର ଲୋକଙ୍କୁ ଡାକିବା ଆରମ୍ଭ କରିଛି, କିନ୍ତୁ ଅସାଦ ଏତେ ଶୀଘ୍ର ଦେଶ ଛାଡିବେ ବୋଲି କାହାରି ଧାରଣା ନ ଥିଲା।
ଆଲେପ୍ପୋ, ହାମା, ଡିଆର ଅଲ-ଜୋର, ଦାରା ଏବଂ ସୁୱେଦା ପରେ ତୃତୀୟ ବୃହତ୍ତମ ସହର ହୋମସ କିଛି ଘଣ୍ଟା ମଧ୍ୟରେ ସାମାନ୍ୟ ପ୍ରତିରୋଧ ପରେ ଶନିବାର-ରବିବାର ରାତିରେ ବିଦ୍ରୋହୀମାନଙ୍କ କବଜାକୁ ଚାଲି ଯାଇଥିଲା। ବିଦ୍ରୋହୀମାନେ ରାଜଧାନୀ ଦାମସକକୁ କବଜା କରିବାକୁ ଯିବାବେଳେ ଉତ୍ସବରେ କୌଣସି ସମୟ ନଷ୍ଟ କଲେ ନାହିଁ। ରାସ୍ତା ସଫା ହେଲା ଏବଂ ସେମାନେ ସକାଳେ ଦାମସକରେ ପ୍ରବେଶ କଲେ।
