ନୂଆଦିଲ୍ଲୀ,୪।୫: ଭାରତ ଓ ପାକିସ୍ତାନ ମଧ୍ୟରେ ବିବାଦ ଏବେ ଉଗ୍ର ରୂପ ଧାରଣ କରିଛି। ସ୍ଥିତି ଏମିତି ହୋଇଛଇ କି ଭାରତ ଉପରେ ପାକିସ୍ତାନ ଡିଜିଟାଲ ଷ୍ଟ୍ରାଇକ୍ କରିଛି। ଏଥିସହ ବର୍ଷସାରା ପାକ୍କୁ ପାଣି ଯୋଗାଉଥିବା ସିନ୍ଧୁ ନଦୀର ପାଣି ମଧ୍ୟ ବନ୍ଦ କରିଛି। ଏଥିସହ ପାକିସ୍ତାନରୁ ଆମଦାନୀ ହେଉଥିବା ସବୁ ଜିନିଷକୁ ପୁରା ବ୍ୟାନ କରିଛି। କିନ୍ତୁ ଏହାରି ଭିତରେ ସାଂଘାତିକ ଜିନିଷର ଖୁଲାସା ହୋଇଛି।
India Pakistan: ବାଣିଜ୍ୟ ଉପରେ କଟକଣା ଥାଇ ମଧ୍ୟ, ପାକିସ୍ତାନୀ ସାମଗ୍ରୀ ଦୁବାଇ ଓ ଶ୍ରୀଲଙ୍କା ମାଧ୍ୟମରେ ଭାରତୀୟ ବଜାରରେ ପହଞ୍ଚୁଛି। ଏକ ରିପୋର୍ଟ ଅନୁଯାୟୀ, ପ୍ରାୟ ୫୦୦ ମିଲିୟନ ଡଲାର ମୂଲ୍ୟର ପାକିସ୍ତାନୀ ସାମଗ୍ରୀ ଏହି ପରୋକ୍ଷ ପଥ ଦେଇ ଭାରତରେ ପ୍ରବେଶ କରୁଛି।
India Pakistan: ପାକିସ୍ତାନୀ ଫଳ, ଶୁଷ୍କ ଖଜୁରୀ, ଚର୍ମ ଜାତୀୟ ସାମଗ୍ରୀ ଏବଂ ବସ୍ତ୍ର ଦୁବାଇରେ ପୁନଃପ୍ୟାକେଜିଂ ଓ ରି-ଲେବଲିଂ କରାଯାଇ ଭାରତକୁ ରପ୍ତାନି ହେଉଛି। ସେହିପରି, ରାସାୟନିକ ସାମଗ୍ରୀ ସିଙ୍ଗାପୁର ଓ ଇଣ୍ଡୋନେସିଆ ମାଧ୍ୟମରେ ଭାରତରେ ପ୍ରବେଶ କରୁଛି। ଏହା ବ୍ୟତୀତ, ରକ୍ ଲୁଣ ଭଳି ସାମଗ୍ରୀ ମଧ୍ୟ ଏହି ରୁଟ ଦେଇ ଆସୁଛି।
India Pakistan: ୨୦୧୯ରେ ପୁଲୱାମା ଆକ୍ରମଣ ପରେ ଭାରତ ପାକିସ୍ତାନୀ ସାମଗ୍ରୀ ଉପରେ ୨୦୦% ଆମଦାନୀ ଶୁଳ୍କ ଲଗାଇ ବାଣିଜ୍ୟକୁ ପ୍ରାୟ ବନ୍ଦ କରିଦେଇଥିଲା। ଏହାଛଡ଼ା, ୨୦୨୫ ଏପ୍ରିଲ ୨୨ରେ ପହଲଗାମ ଆତଙ୍କବାଦୀ ଆକ୍ରମଣ ପରେ ଭାରତ ପାକିସ୍ତାନରୁ ସମସ୍ତ ପ୍ରତ୍ୟକ୍ଷ ଓ ପରୋକ୍ଷ ଆମଦାନୀ ଉପରେ କଟକଣା ଲଗାଇଛି। ତଥାପି, ଏହି ପରୋକ୍ଷ ବାଣିଜ୍ୟ ଜାରି ରହିଛି, ଯାହା ଦୁଇ ଦେଶ ମଧ୍ୟରେ ଚାଲିଥିବା ଉତ୍ତେଜନା ମଧ୍ୟରେ ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ହୋଇଛି। ଏହି ରିପୋର୍ଟ ଅନୁଯାୟୀ, ଏହା ଭାରତର ଜାତୀୟ ସୁରକ୍ଷା ଓ ବାଣିଜ୍ୟ ନୀତି ଉପରେ ପ୍ରଶ୍ନ ଉଠାଉଛି। ସରକାରୀ ଅଧିକାରୀମାନେ ଏହାର ତଦନ୍ତ କରୁଥିବା ଜଣାପଡ଼ିଛି।
