ବଢ଼ିପାରେ ଏଜିଆର୍‌ ଦେୟ ଅବଧି

ନୂଆଦିଲ୍ଲୀ,୨୫ା୮ – ଟେଲିକମ୍‌ କ୍ଷେତ୍ରରେ ବର୍ତ୍ତମାନ ଜିଓର ରହିଆସିଥିବା ଏକାଧିକାରକୁ କମ୍‌ କରିବାକୁ ସରକାର ଚାହୁଁଥିବା ଏକ ଖବର ଜାତୀୟ ଗଣମାଧ୍ୟମରେ ପ୍ରକାଶ ପାଇଛି। ସରକାର ଭୋଡାଫୋନ-ଆଇଡିଆ ଏବଂ ଏୟାରଟେଲକୁ ଏଥିଲାଗି ଆଶ୍ୱସ୍ତି ପ୍ୟାକେଜ ପ୍ରଦାନ କରିପାରନ୍ତି। ଟେଲିକମ୍‌ କମ୍ପାନୀଗୁଡିକ ଉପରେ ବର୍ତ୍ତମାନ ବୃହତ୍‌ ପରିମାଣର ଆଡଜଷ୍ଟେଡ୍‌ ଗ୍ରସ୍‌ ରେଭେନ୍ୟୁ(ଏଜିଆର୍‌) ଦେୟ ରହିଛି। ଏହି ଦେୟ ପ୍ରଦାନ ଅବଧିକୁ ସରକାର ୨୦ ବର୍ଷକୁ ବଢାଇପାରନ୍ତି ବୋଲି କୁହାଯାଉଛି। ସୂଚନା ମୁତାବକ, ଏହି ପ୍ରସଙ୍ଗରେ ଭୋଡାଫୋନ ଆଇଡିଆର ଏମ୍‌ଡି ରବିନ୍ଦର ଟକ୍କର ଏବଂ ଅନ୍ୟ ଅଧିକାରୀମାନେ ଟେଲିକମ୍‌ ସଚିବ ଅଞ୍ଜୁ ପ୍ରକାଶଙ୍କୁ ନିକଟରେ ଭେଟିଛନ୍ତି। ଏହି ବୈଠକ ପରେ ସରକାର ଟେଲିକମ୍‌ କ୍ଷେତ୍ରରେ ଆଶ୍ୱସ୍ତି ପ୍ୟାକେଜ ପ୍ରଦାନ କରିବା ନେଇ ଚର୍ଚ୍ଚା ଜୋର ଧରିଛି। ସରକାରଙ୍କ ପକ୍ଷରୁ ଯଦି ଏଭଳି କୌଣସି ପଦକ୍ଷେପ ଆସେ ତେବେ ଭୋଡାଫୋନ ଆଇଡିଆ ଏବଂ ଏୟାରଟେଲ ଭଳି କମ୍ପାନୀ ଆଶ୍ୱସ୍ତି ଲାଭ କରିବେ।
ଆଇଡିଆ ବର୍ତ୍ତମାନ ଆର୍ଥତ୍କ ସଙ୍କଟ ଦେଇ ଗତି କରୁଛି। ଏହି କମ୍ପାନୀଗୁଡିକର ସ୍ଥିତି କାଏମ ରଖିବା ଲାଗି ସରକାର ହୁଏତ କିଛିଟା ପଦକ୍ଷେପ ଗ୍ରହଣ କରିପାରନ୍ତି ବୋଲି କୁହାଯାଉଛି। ଭୋଡାଫୋନ ଆଇଡିଆ କିଭଳି ଏହାର ସ୍ଥିତି ବଜାୟ ରଖିବ ସେ ଯୋଜନା ଉପରେ ସରକାର ଜାଣିବାକୁ ଚାହିଁଛନ୍ତି। ସେହିଭଳି ଭୋଡାଫୋନ ଆଇଡିଆର ୫ଜି ନେଇ ଯୋଜନା କ’ଣ ତାହା ମଧ୍ୟ ସରକାର ବିଚାର କରୁଛନ୍ତି। ଭୋଡାଫୋନ ଆଇଡିଆ ଉପରେ ୧.୯୧ ଲକ୍ଷ କୋଟି ଟଙ୍କାର ଦେୟ ବକେୟା ରହିଛି। ଏହା ମଧ୍ୟରେ ୫୮,୨୫୪ କୋଟି ଏଜିଆର୍‌ ବକେୟା ବୋଲି ଜଣାପଡିଛି। ଏହି ବୃହତ୍‌ ଅର୍ଥ ମଧ୍ୟରୁ କମ୍ପାନୀ ମାତ୍ର ୭୮୫୪ କୋଟି ଟଙ୍କା ପ୍ରଦାନ କରିଛି। ମୋଟ ଅର୍ଥକୁ ୧୦ ବର୍ଷ ମଧ୍ୟରେ ପଇଠ କରିବାକୁ ପଡିବ। କମ୍ପାନୀକୁ ୯ ହଜାର କୋଟି ଟଙ୍କା ଆଗାମୀ କିସ୍ତି ଭାବେ ୨୦୨୨ ମାର୍ଚ୍ଚରେ ଦେବାକୁ ପଡିବ। ସେହିଭଳି ଏୟାରଟେଲ ଉପରେ ୨୫,୯୮୦ କୋଟି ଟଙ୍କାର ଏଜିଆର୍‌ ବକେୟା ରହିଥିବା ଜଣାପଡିଛି।
ଦେୟ ଅବଧିକୁ ୨୦ ବର୍ଷକୁ ବଢ଼ାଯାଇପାରିବ କି ନାହିଁ ସେ ନେଇ ସରକାର ଆଇନଗତ ପରାମର୍ଶ ନେବେ। ଏଜିଆର୍‌ ଦେୟ ପ୍ରଦାନ କରିବା ଲାଗି ୧୦ ବର୍ଷର ସମୟ ଅବଧି ସରକାର ଦେଇଛନ୍ତି। ୨୦୩୧ ମାର୍ଚ୍ଚ ଯାଏ ଏହି ସମୟ ସୀମା ରହିଛି। ଉକ୍ତ ଅବଧିକୁ ୨୦ ବର୍ଷ କରିବା ଲାଗି କ୍ୟାବିନେଟ ମଞ୍ଜୁରୀ ଦେଇଥିଲା। ମାତ୍ର ଏହି ପ୍ରସ୍ତାବକୁ ସୁପ୍ରିମକୋର୍ଟ ଖାରଜ କରି ଦେଇଥିଲେ। ଟେଲିକମ୍‌ ଶିଳ୍ପ ସାମ୍ନାରେ ରହିଥିବା ସଙ୍କଟ ଟାଳିବା ଲାଗି ସରକାର କିଛି ପନ୍ଥା ବାହାରକରିପାରନ୍ତି। କାରଣ ଟେଲିକମ୍‌ କମ୍ପାନୀଗୁଡିକୁ ବ୍ୟାଙ୍କଗୁଡିକ ବୃହତ୍‌ ପରିମାଣର ଋଣ ଦେଇଛନ୍ତି। ଏହି କମ୍ପାନୀଗୁଡିକରେ ବହୁ ଲୋକ ନିଯୁକ୍ତି ପାଇଛନ୍ତି। ଯଦି କମ୍ପାନୀଗୁଡିକ ଡୁବିଯାନ୍ତି ତେବେ ଅନେକ ଲୋକ ଚାକିରି ହରାଇବା ସହ ବ୍ୟାଙ୍କ ସେମାନଙ୍କ ଅର୍ଥ ଫେରିପାଇବାକୁ ସମସ୍ୟା ହେବ। ଏହି ପ୍ରସଙ୍ଗଗୁଡିକୁ ଆଧାରକରି ସରକାର ସୁପ୍ରିମକୋର୍ଟଙ୍କୁ ପୁଣି ଥରେ ପ୍ରସଙ୍ଗକୁ ବିଚାର କରିବା ଲାଗି ନିବେଦନ କରିପାରନ୍ତି। ସରକାର ଚାହିଁଲେ ଏହା କରିବା ସହଜ ବୋଲି ଭୋଡାଫୋନ ଆଇଡିଆ ଏମ୍‌ଡି ରବିନ୍ଦର ଟକ୍କର କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ପୁଅ ବିବାହରେ ଏମିତି କ’ଣ କହିଲେ ନୀତା ଅମ୍ବାନୀ,କାନ୍ଦି ପକାଇଲେ ଲୋକେ…ଦେଖନ୍ତୁ ଭିଡିଓ

ପ୍ରତିଷ୍ଠିତ ବ୍ୟବସାୟୀ ମୁକେଶ ଅମ୍ବାନୀଙ୍କ ସାନ ପୁଅ ଅନନ୍ତ ରାଧିକା ମର୍ଚ୍ଚାଣ୍ଟକୁ ବିବାହ କରିଛନ୍ତି। ଏହି ବିବାହରେ ବଲିଉଡରୁ ଓଲିଉଡ ପର୍ଯ୍ୟନ୍ତ ସମସ୍ତ ତାରକା ଏବଂ...

ହିସେନ୍ସର ଉଚ୍ଚାଭିଳାଷୀ ଅଭିବୃଦ୍ଧି ରଣନୀତି

ଭୁବନେଶ୍ୱର,୧୭।୭(ଅଭୟ ଦାଶ): ଦେଶର ପ୍ରମୁଖ ଘରୋଇ ସଂସ୍ଥା ତଥା କଞ୍ଜୁମର ଇଲେକ୍‌ଟ୍ରୋନିକ୍ସ ଆଣ୍ଡ ଆପ୍ଲାଏନ୍ସ ଇଣ୍ଡଷ୍ଟ୍ରିର ଅନ୍ତର୍ଜାତୀୟ ବ୍ରାଣ୍ଡ୍‌ ହିସେନ୍ସ ନିକଟରେ ଏକ ଉଚ୍ଚାଭିଳାଷୀ ଅଭିବୃଦ୍ଧି...

ଡ. ଦେବବ୍ରତ ଦାଶ ଏଏମ୍‌ଏନ୍‌ଏସ୍‌ର ଏଚ୍‌ଆର୍‌ ହେଡ୍‌

ଭୁବନେଶ୍ୱର,୧୭।୭(ଅଭୟ ଦାଶ): ଦେଶର ପ୍ରମୁଖ ଘରୋଇ ସଂସ୍ଥା ତଥା ଅଗ୍ରଣୀ ଶିଳ୍ପ ପ୍ରତିଷ୍ଠାନ ଆର୍ସେଲର ମିତ୍ତଲ ନିପନ ଷ୍ଟିଲ୍‌ ଇଣ୍ଡିଆ(ଏଏମ୍‌ଏନ୍‌ଏସ୍‌)ର ନୂତନ ମାନବ ସମ୍ବଳ ମୁଖ୍ୟ...

ଦକ୍ଷତା ବିକାଶ କାର୍ଯ୍ୟକ୍ରମର ସମ୍ପ୍ରସାରଣ

ଭୁବନେଶ୍ୱର,୧୭।୭(ଅଭୟ ଦାଶ): ପ୍ରତିବର୍ଷ ଭଳି ଚଳିତବର୍ଷ ମଧ୍ୟ ବେଦାନ୍ତ ଆଲୁମିନିୟମ ଲିମିଟେଡ୍‌ ପରିସରରେ ବିଶ୍ୱ ଯୁବଦକ୍ଷତା ଦିବସ ପାଳିତ ହୋଇଯାଇଛି। ଏହି ପରିପ୍ରେକ୍ଷୀରେ କମ୍ପାନୀର କାର୍ଯ୍ୟ...

ଭାରତୀ ଏୟାରଟେଲ୍‌ ସ୍କଲାରଶିପ୍‌ ପ୍ରୋଗ୍ରାମ୍‌ର ଶୁଭାରମ୍ଭ

ଭୁବନେଶ୍ୱର,୧୭।୭(ଅଭୟ ଦାଶ): ଦେଶର ପ୍ରମୁଖ ସାମାଜିକ ଅନୁଷ୍ଠାନ ତଥା ଭାରତୀ ଏଣ୍ଟରପ୍ରାଇଜେସ୍‌ର ଜନହିତକର ଶାଖା ଭାରତୀ ଏୟାରଟେଲ୍‌ ଫାଉଣ୍ଡେଶନ(ବିଏଏଫ୍‌)ର ୨୫ତମ ପୂର୍ତ୍ତି ଉତ୍ସବ ନିକଟରେ ପାଳିତ...

୨୩ ଷ୍ଟାର୍ଟଅପ୍‌କୁ ରେଳ ମନ୍ତ୍ରଣାଳୟର ପ୍ରୋତ୍ସାହନ

ଭୁବନେଶ୍ୱର,୧୭।୭ (ଅନୁରାଧା ମହାରଣା): ଜାତୀୟ ପରିବହନକାରୀ ଭାରତୀୟ ରେଳପଥ ନବସୃଜନ (ଇନୋଭେଶନ) କ୍ଷେତ୍ରରେ ଷ୍ଟାର୍ଟଅପ୍‌ ଓ ଅନ୍ୟାନ୍ୟ ସଂସ୍ଥାର ସହଯୋଗ ପାଇବା ପାଇଁ ରେଳ ମନ୍ତ୍ରଣାଳୟ...

ପୁଣି ଏୟାରଟେଲ ୟୁଜର୍ସଙ୍କୁ ବଡ଼ ଝଟ୍‌କା, ଡାଟା ପ୍ୟାକ୍‌ ପାଇଁ ଗଣିବେ ଏତେ ଟଙ୍କା…

ନୂଆଦିଲ୍ଲୀ,୧୬।୭: ପୁଣି ଥରେ ଏୟାରଟେଲ ଗ୍ରାହକଙ୍କ ବଡ଼ ଝଟ୍‌କା । ଦେଶର ଦ୍ୱିତୀୟ ବୃହତ୍ତମ ଟେଲିକମ କମ୍ପାନୀ ଏୟାରଟେଲ ପୁଣି ଥରେ ନିଜ ରିଚାର୍ଜ ବଢାଇଛି।...

ଏଭଳି ଥିଲା ଅମ୍ବାନୀ ପରିବାରର ସଂଘର୍ଷମୟ ଜୀବନ, ଦିନେ ବିକୁଥିଲେ…

ମୁମ୍ବାଇ୧୬।୭: ଭାରତୀୟ ବ୍ୟବସାୟଙ୍କ ମଧ୍ୟରେ ଧିରୁଭାଇ ଅମ୍ବାନୀ ଗୋଟିଏ ନାମ ଯିଏ ନିଜ ଶକ୍ତିରେ ରିଲାଏନ୍ସ ଇଣ୍ଡଷ୍ଟ୍ରିଜ ଛିଡା କରିଛନ୍ତି। ଧିରୁଭାଇଙ୍କ କାହାଣୀ ହେଉଛି ଏକ...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri