ବଲିଉଡ୍ ଅଭିନେତ୍ରୀ ଭୂମି ପେଡ୍ନେକର ତାଙ୍କ କ୍ୟାରିୟରରେ ପ୍ରଥମ ଥର ମନାଲିରେ ଫିଲ୍ମ ଶୁଟିଂ କରିବାକୁ ଯାଉଛନ୍ତି। ଏ ନେଇ ସେ ବେଶ ଖୁସି ଅଛନ୍ତି। ଅଜୟ ବହଲଙ୍କ ଥ୍ରିଲର୍ ଫିଲ୍ମ ‘ଦ ଲେଡି କିଲର୍’ର ଶୁଟିଂ ସେ ମନାଲିରେ ଆରମ୍ଭ କରିବେ । ଏଥିରେ ସେ ଅଭିନେତା ଅର୍ଜୁନ କପୁରଙ୍କ ସହ ସ୍କ୍ରିନ ଶେୟାର କରିଛନ୍ତି । ଫିଲ୍ମଟି ଛୋଟ ସହରର ଜଣେ ପ୍ଲେବଏର କାହାଣୀ ବର୍ଣ୍ଣନା କରିବ । ପରେ ସେ ଜଣେ ସୁନ୍ଦରୀ ପ୍ରେମରେ ପଡ଼ିଯାଇଛନ୍ତି ।
ଏ ନେଇ ଭୂମି ସୋସିଆଲ ମିଡିଆରେ କହିଛନ୍ତି, ‘ମୁଁ ବହୁତ ଖୁସି ଯେ,ମୋ ପେସା ମୋତେ ଅନେକ ସ୍ଥାନକୁ ନେଉଛି ଏବଂ ସୁନ୍ଦର ଓ ଚମତ୍କାର ସ୍ଥାନର ସୌନ୍ଦର୍ଯ୍ୟ ଓ ସଂସ୍କୃତିରେ ବୁଡ଼ିବାରେ ସୁଯୋଗ ଦେଉଛି । କ୍ୟାରିୟରରେ ପ୍ରଥମ ଥର ମନାଲିରେ ଶୁୁଟିଂ ପାଇଁ ମୁଁ ଉତ୍ସାହର ସହ ଅପେକ୍ଷା କରିଛି । ଜଣେ ସୃଜନଶୀଳ ବ୍ୟକ୍ତି ଭାବେ ମୋର ଭ୍ରମଣ ମୋତେ ଗଭୀର ଭାବେ ପ୍ରେରିତ କରେ ।
