ନୂଆଦିଲ୍ଲୀ,୩୧।୫: ମିସ୍ ୱାଲର୍ଡ ୨୦୨୫ ଜିତିଛନ୍ତି ଥାଇଲାଣ୍ଡର ସୁନ୍ଦରୀ ଓପାଲ ସୁଚତା ଚୁଆଙ୍ଗଶ୍ରୀ। ପ୍ରାୟ ୧୧୦ ଦେଶର ପ୍ରତିଯୋଗୀଙ୍କୁ ପଛରେ ପକାଇ, ଓପାଲ ସୁଚତା ଏହି ଟାଇଟଲ ଜିତିଛନ୍ତି। ଏହି ଇଭେଣ୍ଟ ହାଇଦ୍ରାବାଦରେ ଆୟୋଜିତ ହୋଇଥିଲା, ଯେଉଁଠାରେ ତାଙ୍କୁ ମିସ ୱାଲର୍ଡ ମୁକୁଟ ପିନ୍ଧାଯାଇଛି।
୨୦୨୪ ବର୍ଷର ମିସ ୱାଲର୍ଡ ବିଜେତା କ୍ରିଷ୍ଟିନା ପିସ୍କୋଭା ଓପାଲ ସୁଚତାଙ୍କୁ ମୁକୁଟ ପିନ୍ଧାଇଥିଲେ। କ୍ରିଷ୍ଟିନା ପିସ୍କୋଭା ଚେକ ଗଣରାଜ୍ୟର। ଗତ ବର୍ଷ ସେ ଏହି ମୁକୁଟ ଜିତିଥିଲେ, ଯାହାକୁ ଏବେ ଓପାଲ ସୁଚତା ଜିତିଛନ୍ତି। ସୁନ୍ଦର ମୁକୁଟ ସହିତ, ଓପାଲ ୧ ମିଲିୟନ ଡଲାର ଅର୍ଥାତ ପ୍ରାୟ ୮.୫ କୋଟି ଟଙ୍କା ଭାରତୀୟ ଟଙ୍କା ମଧ୍ୟ ଜିତିଛନ୍ତି। ଏହି ରାଶି ବିଜେତାଙ୍କୁ ମିସ ୱାଲର୍ଡ ସଂଗଠନ ଏବଂ ଏହାର ଅଂଶୀଦାରମାନେ ପୁରସ୍କାର ରାଶି ଭାବରେ ପ୍ରଦାନ କରିଛନ୍ତି।
ଭାରତ ଏଥର ପ୍ରତିଯୋଗିତାର ଆୟୋଜନ କରିଥିଲା। ଏହି ଇଭେଣ୍ଟ ୭ ମେ’ରେ ହାଇଦ୍ରାବାଦର ହାଇଟେକ୍ସ ପ୍ରଦର୍ଶନୀ କେନ୍ଦ୍ରରେ ଆରମ୍ଭ ହୋଇଥିଲା। ଏହାର ପ୍ରାୟ ୨୪ ଦିନ ପରେ ଅର୍ଥାତ ଆଜି ପ୍ରତିଯୋଗିତା ସମାପ୍ତ ହୋଇଛି।
View this post on Instagram
ରାଜସ୍ଥାନର କୋଟାର ବାସିନ୍ଦା ନନ୍ଦିନୀ ଗୁପ୍ତା ମିସ ୱାଲର୍ଡ ୨୦୨୫ରେ ଭାରତକୁ ପ୍ରତିନିଧିତ୍ୱ କରୁଥିଲେ। ନନ୍ଦିନୀ ୨୦୨୩ ବର୍ଷର ମିସ ଇଣ୍ଡିଆ ବିଜେତା। ଏହି ଇଭେଣ୍ଟରେ, ସେ ବିଶ୍ୱବ୍ୟାପୀ ଶ୍ରେଷ୍ଠ ୨୦ ଏବଂ ଏସିଆ ମହାଦେଶର ଶ୍ରେଷ୍ଠ ୫ରେ ପହଞ୍ଚିଥିଲେ। କିନ୍ତୁ, ଯେତେବେଳେ ଏସିଆର ଶ୍ରେଷ୍ଠ ୨ ପ୍ରତିଯୋଗୀଙ୍କୁ ଚୟନ କରାଯାଇଥିଲା, ନନ୍ଦିନୀ ଦୌଡ଼ରୁ ବାହାର ହୋଇଯାଇଥିଲେ। ଏହାର କିଛି ସମୟ ପରେ, ବିଜେତାଙ୍କ ନାମ ଘୋଷଣା କରାଯାଇଥିଲା।
ଓପାଲ ସୁଚ୍ଚା ଚୁଆଙ୍ଗଶ୍ରୀ ୨୦୨୪ ରେ ମିସ ୟୁନିଭର୍ସ ଥାଇଲ୍ୟାଣ୍ଡ ପ୍ରତିଯୋଗିତା ଜିତିଥିଲେ। ଏହା ପରେ ସେ ମିସ ୱାଲର୍ଡରେ ତାଙ୍କ ଦେଶକୁ ପ୍ରତିନିଧିତ୍ୱ କରିବାକୁ ଆସିଥିଲେ ଏବଂ ସେ ସାରା ବିଶ୍ୱର ପ୍ରତିଯୋଗୀଙ୍କୁ ପଛରେ ପକାଇ ଏହି ପ୍ରତିଯୋଗିତା ଜିତିଛନ୍ତି।
