ସିଂହପୁର,୨୩।୧(ଡି.ଏନ୍.ଏ.): ଯାଜପୁର ଜିଲା ବିଞ୍ଝାରପୁର ଜଳସମ୍ପଦ ବିଭାଗ ଅଧିନସ୍ଥ ଜରି ପଞ୍ଚାୟତ ନାଉବାଙ୍କ କାମଦେବ ମାହାରା ଘାଇର ସ୍ଥାୟୀ ମରାମତି ପାଇଁ ଦାବି ହେଉଛି। ପ୍ରକାଶ ଯେ ଗତ ପ୍ରଳୟଙ୍କାରୀ ବନ୍ୟାରେ ନାଉବାଙ୍କ କାମଦେବ ମାହାରାରେ ଏକ ବିରାଟ ଘାଇ ସୃଷ୍ଟି ହୋଇଥିଲା। ଏହି ମାହାରା ରାସ୍ତା ଅସ୍ଥାୟୀ ଭାବେ ଯାତାୟାତ ପାଇଁ ମରାମତି କାର୍ଯ୍ୟ କରାଯାଇଛି। ଏହା ଉପରେ ଦୈନିକ ଶହଶହ ଲୋକ ଚଳପ୍ରଚଳ କରୁଥିବାରୁ ଅସ୍ଥାୟୀ ରାସ୍ତାଟି ଦବିଯାଉଛି। ଫଳରେ ଲୋକେ ଭୟଭୀତ ହୋଇ ଯାତାୟାତ କରୁଛନ୍ତି। ଗାଡ଼ିଗୁଡିକ ବିପଦପୂର୍ଣ୍ଣ ଭାବେ ଯାତାୟାତ କରୁଛି। ବିଭାଗୀୟ କର୍ତ୍ତୃପକ୍ଷଙ୍କ ପକ୍ଷରୁ ଏହି ରାସ୍ତାର ଗୁରୁତ୍ୱ ପ୍ରତି ଦୃଷ୍ଟି ଦେଇ ଏହାର ସ୍ଥାୟୀ ମରାମତି କାର୍ଯ୍ୟ ବିଳମ୍ବ ହେଲେ ଲୋକେ ଆନ୍ଦୋଳନ କରିବାକୁ ଚେତାବନୀ ଦେଇଛନ୍ତି।
