ନୂଆଦିଲ୍ଲୀ,୧୬।୭: ପ୍ରାଇବେଟ ଟେଲିକମ କମ୍ପାନୀ ଏୟାରଟେଲ ଓ ଜିଓ ନିଜର ରିଚାର୍ଜ ପ୍ଲାନରେ ବୃଦ୍ଧି କରିବାରୁ ଲୋକେ ବିଏସଏନଏଲ ଆଡକୁ ମୁହାଁଉଛନ୍ତି। ଏପରିକି ବିଏସଏନଏଲ ମଧ୍ୟ ଏହି ସମୟରେ ଏକ ଶସ୍ତା ଯୋଜନା ଆରମ୍ଭ କରିଛି। ଯେଉଁଥିରେ ଗ୍ରାହକଙ୍କୁ ଆଶ୍ୱସ୍ତି ଦେବ ବୋଲି ଜଣାପଡିଛି।
ଏୟାରଟେଲ ଓ ଜିଓ ୟୁଜର୍ସ ରିଚାର୍ଜ ପ୍ଲାନ ବଢିବା ଦେଖି ନିଜର ସିମକୁ ବିଏସଏନଏଲରେ ପୋର୍ଟ କରୁଛନ୍ତି। ଏଥିସହ ଟାଟା କନସଲଟେନ୍ସି ସର୍ଭିସ ଓ ବିଏସଏନଏଲ ୧୫ ହଜାର କୋଟିର ଡିଲ କରିଥିବା ଶୁଣାଯାଉଛି ।
ଟିଡିଏସ ଓ ବିଏସଏନଏଲ ମିଳିତ ଭାବରେ ଭାରତର ପ୍ରାୟ ୧ ହଜାର ଗାଁରେ ୪ଜି ସେବାକୁ ରୋଲ ଆଉଟ କରୁଥିବାର ସୂଚନା ମିଳିଛି । ଯାହା ଆଗାମୀ ଦିନରେ ଇଣ୍ଟରନେଟ ସେବାକୁ ସଶକ୍ତ ଓ ସମୃଦ୍ଧ କରିବ । ଯଦି ଏଭଳି ହୁଏ ତେବେ ଜିଓ ଓ ଏୟାରଟେଲକୁ ବଡ଼ ଝଟକା ଲାଗି। ଟାଟା ଭାରତର ପ୍ରାୟ ୪ ଟି ରିଜନରେ ନିଜର ଡାଟା ସେଣ୍ଟର ତିଆରି କରୁଛି । ଯାହା ଭାରତରେ ୪ଜି ନେଟୱାର୍କ ତିଆରି କରିବାରେ ସହାୟତା ପ୍ରଦାନ କରିବ ।
ବିଏସଏନଏଲ ବୈଧତା ୩୬୫ ଦିନ ପାଇଁ ୨,୩୯୯ ଟଙ୍କା ରଖିଛି। ଏହି ଯୋଜନା ସହିତ ଆପଣ ପ୍ରତିଦିନ ୧୦୦ ମେସେଜ ଏବଂ ୨ ଜିବି ହାଇ ସ୍ପିଡ ଡାଟା ସହିତ ଅସୀମିତ କଲିଂ ମଧ୍ୟ ସୁବିଧା ପାଇବେ।
