ନୂଆଦିଲ୍ଲୀ,୨୨।୧: ମାର୍ଚ୍ଚ ୪ରୁ ଡବ୍ଲୁପିଏଲ୍ର ଉଦ୍ଘାଟନୀ ସଂସ୍କରଣ ମୁମ୍ବାଇରେ ଆରମ୍ଭ ହେବାକୁ ଯାଉଛି। ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ୍)ର ଅଧିକାର ହାସଲ କରିବା ପରେ ଟାଟା ଗ୍ରୁପ୍ ପ୍ରଥମ ମହିଳା ପ୍ରିମିୟର ଲିଗ୍(ଡବ୍ଲୁପିଏଲ୍)ର ଟାଇଟଲ୍ ଅଧିକାର ମଧ୍ୟ ହାସଲ କରିଛି। ଏନେଇ କ୍ରିକେଟ ବୋର୍ଡ ଅଫ ଇଣ୍ଡିଆ(ବିସିସିଆଇ) ସଚିବ ଜୟ ଶାହା ଟୁଇଟ କରି ଘୋଷଣା କରିଛନ୍ତି।
ଜୟ ଶାହା କହିଛନ୍ତି, ‘ମୁଁ ଘୋଷଣା କରି ବହୁତ ଖୁସି ଅନୁଭବ କରୁଛି ଯେ, ଟାଟା ଗ୍ରୁପ ପ୍ରଥମ ଡବ୍ଲୁପିଏଲ୍ର ଟାଇଟଲ ସ୍ପନ୍ସର୍ ହେବ। ସେମାନଙ୍କ ସହଯୋଗରେ ଆମେ ନିଶ୍ଚିତ ଭାବେ ମହିଳା କ୍ରିକେଟକୁ ପରବର୍ତ୍ତୀ ସ୍ତରକୁ ନେଇପାରିବା ବୋଲି ସେ କହିଛନ୍ତି।
ବିସିସିଆଇର ଏକ ସୂତ୍ର ପିଟିଆଇକୁ କହିଛି ଯେ ଟାଟା ୫ ବର୍ଷ ପାଇଁ ଅଧିକାର ହାସଲ କରିଛି। ଗତ ବର୍ଷ ଟାଟା ମଧ୍ୟ ଆଇପିଏଲର ଅଧିକାର ହାସଲ କରିଥିଲା। ଭାୟାକମ୍ ୧୮ ଡବ୍ଲୁପିଏଲ୍ର ମିଡିଆ ରାଇଡସ ଜିତିଛି। ପାଞ୍ଚ ବର୍ଷ ପାଇଁ ମିଡିଆ ଅଧିକାର ଅଧୀନରେ ୯୫୧ କୋଟି ଟଙ୍କାର ଚୁକ୍ତିନାମା ସ୍ବାକ୍ଷରିତ ହୋଇଛି।
