ଛତ୍ରପୁର,୬।୪(ଦିଲ୍ଲୀପ ସାମଲ): ଛତ୍ରପୁର ସହର ନିକଟରେ ଥିବା ତାମ୍ପରା ହ୍ରଦର ପୁନଃରୁଦ୍ଧାର l ତା’ସହିତ ତାମ୍ପରା ଓ ସମୁଦ୍ର ମଧ୍ୟରେ ନୋଳିଆନୁଆଁ ଗାଁ ବେଳାଭୂମି ରହିଛି l ତାହାର ସଂଯୋଗୀକରଣ ଏବଂ ପାରିପାର୍ଶ୍ୱିକ ଉନ୍ନତିକରଣ ନେଇ ଆଜି ଗଞ୍ଜାମ ଜିଲାପାଳଙ୍କ କାର୍ଯ୍ୟାଳୟର ସମ୍ମିଳନୀ କକ୍ଷରେ ଏକ ବୈଠକ ଅନୁଷ୍ଠିତ ହୋଇଥିଲା। ଆଇଆରଇଏଲ, ପର୍ଯ୍ୟଟନ, ଜଳ ସେଚନ, କ୍ଷୁଦ୍ର ଜଳସେଚନ, ପୂର୍ତ୍ତ ବିଭାଗ ଏବଂ ଅନ୍ୟାନ୍ୟ ବିଭାଗର ଅଧିକାରୀମାନଙ୍କୁ ନେଇ ଛତ୍ରପୁର ବିଧାୟକ କୃଷ୍ଣଚନ୍ଦ୍ର ନାୟକଙ୍କ ଉପସ୍ଥିତରେ ଏହି ପ୍ରସ୍ତୁତି ବୈଠକ ଗଞ୍ଜାମ ଜିଲାପାଳ ଭି. କୀର୍ତ୍ତି ଭାସନଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଏକ ନୂତନ ରାସ୍ତା ନିର୍ମାଣ କରାଯିବ। ଏହା ସହିତ ଋଷିକୂଲ୍ୟାରୁ ପାଣି କିପରି ଆସିବ ଏବଂ ସବୁବେଳେ ତାମ୍ପରାରେ ପାଣି ଭର୍ତ୍ତି ହୋଇରହିବ l ସେଥିପାଇଁ ଜଳ ସେଚନ ବିଭାଗ ପକ୍ଷରୁ ଏକ ଡିପିଆର ପ୍ରସ୍ତୁତି କରିବାକୁ କୁହାଯାଇଛି l ତାମ୍ପରାକୁ ବହୁ ମାତ୍ରାରେ ପର୍ଯ୍ୟଟକ ଆସୁଛନ୍ତି। କିଛି ଦିନ ତଳେ ତାମ୍ପରାର ପୁନଃରୁଦ୍ଧାର ହୋଇଛି l ତାହା ନୁଆ ରୂପ ତାମ୍ପରା ନେଇଛି। ପର୍ଯ୍ୟଟକକୁ ଆହୁରି ଆକୃଷ୍ଟ କରିବା ନିମନ୍ତେ ତାମ୍ପରା ତରଙ୍ଗିଣୀ ସାଂସ୍କୃତିକ କାର୍ଯ୍ୟକ୍ରମ ଆରମ୍ଭ ହୋଇଛି l ପ୍ରତ୍ୟେକ ସପ୍ତାହର ରବିବାର ଏହାର ମଜା ନେବେ ଦର୍ଶକ ଏବଂ ପର୍ଯ୍ୟଟକ।
ତାମ୍ପରାକୁ ଆହୁରି ଆକର୍ଷଣ ସୌନ୍ଦର୍ଯ୍ୟକରଣ କରିବା ନିମନ୍ତେ ବିଭିନ୍ନ ପ୍ରକାର ଉନ୍ନତିକରଣ କାର୍ଯ୍ୟ କରାଯାଉଛି l ଯେଉଁ ପର୍ଯ୍ୟଟନର ମାନ୍ୟତା ରହିଛି ତାହାକୁ ବୃଦ୍ଧି କରିବା ନିମନ୍ତେ ଗୁରୁତ୍ୱ ଦିଆଯାଉଛି ବୋଲି ମଧ୍ୟ ଜିଲାପାଳ କହିଥିଲେ। ଜନସଂଖ୍ୟା ଦିନକୁ ଦିନ ବୃଦ୍ଧି ହେବାରେ ଲାଗିଛି l ଲୋକଙ୍କ ମନୋରଞ୍ଜନ ନିମନ୍ତେ ସରକାରଙ୍କ ପକ୍ଷରୁ ବିଭିନ୍ନ କାର୍ଯ୍ୟ କରାଯାଉଛି। ଲୋକେ କିପରି ସୁରକ୍ଷିତ ଭାବେ ବେଳାଭୂମିର ମଜା ନେବେ ସେଥିପାଇଁ ନୋଳିଆ ନୁଆଁ ଗାଁ ବେଳାଭୂମିକୁ ବ୍ରିଜ ମାଧ୍ୟମରେ ଯାତାୟତ କରିବେ l ଏହାକୁ ଦୃଷ୍ଟି ରଖି ଆଜି ଏହି ପ୍ରସ୍ତୁତି ବୈଠକରେ ଆଲୋଚନା କରାଯାଇଛି ବୋଲି ବିଧାୟକ ଶ୍ରୀ ନାୟକ ସୂଚନା ଦେଇଛନ୍ତି l ଏହି ବୈଠକରେ ଛତ୍ରପୁର ଉପଜିଲାପାଳ ଶିବାଶିଷ ବରାଳ, ଛତ୍ରପୁର ତହସିଲଦାର ଦିବ୍ୟା ମହାନ୍ତି, ଜିଲା ପର୍ଯ୍ୟଟନ ଅଧିକାରୀ ଜନକ ତରାଇ, ଆଇ ଆରଇଏଲ କମ୍ପାନୀର ବରିଷ୍ଠ ଅଧିକାରୀ ଗଣ, ଏମଆଇ, ଇରିକେସନ, ପିଡବ୍ଲୁଡ଼ି ସହିତ ଅନ୍ୟାନ୍ୟ ବିଭାଗର ଅଧିକାରୀ ମାନେ ଉପସ୍ଥିତ ଥିଲେ।
Dharitri – Odisha’s No.1 Odia Daily
