ଇସଲାମାବାଦ,୨୨।୭ : ନିଷିଦ୍ଧ ଆତଙ୍କବାଦୀ ଗୋଷ୍ଠୀ ତେହେରିକ-ଇ-ତାଲିବାନ ପାକିସ୍ଥାନ (ଟିଟିପି) ସହିତ ଆଫଗାନିସ୍ତାନ ତାଲିବାନ ପାକିସ୍ତାନ ସରକାରଙ୍କୁ ଆଉ ଏକ ରାଉଣ୍ଡ ଆଲୋଚନା ଆରମ୍ଭ କରିବାକୁ ପରାମର୍ଶ ଦେଇଛି। କାବୁଲର ଜଣେ ବରିଷ୍ଠ ନେତା ଇସଲାମାବାଦକୁ କହିଛନ୍ତି ଏହା ଯୁଦ୍ଧ ଅପେକ୍ଷା ଶାନ୍ତି ପସନ୍ଦ କରିବା ଉଚିତ। ଶନିବାର ଏକ ଗଣମାଧ୍ୟମ ରିପୋର୍ଟରେ ଏହି ଘଟଣା ସାମ୍ନାକୁ ଆସିଛି। ଗଣମାଧ୍ୟମର ରିପୋର୍ଟ ଅନୁଯାୟୀ, ତେହେରିକ-ଇ-ତାଲିବାନ ପାକିସ୍ତାନ (ଟିଟିପି) ଉପରେ କଟକଣା ଲଗାଇବା ପାଇଁ ପାକିସ୍ତାନର ସର୍ବଶେଷ ଉଦ୍ୟମ କାବୁଲର ବିନା ଅନୁମତିରେ ଆଗକୁ ବଢ଼ିପାରିବ ନାହିଁ।
ପାକିସ୍ତାନ ଚଳିତ ସପ୍ତାହରେ କାବୁଲକୁ ନିଜର ସ୍ବତନ୍ତ୍ର ଦୂତଙ୍କୁ ତିନି ଦିନିଆ ଗସ୍ତରେ ପଠାଇ ଏକ ସ୍ପଷ୍ଟ ବାର୍ତ୍ତା ପଠାଇଛି ଦେଶରେ ଅନେକ ବଡ଼ ଆତଙ୍କବାଦୀ ଆକ୍ରମଣ ପାଇଁ ଦାୟୀ ହୋଇଥିବା ଆଫଗାନିସ୍ତାନର ତାଲିବାନ ନେତୃତ୍ୱାଧୀନ ମଧ୍ୟବର୍ତ୍ତୀକାଳୀନ ସରକାରଙ୍କୁ ଟିଟିପି ବିରୋଧରେ ନିର୍ଣ୍ଣାୟକ ପଦକ୍ଷେପ ନେବାକୁ ପଡିବ। ତାଙ୍କ ଗସ୍ତ ସମୟରେ ରାଷ୍ଟ୍ରଦୂତ ଆସାଦ ଦୁରାନି ଆଫଗାନିସ୍ତାନର କାର୍ଯ୍ୟକାରୀ ପ୍ରଧାନମନ୍ତ୍ରୀ ମୌଲଭି ଅବଦୁଲ କବୀର, କାର୍ଯ୍ୟକାରୀ ବୈଦେଶିକ ମନ୍ତ୍ରୀ ମୌଲଭି ଆମୀର ଖାନ ମୁତାକିଙ୍କୁ ଭେଟିଛନ୍ତି।
ଗଣମାଧ୍ୟମ ରିପୋର୍ଟ ଅନୁଯାୟୀ, କିନ୍ତୁ ଆଫଗାନିସ୍ତାନ ତାଲିବାନ ତାଙ୍କୁ ଅନେକ ବୈଠକ ପରେ କହିଥିଲେ ପାକିସ୍ତାନ ବଳ ପ୍ରୟୋଗ କରିବା ପରିବର୍ତ୍ତେ ଶାନ୍ତିର ରାସ୍ତା ଆପଣେଇବା ଉଚିତ। ବନ୍ଦ ଦ୍ୱାର ଆଲୋଚନା ସହ ପରିଚିତ ସରକାରୀ ସୂତ୍ର ଗଣମାଧ୍ୟମକୁ କହିଛି ଆଫଗାନିସ୍ତାନ ତାଲିବାନ ନେତୃତ୍ୱକୁ ସ୍ପଷ୍ଟ ଭାବରେ କୁହାଯାଇଛି ଟିଟିପି ମୁହାଁମୁହିଁ ହେବା ସହ ପାକିସ୍ତାନର ସହିବା ସୀମା ପାର ହୋଇଛି।
ଏହି ପ୍ରସଙ୍ଗରେ ବୈଦେଶିକ କାର୍ଯ୍ୟାଳୟ ମୁଖପାତ୍ର ମମତାଜ ଜାହରା ବାଲୋଚ ମଧ୍ୟ ଆତଙ୍କବାଦ ପ୍ରସଙ୍ଗ ପାକିସ୍ତାନ ପାଇଁ ଏକ ଚିନ୍ତାର ବିଷୟ ବୋଲି କହିଛନ୍ତି। ଆମେ ଆଫଗାନିସ୍ତାନ କର୍ତ୍ତୃପକ୍ଷଙ୍କ ସହ ଅନେକ ଥର ଏବଂ ପାକିସ୍ତାନ ଆଫଗାନିସ୍ତାନ ମଧ୍ୟବର୍ତ୍ତୀ କର୍ତ୍ତୃପକ୍ଷଙ୍କ ମଧ୍ୟରେ ଘଟୁଥିବା ପ୍ରତ୍ୟେକ ଗୁରୁତ୍ୱପୂର୍ଣ୍ଣ କଥାବାର୍ତ୍ତାରେ ଏହି ପ୍ରସଙ୍ଗ ଉଠାଇଛୁ। ଆଫଗାନିସ୍ତାନ ଅଧିକାରୀଙ୍କ ସହ ରାଷ୍ଟ୍ରଦୂତ ଦୁରାନି ସୀମା ଆତଙ୍କବାଦ ପ୍ରସଙ୍ଗ ଉଠାଇଛନ୍ତି କି ନାହିଁ ବୋଲି ପଚରାଯିବାରୁ ସେ କହିଛନ୍ତି ଆଫଗାନିସ୍ତାନ ମାଟିରୁ ଆତଙ୍କବାଦ ବିପଦକୁ ନେଇ ଆମେ ଆଲୋଚନା କରିଛୁ।
