ନୂଆଦିଲ୍ଲୀ, ୧୬।୬: ଟି-୨୦ ବିଶ଼୍ବକପ୍ରେ ପାକିସ୍ତାନ ପ୍ରଥମ ଦୁଇଟି ମ୍ୟାଚ୍ ହାରି ଟୁର୍ଣ୍ଣାମେଣ୍ଟରୁ ବାହାର ହେବାର ପାଦଦେଶରେ ଛିଡ଼ା ହୋଇଥିଲା । କିନ୍ତୁ ପରବର୍ତ୍ତୀ ମ୍ୟାଚ୍ରେ କାନାଡ଼ାକୁ ହରାଇବା ପରେ ଦଳ ଆଗକୁ ବଢ଼ିବା ନେଇ ଆଶା ସଞ୍ଚାର କରିଥିଲା । ଭାରତ ଠାରୁ ହାରିବା ପରେ ଯଦି ଆମେରିକା ଟିମ୍ ଆୟାରଲ୍ୟାଣ୍ଡ ଠାରୁ ପରାଜିତ ହୋଇଥାନ୍ତା ତେବେ ପାକିସ୍ତାନ ପାଖରେ ସୁପର ୮ ରେ ପହଞ୍ଚିବାର ରାସ୍ତା ରହିଥାନ୍ତା । କିନ୍ତୁ ବର୍ଷା ପାକିସ୍ତାନର ସବୁ ଆଶା ଧୋଇଦେଇଛି । ଏହାପରେ କିଛି ପୂର୍ବତନ କ୍ରିକେଟର ଆଇସିସିର ମ୍ୟାଚ୍ ପ୍ରସ୍ତୁତିକୁ ନେଇ ପ୍ରଶ୍ନ ଉଠାଇଛନ୍ତି ।
ଭାରତ-ପାକିସ୍ତାନ ମ୍ୟାଚ୍ ବାତିଲ୍ ହେବା ପରେ ପୂର୍ବତନ କ୍ରିକେଟର ତଥା କମେଣ୍ଟଟେଟର ନବଜୋତ ସିଂ ସିଦ୍ଧୁ ବଡ଼ ଖୁଲାସା କରିଛନ୍ତି । ଆମେରିକା ଏବଂ ଆୟାରଲ୍ୟାଣ୍ଡ ବିପକ୍ଷ ମ୍ୟାଚ୍ ଦିନ ସୁପର ସାଁପରର ପେଟ୍ରୋଲ ସରିଯାଇଥିଲା । ଯେଉଁ କାରଣରୁ ପଡ଼ିଆକୁ ଭଲରେ ଶୁଖା ଯାଇପାରିନଥିଲା । ତେଣୁ ମ୍ୟାଚ୍କୁ ବାତିଲ କରିବାକୁ ପଡ଼ିଥିଲା ।
ଅନ୍ୟପଟେ ଭାରତର ଅନ୍ୟଜଣେ ମହାନ୍ କ୍ରିକେଟର ସୁନିଲ ଗାଭାସ୍କର ଆଇସିସି ଉପରେ ପ୍ରଶ୍ନ ଉଠାଇଛନ୍ତି । ଫ୍ଲୋରିଡାରେ ବର୍ତ୍ତମାନ ପର୍ଯ୍ୟନ୍ତ ୨ଟି ମ୍ୟାଚ୍ ବାତିଲ ହୋଇଛି । ବର୍ଷ ସମୟରେ କେବଳ ପିଚ୍ ଏବଂ ଏହାର ପାଖ ୩୦ ୟାର୍ଡ ପର୍ଯ୍ୟନ୍ତ ପାଲ ଦ଼୍ବାରା କଭର କରାଯାଇଥିଲା । ବାକି ସ୍ଥାନ ଖୋଲା ଥିଲା । ଯାହା ଫଳରେ ପଡ଼ିଆ ଓଦା ହେଇଯାଇଥିଲେ ବି ଶୁଖା ଯାଇପାରିନଥିଲା । ଆଇସିସି ଯେଉଁ ଷ୍ଟାଡିୟମରେ ସମ୍ପୂର୍ଣ୍ଣ ପଡ଼ିଆ କଭର ନକରି ପାରିବ ସେ ଷ୍ଟାଡିୟମ୍ରେ ମ୍ୟାଚ୍ ଆୟୋଜନ କରିବା ଉଚିତ୍ ନୁହେଁ ବୋଲି ସେ କହିଛନ୍ତି ।
