ମୁମ୍ବାଇ,୧୧।୧୦: ଟି-୨୦ ଅଧିନାୟକ ସୂର୍ଯ୍ୟକୁମାର ଯାଦବ ବର୍ତ୍ତମାନ ତାଙ୍କ କ୍ୟାରିୟରର ଏକ କଷ୍ଟକର ପର୍ଯ୍ୟାୟ ଦେଇ ଗତି କରୁଛନ୍ତି। ଯଦିଓ ଭାରତ ତାଙ୍କ ଅଧିନାୟକତ୍ୱରେ ଏସିଆ କପ ୨୦୨୫ ଜିତିଥିଲା, କିନ୍ତୁ ତାଙ୍କ ବ୍ୟାଟ ସମଗ୍ର ଟୁର୍ନାମେଣ୍ଟରେ ନୀରବ ରହିଥିଲା। ବର୍ତ୍ତମାନ, ତାଙ୍କର ଖରାପ ଫର୍ମ ଘରୋଇ କ୍ରିକେଟକୁ ମଧ୍ୟ ପ୍ରଭାବିତ କରିଛି। ଆଗାମୀ ରଣଜୀ ଟ୍ରଫି ସିଜିନ ପାଇଁ ମୁମ୍ବାଇ କ୍ରିକେଟ ଆସୋସିଏସନ (MCA) ଦ୍ୱାରା ପ୍ରକାଶିତ ଦଳରେ ସୂର୍ଯ୍ୟକୁମାର ଯାଦବଙ୍କୁ ସାମିଲ କରାଯାଇ ନାହିଁ।
୨୦୨୫-୨୬ ରଣଜୀ ଟ୍ରଫି ଅକ୍ଟୋବର ୧୫ ତାରିଖରେ ଆରମ୍ଭ ହେବାକୁ ଯାଉଛି। ଏଥର ୪୨ ଥର ଚାମ୍ପିଅନ ମୁମ୍ବାଇ ସେମାନଙ୍କର ପ୍ରଥମ ମ୍ୟାଚ୍ରେ ଜମ୍ମୁ-କଶ୍ମୀରର ମୁକାବିଲା କରିବ। MCA ୧୬ ଜଣିଆ ଦଳ ଘୋଷଣା କରିଥିଲା, କିନ୍ତୁ ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ଯେ ସୂର୍ଯ୍ୟକୁମାର ଯାଦବଙ୍କ ନାମ ଦଳରେ ସାମିଲ କରାଯାଇ ନଥିଲା।
ମ୍ସୂର୍ଯ୍ୟକୁମାରଙ୍କ ବାଦ ପଡ଼ିବା ପଛରେ ମୁଖ୍ୟ କାରଣ ତାଙ୍କର ସାମ୍ପ୍ରତିକ ଖରାପ ଫର୍ମ ହୋଇପାରେ। ଏହା ମଧ୍ୟ ବିଶ୍ୱାସ କରାଯାଉଛି ଯେ, ତାଙ୍କୁ ବିଶ୍ରାମ ଦିଆଯାଇଛି କାରଣ ସେ ଅକ୍ଟୋବର ୨୦ ପରେ ଅଷ୍ଟ୍ରେଲିଆ ଗସ୍ତ ପାଇଁ ଯିବେ। ତଥାପି, ଅନେକ ବିଶେଷଜ୍ଞଙ୍କ ମତରେ ସୂର୍ଯ୍ୟଙ୍କୁ ଏହି ମ୍ୟାଚ ଖେଳିବା ଉଚିତ ଥିଲା ଯାହା ଦ୍ୱାରା ସେ ସିରିଜ ପୂର୍ବରୁ କିଛି ସମୟ ପାଇପାରିଥାନ୍ତେ।
ଏଥର ମୁମ୍ବାଇ ଦଳର ଅଧିନାୟକତ୍ୱରେ ଏକ ବଡ଼ ପରିବର୍ତ୍ତନ ହୋଇଛି। ଗତ ସିଜନରେ ଦଳର ନେତୃତ୍ୱ ନେଇଥିବା ଅଜିଙ୍କେ ରାହାଣେ ଅଧିନାୟକତ୍ୱ ଛାଡି ଦେଇଛନ୍ତି। ଏମସିଏ ତାଙ୍କ ବଦଳରେ ଶାର୍ଦ୍ଦୁଳ ଠାକୁରଙ୍କୁ ନିଯୁକ୍ତ କରିଛି। ତଥାପି ରାହାଣେ ଦଳର ଅଂଶ ରହିବେ ଏବଂ ମଧ୍ୟକ୍ରମରେ ବ୍ୟାଟିଂ କରିବେ।
ଦଳର ଆଉ ଏକ ବଡ଼ ନାମ ଶିବମ ଦୁବେ, ଯିଏ ସମ୍ପ୍ରତି ଉତ୍କୃଷ୍ଟ ଫର୍ମରେ ଅଛନ୍ତି ଏବଂ ଅଷ୍ଟ୍ରେଲିଆ ବିପକ୍ଷ ଟି-୨୦ ସିରିଜ ପାଇଁ ମଧ୍ୟ ମନୋନୀତ ହୋଇଛନ୍ତି।
ମୁମ୍ବାଇ ସ୍ବାଡ (ପ୍ରଥମ ମ୍ୟାଚ)
ଶାର୍ଦ୍ଦୁଲ ଠାକୁର (ଅଧିନାୟକ), ଆୟୁଷ ମଥ୍ରେ, ଆକାଶ ଆନନ୍ଦ (ଉଇକେଟ ରକ୍ଷକ), ଅଜିଙ୍କେ ରାହାନେ, ସିଦ୍ଧେଶ ଲଡ, ଶିବମ ଦୁବେ, ସରଫରାଜ ଖାନ, ଶ୍ୟାମ ମୁଲାନି, ତନୁଶ କୋଟିୟାନ, ତୁଷାର ଦେଶପାଣ୍ଡେ, ସିଲଭେଷ୍ଟର ଡି’ସୁଜା, ହାର୍ଦ୍ଦିକ ତମୋର (ଉଇକେଟର ରକ୍ଷକ)।।