ନୂଆଦିଲ୍ଲୀ,୯।୮ : କମ୍ପ୍ଟ୍ରୋଲର ଏବଂ ଅଡିଟର ଜେନେରାଲ ଅଫ ଇଣ୍ଡିଆ(ସିଏଜି) ର ଏକ ରିପୋର୍ଟରେ ଆୟୁଷ୍ମାନ ଭାରତ-ପ୍ରଧାନ ମନ୍ତ୍ର ୀ ଜନ ଆରୋଗ୍ୟ ଯୋଜନା ବିଷୟରେ ଆଶ୍ଚର୍ଯ୍ୟଜନକ ତଥ୍ୟ ପ୍ରକାଶ ପାଇଛି। ଯେଉଁଥିରେ କୁହାଯାଇଛି ଏହି ଯୋଜନାର ପ୍ରାୟ ୭.୫ ଲକ୍ଷ ହିତାଧିକାରୀ ସମାନ ମୋବାଇଲ ନମ୍ବରରେ ପଞ୍ଜୀକୃତ ହୋଇଛନ୍ତି। ଏହି ମୋବାଇଲ ନମ୍ବରରେ ଥିବା ସମସ୍ତ ୧୦ ନମ୍ବରରେ ୯ ଅଙ୍କ ଅଛି (୯୯୯୯୯୯୯୯୯)। ଲୋକସଭାରେ ଉପସ୍ଥାପିତ ଆୟୁଷ୍ମାନ ଭାରତ ଯୋଜନାର ଅଡିଟ ଉପରେ ଏହାର ରିପୋର୍ଟରେ ସିଏଜି ପକ୍ଷରୁ ଏହି ଆଶ୍ଚର୍ଯ୍ୟଜନକ ସୂଚନା ପ୍ରଦାନ କରାଯାଇଛି।
ଭୁଲ ମୋବାଇଲ ନମ୍ବର ସହିତ ପଞ୍ଜୀକରଣ କରାଯାଇଛି। ବିଶେଷ କଥା ହେଉଛି ମୋବାଇଲ ନମ୍ବର ଯେଉଁଥିରୁ ପ୍ରାୟ ୭.୫ ଲକ୍ଷ ଲୋକ ପଞ୍ଜୀକୃତ ହୋଇଥିଲେ, ସେହି ସଂଖ୍ୟା ମଧ୍ୟ ଭୁଲ ଥିଲା, ଅର୍ଥାତ ସେହି ନମ୍ବର ପାଇଁ କୌଣସି ସିମ କାର୍ଡ ନାହିଁ। ବିଆଏସଡାଟାବେସର ବିଶ୍ଳେଷଣରେ ଏତେ ସଂଖ୍ୟକ ନକଲି ପଞ୍ଜିକରଣ ହୋଇଥିବା ପ୍ରକାଶ ପାଇଛି। ଏହି ରିପୋର୍ଟରେ ଅନ୍ୟ ଏକ ସମାନ ମାମଲା ମଧ୍ୟ ଉଲ୍ଲେଖ କରାଯାଇଛି, ଯେଉଁଥିରେ କୁହାଯାଇଛି ପ୍ରାୟ ୧ ଲକ୍ଷ ୩୯ ହଜାର ୩୦୦ ଲୋକ ଅନ୍ୟ ୮୮୮୮୮୮୮୮୮୮୮୮ ସହିତ ସଂଯୁକ୍ତ ହୋଇଥିବାବେଳେ ୯୬,୦୪୬ ଲୋକ ୯୦୦୦୦୦୦୦ନମ୍ବର ସହିତ ସଂଯୁକ୍ତ। ଏହା ସହିତ ଏଭଳି ପ୍ରାୟ ୨୦ଟି ନମ୍ବର ମଧ୍ୟ ରହିଛି, ଯେଉଁଥିରେ ୧୦ ହଜାରରୁ ୫୦ ହଜାୀ ହିତାଧିକାରୀ ସଂଯୁକ୍ତ ହୋଇଛନ୍ତି ।
ରିପୋର୍ଟରେ ମୋଟ ୭.୮୭ କୋଟି ହିତାଧିକାରୀ ପଞ୍ଜୀକୃତ ହୋଇଥିବା ଜଣାପଡିଛି। ତେବେ ଭୁଲ ଫୋନ ନମ୍ବର ଯୋଗୁ ଚିକିତ୍ସା ପାଇବାରେ ଅସୁବିଧା ଦେଖାଦେଉଛି।
ରିପୋର୍ଟରେ କୁହାଯାଇଛି ଡାଟାବେସରେକୌଣସି ହିତାଧିକାରୀଙ୍କ ସହ ଜଡିତ ରେକର୍ଡ ଖୋଜିବା ପାଇଁ ମୋବାଇଲ ନମ୍ବର ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏହା ସହିତ ଆଇଡି କାର୍ଡ ବିନା ପଞ୍ଜୀକରଣ ଡେସ୍କ ନିକଟକୁ ଯାଇ ହେବ ନାହିଁ। ଯଦି ମୋବାଇଲ ନମ୍ବର ଭୁଲ, ତେବେ ଇ-କାର୍ଡ ହଜିଗଲେ ହିତାଧିକାରୀଙ୍କୁ ଚିହ୍ନିବା କଷ୍ଟକର ହେବ। ଫଳରେ ହିତାଧିକାରୀଙ୍କ ପାଇଁ ଏହି ଯୋଜନାର ଲାଭ ପାଇବା ପ୍ରାୟ ଅସମ୍ଭବ ହେବ। ଡାକ୍ତରଖାନାଗୁଡ଼ିକ ସେମାନଙ୍କୁ ସୁବିଧା ପ୍ରତ୍ୟାଖ୍ୟାନ କରିବ ଏବଂ ଲୋକଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡିବ।
