ନୂଆଦିଲ୍ଲୀ,୧୭।୪ : ଟିଏମସି ମହାସଚିବ ଅଭିଷେକ ବାନାର୍ଜୀଙ୍କୁ ସୁପ୍ରିମକୋର୍ଟଙ୍କଠାରୁ ଏକ ବଡ଼ ଆଶ୍ୱସ୍ତି ମିଳିଛି। ସୁପ୍ରିମକୋର୍ଟ କୋଲକାତା ହାଇକୋର୍ଟଙ୍କ ରାୟ ଉପରେ ରୋକ ଲଗାଇଛନ୍ତି। ଯେଉଁଥିରେ ଅନୁସନ୍ଧାନକାରୀ ସଂସ୍ଥା ଇଡ଼ି-ସିବିଆଇ ଦ୍ୱାରା ଅଭିଷେକ ବାନାର୍ଜୀଙ୍କୁ ପଚରାଉଚରା କରିବାକୁ ନିର୍ଦ୍ଦେଶ ଦିଆଯାଇଥିଲା। ତେବେ ପରବର୍ତ୍ତୀ ଶୁଣାଣି ପର୍ଯ୍ୟନ୍ତ ଏହି ନିଷେଧାଦେଶ ଲାଗୁ କରାଯାଇଛି ଏବଂ ସୁପ୍ରିମକୋର୍ଟ ୨୪ ଏପ୍ରିଲରେ ଏହାର ଶୁଣାଣି କରିବେ।
କୋଲକାତା ହାଇକୋର୍ଟର ଏକକ ଜଜ ବେଞ୍ଚ ଅଭିଷେକ ବାନାର୍ଜୀ ଏବଂ କୁନ୍ତଲ ଘୋଷଙ୍କୁ ଶିକ୍ଷକ ନିଯୁକ୍ତି ସ୍କାମରେ ପଚରାଉଚରା କରିବାକୁ ନିର୍ଦ୍ଦେଶ ଦେଇଥିଲେ। ଏହା ବିରୋଧରେ ସୁପ୍ରିମକୋର୍ଟରେ ଏକ ପିଟିଶନ ଦାଖଲ କରାଯାଇଥିଲା। ଯେଉଁଥିରେ ପ୍ରଧାନ ବିଚାରପତି ଡି.ଓ୍ବାଇ. ଚନ୍ଦ୍ରଚୂଡ ପରବର୍ତ୍ତୀ ଶୁଣାଣି ପର୍ଯ୍ୟନ୍ତ ଏହି ମାମଲାରେ ଅନୁସନ୍ଧାନକାରୀ ସଂସ୍ଥା କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନ କରିବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି।
ସୂଚନାଯୋଗ୍ୟ, ପଶ୍ଚିମବଙ୍ଗ ରାଜ୍ୟ ସ୍ତରୀୟ ଚୟନ ପରୀକ୍ଷା-୨୦୧୬ର ନିଯୁକ୍ତି ପ୍ରକ୍ରିୟା ଅଧୀନରେ ଶିକ୍ଷା ବିଭାଗରେ ଶିକ୍ଷକ ନିଯୁକ୍ତି ପାଇଥିଲେ। ଅଭିଯୋଗ ହୋଇଛି ଟଙ୍କା ନେଇ ପ୍ରାର୍ଥୀ ଚୟନ କରାଯାଇଥିଲା। ଏହି ମାମଲାରେ ସିବିଆଇ ଟିଏମସି ବିଧାୟକ ଜୀବନ କୃଷ୍ଣ ଶାହାଙ୍କୁ ଗିରଫ କରିଛି।
