ଅତାବିରା,୧୮।୩(ଯୁଧିଷ୍ଠିର ମହାପାତ୍ର ): ମଧ୍ୟପ୍ରାଚ୍ୟରେ ଗୋଟିଏ ପଟେ ଯୁଦ୍ଧ ଲାଗିରହିଥିବା ବେଳେ ଅନ୍ୟପଟରେ ସାରା ଭାରତ ଓ ଓଡ଼ିଶାରେ ମଧ୍ୟ ଗ୍ୟାସ ବା LPG ର ସଙ୍କଟ ଦେଖିବାକୁ ମିଳିଛି । ଅନ୍ୟପଟେ ଏହାକୁ ନେଇ ତତ୍ପରତା ଦେଖାଇଛି ଖାଦ୍ୟ ଯୋଗାଣ ବିଭାଗ । କଳାବଜାର ରୋକିବା ପାଇଁ ଚାଲିଛି ପ୍ରୟାସ ଜାରି ରହିଛି । ଏହି ପରିପ୍ରେକ୍ଷୀରେ ବରଗଡ ଯୋଗାଣ ବିଭାଗ ପକ୍ଷରୁ ଚଢ଼ାଉ କରାଯାଇଛି । ଗ୍ୟାସ କଳାବଜରୀ ସୂଚନା ପାଇ ବରଗଡ ଜିଲା ଅତାବିରା ବ୍ଲକ କୁଲୁଣ୍ଡା ଗାଁର ବ୍ୟବସାୟୀ ପ୍ରଶାନ୍ତ ପ୍ରଧାନଙ୍କ ଘରେ ଯୋଗାଣ ବିଭାଗ ପକ୍ଷରୁ ଚଢାଉ କରାଯାଇଛି ।
ତାଙ୍କ ଘରୁ ୧୨ଟି ଘରୋଇ ଗ୍ୟାସ ସିଲିଣ୍ଡର ସହିତ ୨୮୩ଟି ଗ୍ରାହକଙ୍କ ଗ୍ୟାସ ଖାତା ମିଲଛି । ସେଥିମଧ୍ୟରୁ ୧୬୦ଟି ଉଜ୍ୱଳା ଯୋଜନାର ଖାତା ରହିଥିବା ବେଳେ ୧୨୩ଟି ସାଧାରଣ କଂଜୁମର ଖାତା ଜବଦ କରିଛି ଯୋଗାଣ ବିଭାଗ । ତେବେ ଏହି ଚଢ଼ାଉରେ ଅତିରିକ୍ତ ଯୋଗାଣ ଅଧିକାରୀ ବୋମକେଶ ମାଝୀଙ୍କ ନେତୃତ୍ୱରେ ଏକ ଟିମ ଗଠନ କରି ମାଜିଷ୍ଟ୍ରେଟଙ୍କ ଉପସ୍ଥିତ ଚଢ଼ାଉ ଜାରି ରହିଛି । ତେବେ ଏହି ଗ୍ୟାସ ସିଲିଣ୍ଡର ଓ ଏତେ ଜଣ କଂଜୁମରଙ୍କ ଖାତା କେଉଁଠୁ ଆସିଲା ତାହା ତଦନ୍ତ କରୁଛି ଯୋଗାଣ ବିଭାଗ ।
ଅନ୍ୟ ପଟେ ଜିଲା ପ୍ରଶାସନ ତରଫରୁ ରନ୍ଧନ ଗ୍ୟାସ, ପେଟ୍ରୋଲ, ଡିଜେଲ ଯୋଗାଣ ତଥା ବଣ୍ଟନ ସମୀକ୍ଷା ପାଇଁ ପାଇଁ ଜିଲାପାଳ ଅଧ୍ୟକ୍ଷତାରେ ଏକ ବୈଠକ କରି କମିଟି ଗଠନ କରାଯାଇଛି । ତେବେ ଜିଲାସ୍ତରୀୟ କଳାବଜାର ରୋକିବା ପାଇଁ ଗଠନ କରାଯାଇଛି ଟାସ୍କ ଫୋର୍ସ ଗାର୍ଡ । ତାସହିତ ପ୍ରଶାସନ ତରଫରୁ ହେଲ୍ପ ଲାଇନ ନମ୍ବର ମଧ୍ୟ୍ୟ ଜାରି କରାଯାଇଛି ।
