ଦୁନିଆରେ ଏମିତି ଏକ ବେଳାଭୂମି ରହିଛି, ଯାହା ପୃଥିବୀର ସବୁଠୁ ବିପଜ୍ଜନକ ଏବଂ ଶେଷ ବେଳାଭୂମି ବୋଲି କୁହାଯାଏ। ଏପରି ବେଳାଭୂମି ଦକ୍ଷିଣ ଆଫ୍ରିକାର ନାମ୍ବିଆରେ ରହିଛି। ଯାହାକୁ ‘ସ୍କେଲିଟନ ବିଚ୍’କୁହାଯାଏ। ଏହି ବିଚ୍ ୪୦ କିଲୋମିଟର ଚଉଡ଼ା ଏବଂ ୫୦୦ କିଲୋମିଟର ଲମ୍ବର ଅଟେ।
ଏକ ରିପୋର୍ଟ ଅନୁଯାୟୀ, ଏହି ବିଚ୍ରେ ବାଘ ଏବଂ ସିଂହ ପରି ଭୟଙ୍କର ପଶୁ ବାଲି ମଧ୍ୟରେ ଲୁଚି ରହି ଶିକାର ଉପରେ ଆକ୍ରମଣ କରନ୍ତି। ଏହାର ଏକ ବୃହତ ଅଂଶ କେବଳ ତାଲିମପ୍ରାପ୍ତ ପର୍ଯ୍ୟଟକ ଅପରେଟରଙ୍କ ମାଧ୍ୟମରେ ପହଞ୍ଚିପାରିବ, କାରଣ ଏଠାରେ ପର୍ଯ୍ୟଟକମାନେ ଏକୁଟିଆ ଯାତ୍ରା କରିବା ବିପଜ୍ଜନକ ହୋଇପାରେ ବୋଲି ବିଶ୍ୱାସ କରାଯାଏ।
ଏହି ବେଳାଭୂମି ମଧ୍ୟ ଏକ ଜାତୀୟ ଉଦ୍ୟାନ। ଏହାକୁ ଦକ୍ଷିଣ ଏବଂ ଉତ୍ତର ଭାଗରେ ବିଭକ୍ତ କରାଯାଇଛି। ଲୋକମାନେ ସହଜରେ ଦକ୍ଷିଣ ଭାଗରେ ପହଞ୍ଚି ପାରିବେ। ସ୍କେଲିଟନ କୋଷ୍ଟ ପାର୍କର ଦକ୍ଷିଣ ହେଉଛି ଜାତୀୟ ପଶ୍ଚିମ ତଟ ପର୍ଯ୍ୟଟନ ମନୋରଞ୍ଜନ କ୍ଷେତ୍ର, ଯେଉଁଥିରେ ବହୁ ସଂଖ୍ୟକ ମାଛ ରହିଥାଏ, ଯାହା ଏହାକୁ ମତ୍ସ୍ୟଜୀବୀଙ୍କ ପାଇଁ ଏକ ପ୍ରମୁଖ ଆକର୍ଷଣ କରିଥାଏ।
ଆଫ୍ରିକୀୟ ଟ୍ରାଭେଲ ରିସୋର୍ସର ପ୍ରତିଷ୍ଠାତା ଗ୍ରେଗ ଓ୍ବେଲ୍ବି କୁହନ୍ତି, ‘ଏହି କ୍ଷେତ୍ର ଆଫ୍ରିକାରେ ବର୍ତ୍ତମାନର ସବୁଠାରୁ ଦୂର, ଦୁଃସାହସିକ ଏବଂ ରୋମାଞ୍ଚକର ସଫାରି ଅଟେ।’
ଏହି ବେଳାଭୂମି ବିଶ୍ୱର ବୃହତ୍ତମ ଜାହାଜ ଶ୍ମଶାନ ଭାବରେ ମଧ୍ୟ ଜଣାଶୁଣା। ଏଠାରେ ପ୍ରାୟ ୫୦୦ ଜାହାଜର ଧ୍ୱଂସାବଶେଷ ରହିଛି, ଯାହାର ଅବଶିଷ୍ଟାଂଶ ସମୁଦ୍ର କୂଳରେ ବିଛାଡ଼ି ହୋଇପଡ଼ିଛି। ଜାହାଜ ଭାଙ୍ଗିବାର ମୁଖ୍ୟ କାରଣ ହେଉଛି କୁହୁଡ଼ିଏବଂ ଅଶାନ୍ତ ସମୁଦ୍ର। ନାମ୍ବିଆ ରିପୋର୍ଟ ଅନୁଯାୟୀ, ସମୁଦ୍ର କୂଳରେ ହାଡ଼ ମଧ୍ୟ ଦେଖିବାକୁ ମିଳେ। ଜାହାଜ ଭାଙ୍ଗିଯିବା ଏକ କାଠ ପର୍ତ୍ତୁଗୀଜ ଗ୍ୟାଲେନଠାରୁ ଆରମ୍ଭ କରି ଆଧୁନିକ ଇସ୍ପାତ ଚାଳିତ ଜାହାଜ ପର୍ଯ୍ୟନ୍ତ ଏକ ଶତାବ୍ଦୀ ପୂର୍ବରୁ ବୁଡ଼ି ଯାଇଥିବା କୁହାଯାଉଛି।
