ନୂଆଦିଲ୍ଲୀ,୨୪।୧୨: ଦେଶର ପ୍ରମୁଖ ଟେଲିକମ୍ କମ୍ପାନୀ ଏୟାରଟେଲ୍ ଓ ହେଲ୍ଥକେୟାର ଗ୍ରୁପ୍ ଆପୋଲୋ ହସ୍ପିଟାଲ ମିଳିତ ଭାବେ ଭାରତର ପ୍ରଥମ ୫ଜି ଚାଳିତ ଆର୍ଟିଫିସିଆଲ ଇଣ୍ଟେଲିଜେନ୍ସ (ଏଆଇ) ଗାଇଡେଡ୍ କୋଲୋନୋସ୍କୋପି ଟ୍ରାଏଲ୍ କରିଛନ୍ତି। ଏହି ପରୀକ୍ଷଣକୁ ଅଲ୍ଟ୍ରା-ଲୋ ଲାଟେନ୍ସି ଓ ହାଇ ପ୍ରୋସେସିଂ କ୍ଷମତା ସହ ଏୟାରଟେଲ୍ର ୫ଜି ଟେକ୍ନୋଲୋଜି ଉପରେ ଏଆଇର ବ୍ୟବହାର କରି କରାଯାଇଥିଲା। ଫଳରେ କୋଲୋନ୍ କ୍ୟାନ୍ସରକୁ ଖୁବ୍ଶୀଘ୍ର ଓ ଅଧିକ ସଠିକତାର ସହ ଚିହ୍ନଟ କରାଯାଇପାରିଥିଲା। ବିଶେଷ କରି ହେଲ୍ଥନେଟ୍ ଗ୍ଲୋବାଲ, ଏଡବ୍ଲ୍ୟୁଏସ୍ ଓ ଅଭେଶା ଭଳି କମ୍ପାନୀ ଉକ୍ତ ପରୀକ୍ଷଣରେ ସହଭାଗିତା କରିଥିଲେ। ଏପରିକି ଏଆଇ ଗାଇଡେଡ୍ କାଲୋନୋସ୍କୋପି ପଦ୍ଧତିର ଫଳସ୍ବରୂପ ବିନା କୌଣସି ଲ୍ୟାଗ୍ରେ ରିଅଲ୍ ଟାଇମ୍ରେ ଇମେଜ୍ ପ୍ରୋସେସିଂ ହୋଇଥିଲା। ଏହାର ବ୍ୟବହାର ଚିକିତ୍ସକଙ୍କ ପାଇଁ ଚକ୍ଷୁର ଏକ ଅତିରିକ୍ତ ପେୟାରକୁ ସକ୍ଷମ କରୁଛି ଏବଂ ପଲିପ୍ସର ଚିହ୍ନଟ ହାରକୁ ଉନ୍ନତ କରୁଛି, ଯାହାଫଳରେ ରୋଗୀଙ୍କ ଜୀବନ ବଞ୍ଚାଯାଇପାରୁଛି ଓ ରୋଗୀଙ୍କ ସେବାରେ ଉନ୍ନତି ଘଟୁଛି।
