କଠିନ ଅଧ୍ୟବସାୟରୁ ସଫଳତା

ପାଞ୍ଚ ଦଶନ୍ଧି ତଳେ ଭୁବନେଶ୍ୱର କହିଲେ ହାତଗଣତି କିଛି ବଜାର ଓ ଅଞ୍ଚଳକୁ ବୁଝାଉଥିଲା। ୧୯୭୦ ମସିହାରେ ଜଣେ ସଫଳ ବ୍ୟବସାୟୀ ଭାବେ ଖ୍ୟାତି ଅର୍ଜନ କରିଥିଲେ ସ୍ବର୍ଗତ ସୁକାନ୍ତ ଚନ୍ଦ୍ର ସାମନ୍ତରାୟ। ସେତେବେଳେ ସେ ଆରମ୍ଭ କରିଥିବା ତୃପ୍ତି ପେଟ୍ରୋଲ ପମ୍ପ୍‌ ଆଜି ଏକ ବୃହତ୍‌ ବ୍ୟବସାୟିକ ପ୍ରତିଷ୍ଠାନରେ ପରିଣତ ହୋଇଛି। ବାପାଙ୍କ ପଦାଙ୍କ ଅନୁସରଣ କରି ତୃପ୍ତି ଗ୍ରୁପ୍‌ ଅଫ୍‌ କମ୍ପାନିଜ୍‌କୁ ସଫଳତାର ଶୀର୍ଷକୁ ନେଇପାରିଛନ୍ତି ତାଙ୍କ ସୁପୁତ୍ର ତଥା ଏହାର ପରିଚାଳନା ନିର୍ଦ୍ଦେଶକ ଇଂ. ବଦ୍ରି ନାରାୟଣ ସାମନ୍ତରାୟ।

ଅଟୋ ଉଦ୍ୟୋଗକୁ ମହାମାରୀ କିପରି ପ୍ରଭାବିତ କରିଛି?
୨୦୨୦-୨୧ ଆର୍ଥିକ ବର୍ଷ ଆରମ୍ଭରୁ ନଭେମ୍ବର ପର୍ଯ୍ୟନ୍ତ କରୋନା ଓ କାରବାରକୁ ନେଇ ଚିନ୍ତିତ ଥିଲୁ। ମହାମାରୀ ଯୋଗୁ ଦେଶର ଅଟୋ ଶିଳ୍ପ ମଧ୍ୟ ଅନିଶ୍ଚିତତା ମଧ୍ୟରେ ରହିଥିଲା। ଉତ୍ପାଦନରୁ ନେଇ ସେବା ଯୋଗାଣ ପର୍ଯ୍ୟନ୍ତ ସବୁ ଠିକ୍‌ ହେଲେ କାରବାର ଚାଲେ। ବ୍ୟାଙ୍କ ପ୍ରିମିୟମ୍‌, କର୍ମଚାରୀଙ୍କ ଦରମା, ସଂସ୍ଥାର ବିଭିନ୍ନ କାର୍ଯ୍ୟାଳୟ ଓ ସର୍ଭିସ୍‌ ପଏଣ୍ଟର ଭଡ଼ା ଭଳି ଅନେକ କଥା ରହିଛି। ମହାମାରୀ ବେଳେ ସେ ସବୁର ସମାଧାନ ପାଇଁ ସଂସ୍ଥା କଠିନ ସମୟ ଦେଇ ଗତି କରିଛି।

୨୦୨୧-୨୨ ଆର୍ଥିକ ବର୍ଷ ପାଇଁ କ’ଣ ସବୁ ଯୋଜନା ପ୍ରସ୍ତୁତ କରିଛନ୍ତି?
ଗତବର୍ଷର କ୍ଷତିକୁ ଭରଣା କରିବା ପାଇଁ ଚଳିତବର୍ଷ ବଜାର ବ୍ୟବସ୍ଥାକୁ ଆହୁରି ଅତ୍ୟାଧୁନିକ ଓ ବ୍ୟାପକ କରାଯିବ। ଭୁବନେଶ୍ୱର ସମେତ ଅନୁଗୋଳ ଓ ସମ୍ବଲପୁରରେ ସଂସ୍ଥାର ନୂଆ ଶାଖା, ଶୋ’ରୁମ୍‌ ଏବଂ ସର୍ଭିସ ଷ୍ଟେଶନ ଖୋଲିବା ପାଇଁ ଯୋଜନା ରହିଛି। ଚଳିତ ବର୍ଷରୁ ଆମେ କୃଷି ଜାତୀୟ ବ୍ୟବସାୟରେ ପଦାର୍ପଣ ପାଇଁ ଯୋଜନା କରିଛୁ। ସାରା ଓଡ଼ିଶା ଏପରି କି ପଡ଼ୋଶୀ ରାଜ୍ୟଗୁଡ଼ିକରେ ଆମ ଗ୍ରାହକ ଓ ସଂସ୍ଥାର ଏକ ସ୍ବତନ୍ତ୍ର ପରିଚୟ ରହିଛି। ସେହି ପରିଚୟ ଓ ଗ୍ରାହକ ସମ୍ପର୍କକୁ ନେଇ ଆଗକୁ ବଢ଼ିବା ପାଇଁ ଯୋଜନା ପ୍ରସ୍ତୁତ ହୋଇଛି।

ମହାମାରୀ ସମୟରେ କର୍ମଚାରୀମାନେ କିଭଳି ପ୍ରଭାବିତ ହୋଇଥିଲେ?
ତୃପ୍ତି ଗ୍ରୁପ ହେଉଛି ୫୦ ବର୍ଷର ସଂସ୍ଥା। ମୋ ବାପାଙ୍କ ସାଙ୍ଗରେ କାମ କରୁଥିବା କର୍ମଚାରୀ ଆଜି ବି ମୋ ସହ କାର୍ଯ୍ୟ କରୁଛନ୍ତି। ବର୍ତ୍ତମାନ ସଂସ୍ଥା ସହ ପ୍ରତ୍ୟକ୍ଷ ଓ ପରୋକ୍ଷ ଭାବେ ୫୦୦ରୁ ଊର୍ଦ୍ଧ୍ୱ ବ୍ୟକ୍ତି ଜଡ଼ିତ। ମହାମାରୀ ବେଳେ ସେମାନଙ୍କୁ ସବୁ ପ୍ରକାର ସହଯୋଗ ଦେଇଥିଲି।

ଚଳିତ ବଜେଟକୁ କିପରି ଦେଖୁଛନ୍ତି?
ଏହି ବଜେଟ ଅଟୋ ଶିଳ୍ପର ଆଧୁନିକୀକରଣରେ ସହାୟକ ହେବ। ନୂଆ ମାନଦଣ୍ଡ ହିସାବରେ କାରବାର ମଧ୍ୟ ସହଜ ହେବ ବୋଲି ଆଶା ରହିଛି। ସରକାରଙ୍କ ନିୟମ ଏବଂ ଗ୍ରାହକଙ୍କ ପସନ୍ଦ ଓ ଚାହିଦାକୁ ନେଇ ବ୍ୟବସାୟ କରିବା ଆମର ମୂଳଲକ୍ଷ୍ୟ।

ରାଜ୍ୟର ଅଟୋ ଉଦ୍ୟୋଗକୁ କିପରି ଦେଖୁଛନ୍ତି?
ବ୍ୟବସାୟ କାହାକୁ ଅନୁସରଣ କରି କରାଯାଏ ନାହିଁ। ବଜାର ଚାହିଦା ଓ ଗ୍ରାହକଙ୍କ ବିଶ୍ୱାସକୁ ନେଇ ବିକ୍ରି ପରବର୍ତ୍ତୀ ସେବା ଦେବା ଆମର ଲକ୍ଷ୍ୟ। ସେବା ଦେଲେ ସଫଳତା ମିଳେ ଆଉ ଯେଉଁମାନେ ସେବା ଦେବେ ନାହିଁ ସେମାନେ ଅନ୍ୟକୁ ଅଙ୍ଗୁଳି ଦେଖାଇବେ। ପ୍ରକୃତ ବ୍ୟବସାୟୀ କାହା ସହ ପ୍ରତିଦ୍ୱନ୍ଦ୍ୱିତା ନ କରି ନିଜ ବ୍ୟବସ୍ଥା ଓ ବ୍ୟବସାୟର ମାନବୃଦ୍ଧି ପାଇଁ ଦିନରାତି କଠିନ ଅଧ୍ୟବସାୟ କରି ସଫଳତା ପାଇବାକୁ ଚେଷ୍ଟା କରନ୍ତି।

ସଫଳତା ପାଇଁ କାହାକୁ ଶ୍ରେୟ ଦେବେ?
ଗୋଟିଏ ସଂସ୍ଥାର ସଫଳତା ସମସ୍ତଙ୍କୁ ନେଇ ଏବଂ ସମସ୍ତ ପାଇଁ ମିଳିଥାଏ। ମୋ ବାପା, ମା’ଙ୍କ ଆଶୀର୍ବାଦ ଓ ସହଧର୍ମିଣୀଙ୍କ ସହଯୋଗ ଯୋଗୁ ଏସବୁ ସମ୍ଭବ ହୋଇପାରିଛି। ପ୍ରଭୁ ଜଗନ୍ନାଥଙ୍କ କୃପା, ତୃପ୍ତି ଗ୍ରୁପକୁ ଭଲ ପାଉଥିବା ଅଗଣିତ ଗ୍ରାହକ, କର୍ମଚାରୀଙ୍କ ନିଷ୍ଠାପରତା ସହ ପରିଶ୍ରମ ଓ ସୁସମ୍ପର୍କ ଏହି ସଫଳତା ଆଣିଦେଇଛି ବୋଲି ମୁଁ ଅନୁଭବ କରିଥାଏ।

ତୃପ୍ତି ଗ୍ରୁପ୍‌ରେ ପରିଚଳାନା ଅନୁଭୂତି କେମିତି ରହିଛି?
୭୦ ଦଶକରୁ ଅଦ୍ୟାବଧି ଅନେକ ଅନୁଭୂତି ରହିଛି। ବର୍ତ୍ତମାନ ସଂସ୍ଥାର ପେଟ୍ରୋଲ ପମ୍ପ୍‌, ଦୁଇଚକିଆ ହୋଣ୍ଡା ଶୋ’ରୁମ୍‌, ଚାରିଚକିଆ ଶୋ’ରୁମ୍‌, ବୁଲେଟ୍‌ ଶୋ’ରୁମ୍‌, ଇ-ବାଇକ୍‌ ଶୋ’ରୁମ୍‌ ଆଦି ରହିଛି। ରାଜ୍ୟର ପ୍ରମୁଖ ସହରରେ ସଂସ୍ଥାର ଶାଖା ଓ ସର୍ଭିସ ଷ୍ଟେଶନ ଆଦିକୁ ନେଇ ତୃପ୍ତି ଗ୍ରୁପ୍‌ ସୃଷ୍ଟି ହୋଇଛି। ବଡ଼ ବଡ଼ କମ୍ପାନୀର ଡିଲରଶିପ୍‌ ସହ ବିଶ୍ୱାସ ଯୋଗୁ ଆମେ ଆଜି ସଫଳ ହୋଇପାରିଛୁ। ଭଗବାନଙ୍କ କୃପା, କମ୍ପାନୀର ପ୍ରଶଂସାପତ୍ର ଓ ଗ୍ରାହକଙ୍କ ବିଶ୍ୱାସ ପାଇଥିବାରୁ ସବୁକିଛି ସୁଚାରୁ ରୂପେ ପରିଚାଳନା କରିପାରିଛି।


Enter your email to get our daily news in your inbox.

All Right Reserved By Dharitri.Com

ଅଷ୍ଟପ୍ରହର ନାମଯଜ୍ଞରେ ଗୁଳିମାଡ଼

ଘଣ୍ଟାପଡ଼ା/ଖୁଣ୍ଟିଗୋରା,୧୮।୪ (ପ୍ରଭାତ କୁମାର ସାହୁ/ମକରନ୍ଦ ସାହୁ)-ବୌଦ୍ଧ ଜିଲା କଣ୍ଟାମାଳ ଥାନା ଲମ୍ବସୱରୀ ଗ୍ରାମପଞ୍ଚାୟତର ପିପଲପାଲି ଗ୍ରାମରେ ରାମନବମୀ ପାଇଁ ଅଷ୍ଟପ୍ରହର ନାମଯଜ୍ଞ ଚାଲିଥିବାବେଳେ ବୁଧବାର ରାତି...

ଏଏପି ପରେ ଓଡ଼ିଶାରେ ପ୍ରାର୍ଥୀ ଘୋଷଣା କଲା ସିପିଆଇଏମ, ଭୁବନେଶ୍ୱର ଲୋକ ସଭା ଆସନରୁ ଲଢିବେ ଏହି ନେତା

ଭୁବନେଶ୍ୱର,୧୮।୪: ରାଜ୍ୟର ୩୭ଟି ବିଧାନସଭା ପାଇଁ ଆମ ଆଦମୀ ପାର୍ଟି ନିଜର ପ୍ରାର୍ଥୀ ଘୋଷଣା କରିଥିବା ବେଳେ ସିପିଆଇ(ଏମ ) ମଧ୍ୟ ଆଜି ଭୁବନେଶ୍ୱର ଲୋକ...

ନିର୍ବାଚନ ପୂର୍ବରୁ ଜବତ ହେଲା ଲକ୍ଷ ଲକ୍ଷ ଟଙ୍କା

ବରଗଡ଼,୧୮।୪(ପ୍ରେମାନନ୍ଦ ଖମାରୀ): ବରଗଡ଼ ଟାଉନ ଥାନା ପୋଲିସ ସହର ଉପକଣ୍ଠ ହଲଦୀପାଲି ଛକରେ ଯାଞ୍ଚ ଚଲାଇ ଥିବାବେଳେ ବୁଧବାର ୧୦ଲକ୍ଷ ଟଙ୍କା ଜବତ କରିଛି ।...

ଉତ୍କଳ ଗ୍ରାମୀଣ ବ୍ୟାଙ୍କରୁ ଡକାୟତି

ବରପାଲି,୧୮।୪(ଚିତ୍ତରଞ୍ଜନ ସାହୁ): ବରଗଡ଼ ଜିଲା ବରପାଲିସ୍ଥିତ ଏକ ହୋଟେଲ ତଳ ମହଲାରେ ଥିବା ଉତ୍କଳ ଗ୍ରାମୀଣ ବ୍ୟାଙ୍କରୁ ଗୁରୁବାର ସଶସ୍ତ୍ର ଡକାୟତ ହୋଇଛି। ଡକାୟତମାନେ ବ୍ୟାଙ୍କରୁ...

ରାଲିରେ ଯାଇ ନିଲମ୍ବିତ ହୋଇଥିଲେ ଶିକ୍ଷୟିତ୍ରୀ: ଏବେ ସଭାକୁ ଯାଇ ଶିକ୍ଷକଙ୍କୁ ପଡ଼ିଲା ମହଙ୍ଗା

ବୌଦ୍ଧ/ଘଣ୍ଟାପଡ଼ା/ଖୁଣ୍ଟିଗୋରା,୧୮।୪ (ଅଜିତ କୁମାର ବାରିକ/ ପ୍ରଭାତ କୁମାର ସାହୁ/ ମକରନ୍ଦ ସାହୁ): ବୌଦ୍ଧ ଜିଲା କଣ୍ଟାମାଳ ନିର୍ବାଚନ ମଣ୍ଡଳୀରେ ଏକ ଦଳର ନିର୍ବାଚନୀ ସଭାରେ ଯୋଗ...

ଟ୍ୱିନ୍ ସିଟିରେ ମହିଳାଙ୍କ ସୁରକ୍ଷା ପାଇଁ ସ୍ୱତନ୍ତ୍ର ଟିମ୍ ଗଠନ କଲା କମିସନରେଟ ପୋଲିସ

ଭୁବନେଶ୍ୱର,୧୮।୪: ସର୍ବସାଧାରଣ ସ୍ଥାନରେ ମହିଳାଙ୍କ ସୁରକ୍ଷା ସୁନିଶ୍ଚିତ କରିବା ଦିଗରେ ଏକ ବଡ ପଦକ୍ଷେପ ନେଇଛି କମିଶନରେଟ୍ ପୋଲିସ୍। ମହିଳା ମାନଙ୍କ ସୁରକ୍ଷା ପାଇଁ ଏଣିକି...

ରାଜ୍ୟରେ ଗ୍ରୀଷ୍ମ ପ୍ରବାହ ଜାରି, ଏହୁ ସବୁ ଜିଲାକୁ ସତର୍କ ସୂଚନା ଜାରି

ଭୁବନେଶ୍ୱର,୧୮।୪: ରାଜ୍ୟରେ ଗ୍ରୀଷ୍ମ ପ୍ରବାହ ଜାରି ରହିଛି । ପାଣିପାଗ କେନ୍ଦ୍ରର ଆକଳନ ଅନୁଯାୟୀ ଗୁରୁବାର ଦିନ ଆଜି ଦିନ ୨ଟା ୩୦ ସୁଦ୍ଧା ଭୁବନେଶ୍ୱରରେ...

୫ ହଜାର କର୍ମଚାରୀଙ୍କୁ ଛଟେଇ କଲା ଟୋଷିବା, ଜାଣନ୍ତୁ କାହିଁକି

ନୂଆଦିଲ୍ଲୀ,୧୮।୪: ଜାପାନର ପ୍ରମୁଖ ଇଲେକ୍ଟ୍ରୋନିକ୍ସ କମ୍ପାନୀ ଟୋଷିବା ୫୦୦୦ କର୍ମଚାରୀଙ୍କୁ ଛଟେଇ କରିଛି। କମ୍ପାନୀର ପୁନଃବ୍ୟବସ୍ଥିତ କରିବା ପାଇଁ ଏହି ନିଷ୍ପତି ନିଆଯାଇଛି। ଏହି ସଂଖ୍ୟା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri