ଚଣ୍ଡିଗଡ,୧୪।୧୧: ହରିୟାଣାର ଭିଓ୍ବାନୀରେ ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି। ଏଠାରେ ଏକ ସରକାରୀ ବିଦ୍ୟାଳୟର ପିଲାମାନେ ୍ଏକ ବିପଜ୍ଜନକ କାର୍ଯ୍ୟ କରିଛନ୍ତି। ପିଲାମାନେ ସେମାନଙ୍କ ବିଜ୍ଞାନ ଶିକ୍ଷୟିତ୍ରୀଙ୍କ ଚେୟାର ତଳେ ଫାୟାରଫ୍ରାକ ପରି ଏକ ବୋମା ରଖିଥିଲେ। ଏହି ସମୟରେ ଶିକ୍ଷୟିତ୍ରୀ ଆଘାତରୁ ଅଳ୍ପକେ ବର୍ତ୍ତି ଯାଇଥିଲେ। ବର୍ତ୍ତମାନ ଶିକ୍ଷା ବିଭାଗ ଏହି ଘଟଣାରେ କାର୍ଯ୍ୟାନୁଷ୍ଠାନ ଗ୍ରହଣ କରି ଅଭିଯୁକ୍ତ ଛାତ୍ରମାନଙ୍କୁ ସ୍କୁଲରୁ ବହିଷ୍କାର କରିଛି।
ହରିୟାଣାର ଭିଓ୍ବାନୀ ଜିଲାାର ବୋପାରା ଏକ ସ୍କୁଲରେ ପିଲାମାନେ ଶିକ୍ଷୟିତ୍ରୀଙ୍କ ଚେୟାର ତଳେ ଏକ ବୋମା ଲଗାଇଥିଲେ। ଏହା ଫୁଟିବା ପରେ ଶିକ୍ଷୟିତ୍ରୀ ଜଣଙ୍କ ସେଠାରୁ ଦୌଡି ପଳାଇ ଥିଲେ। ଫଳରେ ସେ ଅଳ୍ପକେ ବର୍ତ୍ତି ଯାଇଥିଲେ। ଅଭିଯୋଗ ହୋଇଛି ଯେ, ଜଣେ ଛାତ୍ର ଚେୟାର ତଳେ ଏକ ବୋମା ଲଗାଇଥିବା ବେଳେ ଅନ୍ୟତ ଜଣେ ରିମୋଟ ସହିତ ଏକ ବଟନ ଦବାଇ ଏହାକୁ ବିସ୍ଫୋରଣ କରିଥିଲେ। ଏହି ଘଟଣା ପରେ ଶିକ୍ଷା ବିଭାଗର ଅଧିକାରୀଙ୍କୁ ସୂଚନା ଦିଆଯାଇଥିଲା। ଶିକ୍ଷା ବିଭାଗ ଟିମ୍ ବିଦ୍ୟାଳୟରେ ପହଞ୍ଚି ଅଭିଯୁକ୍ତ ଛାତ୍ରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା।
ଏହି ପରିପ୍ରେକ୍ଷୀରେ ଜିଲା ଶିକ୍ଷା ଅଧିକାରୀ ନରେଶ ମହାତା କହିଛନ୍ତି, ଶ୍ରେଣୀର ୧୫ ପିଲାଙ୍କ ମଧ୍ୟରୁ ୧୩ ଜଣ ଏହି ଘଟଣାରେ ସମ୍ପୃକ୍ତ ଥିଲେ। ଗୋଟିଏ ପିଲା ଏକ ବୋମା ତିଆରି କରି ଜଣେ ଏହାକୁ ଚେୟାର ତଳେ ଲଗାଇଥିଲେ। ଏବଂ ଅନ୍ୟ ଜଣେ ପିଲା ରିମୋଟ ସହିତ ବଟନ ଦବାଇଥିଲେ। ଯେଉଁ ଦିନ ଏହି ଘଟଣା ଘଟିଥିଲା, ସେହି ଦିନ ସମଗ୍ର ଶ୍ରେଣୀର ୧୩ ଜଣ ପିଲା ଆସିଥିଲେ ଏବଂ ସମସ୍ତେ ଏହି ଘଟଣା କରିଥିଲେ। ଏଥିସହିତ ମହିଳା ଶିକ୍ଷୟିତ୍ରୀ ପିଲାମାନଙ୍କୁ କ୍ଷମା କରିଦେଇଥିଲେ। କିନ୍ତୁ ପିଲାଙ୍କୁ ସ୍କୁଲରୁ ବହିଷ୍କୃତ କରାଯାଇଛି।
