କେନ୍ଦୁଝର,୨୨ା୩(ସ୍ବ.ପ୍ର.): କେନ୍ଦୁଝର ଜିଲା ମୁଖ୍ୟ ଡାକ୍ତରଖାନାର ବିଭିନ୍ନ ବିଭାଗରେ ଦୀର୍ଘବର୍ଷ ହେଲା କାମ କରି ଆସୁଥିବା ୬୨ଜଣ ରୋଗୀ ସହାୟକ ସମେତ ବିଭିନ୍ନ ବିଭାଗରେ କାମ କରୁଥିବା ଠିକା କର୍ମଚାରୀ ପୁନଃ ନିଯୁକ୍ତି ଦାବିରେ ବୁଧବାର ସିଡିଏମଓଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଛନ୍ତି। ୪୯ଜଣ ଆଣ୍ଟେନାଣ୍ଟ,୨ଜଣ ଲିପ୍ଟ ଅପରେଟର,୨ଅକ୍ସିଜେନ ପ୍ଲାଣ୍ଟ ଅପରେଟର,୬ଜଣ ହେଲପ ଡେକ୍ସ ମ୍ୟାନେଜର, ଜଣେ ଗାର୍ଡେନର,୩ ଜଣ ଏମ୍ଏସ୍ କେୟାର ସିକ୍ୟୁରିଟି ଆଲିଡ ସର୍ଭିସ ଏଜେନ୍ସି ମାଧ୍ୟମରେ ଜିଲା ମୁଖ୍ୟ ଚିକିତ୍ସାଳୟରେ କାର୍ଯ୍ୟ କରିଆସୁଛନ୍ତି। ବିଗତ କରୋନା ମହାମାରୀ ସମୟରେ ମଧ୍ୟ ସେମାନେ ରେଗୁଲାର ଭାବେ ୨/୩ମାସ ଦରମା ନ ପାଇ ଜୀବନକୁ ବାଜି ଲଗେଇ ବିଭିନ୍ନ ସମସ୍ୟା ମଧ୍ୟରେ କାର୍ଯ୍ୟ କରିଥିଲେ। ଏବେ ମେଡିକାଲ କଲେଜ ହସ୍ପିଟାଲ ତଥା ଜିଲା ଡାକ୍ତରଖାନାରେ ଅଧିକ କର୍ମଚାରୀର ଆବଶ୍ୟକ ରହିଥିବା ଏବଂ ଆଉଟ ସୋର୍ସିଂ ଜରିଆରେ ନିଯୁକ୍ତି ଦିଆଯାଉ ଥିବାରୁ ସେମାନଙ୍କୁ ନିଯୁକ୍ତି ଦେବାକୁ ଦାବି ରଖିଛନ୍ତି। ତେବେ ଏବେ ଗତ ୧୫ା୧୧ା୨୦୨୨ ଏବଂ ୯ା୦୨ା୨୦୨୩ଠାରୁ ପୁରାତନ ସଂସ୍ଥା ଏମ୍ଏସ୍ କେୟାର ସିକ୍ୟୁରିଟି ସଂସ୍ଥାର ଚୁକ୍ତିନାମା ଅବଧି ସରିଯାଇଛି। ବର୍ତ୍ତମାନ ଟେଣ୍ଡର ପାଇଥିବା ଲ୍ୟାଣ୍ତକ ସର୍ଭିସ ୧୫ା୦୨ା୨୦୨୩ ତାରିଖ ଠିକା କର୍ମଚାରୀଙ୍କ ସାର୍ଟିଫିକେଟ ଭେରିଫିକେସନ,ବ୍ୟାଙ୍କ ବୋର୍ଡ ଏଗ୍ରିମେଣ୍ଟ ଆଦି କରି ନେଇଥିଲା। ମାତ୍ର ଏହି କର୍ମଚାରୀମାନଙ୍କ ନାମ ସଂସ୍ଥାରେ ନ ଥିବାରୁ ଘୋର ଅସନ୍ତୋଷ ପ୍ରକାଶ ପାଇଛି।୨ମାସରୁ ୪ମାସ ହେବ ବିଭିନ୍ନ ବିଭାଗରେ ସମସ୍ତେ କାର୍ଯ୍ୟ କରିଆସୁଛନ୍ତି। ହେଲେ ବକେୟା ଦରମା ମିଳିପାରିନାହିଁ ବୋଲି ଅଭିଯୋଗ ହୋଇଛି। ସ୍ବଳ୍ପ ଦରମାରେ ଚାକିରି କରିଆସୁଥିବା ବେଳେ ପରିବାର ପ୍ରତିପୋଷଣ କରିବା ପାଇଁ କଷ୍ଟକର ହୋଇପଡୁଛି। ଏଣୁ ଅଫ୍ ରିଲିଭର ଏବଂ ୨୧ବର୍ଷ ବୟସସୀମାରେ ଥିବା ଯେଉଁମାନଙ୍କୁ ଛଟେଇ କରିଛନ୍ତି ପୁନଃ ନିଯୁକ୍ତି ଦାବିରେ ବିଶ୍ବଜିତ ବାରିକ,ଦେବାଶିଷ ସାହୁ,ଚନ୍ଦନ କୁମାର ଲୋହାର,ଚିନ୍ମୟ କୁମାର ସାହୁଙ୍କ ସମେତ ବହୁ ଠିକା କର୍ମଚାରୀଗଣ ସିଡିଏମ୍ଓ ଡକ୍ଟର କେ.ସି. ପୃଷ୍ଟିଙ୍କୁ ଲିଖିତ ଦାବିପତ୍ର ପ୍ରଦାନ କରିଛନ୍ତି।
