କଲମ୍ବୋ,୭।୭: ଶ୍ରୀଲଙ୍କା ରାଷ୍ଟ୍ରପତି ରାନିଲ ବିକ୍ରମସିଂଘେ ବଙ୍ଗୋପସାଗର ଉପକୂଳରେ ଥିବା ଦେଶରେ ବିମ୍ସଟେକକୁ ପର୍ଯ୍ୟଟନ ଦୃଷ୍ଟିରୁ ଏକ ସୀମା ମୁକ୍ତ ଅଞ୍ଚଳ କରିବାକୁ ପରାମର୍ଶ ଦେଇଛନ୍ତି। ସୂଚନାଯୋଗ୍ୟ, ବିମ୍ସଟେକରେ ଭାରତ, ଶ୍ରୀଲଙ୍କା, ବାଂଲାଦେଶ, ମୃାନମାର, ଥାଇଲାଣ୍ଡ ଓ ଭୁଟାନ ରହିଛି।
ଗୁରୁବାର ଟ୍ରାଭେଲ ଏଜେଣ୍ଟସ ଆସୋସିଏସନ ଅଫ ଇଣ୍ଡିଆ (ଟିଏଏଆଇ)ର ୬୭ତମ ବାର୍ଷିକ ସମ୍ମିଳନୀର ଉଦଘାଟନୀ କାର୍ଯ୍ୟକ୍ରମରେ ବିକ୍ରମସିଂଘେ ଯୋଗ ଦେଇଥିଲେ। ଏହି ଅବସରରେ ସେ କହିଛନ୍ତି ଯେ ବଙ୍ଗୋପସାଗରର ସାତୋଟି ଦେଶର ଏକ ବହୁ-କ୍ଷେତ୍ର ବୈଷୟିକ ଏବଂ ଅର୍ଥନୈତିକ ସହଯୋଗ ଫୋରମ BIMSTEC କୁ ସୀମା ମୁକ୍ତ ପର୍ଯ୍ୟଟନ କ୍ଷେତ୍ର ଭାବରେ ପରିଣତ କରାଯିବା ଉଚିତ। ଚାରି ଦିନିଆ ଟିଏଏଆଇ ସମ୍ମିଳନୀର ବିଷୟବସ୍ତୁ ହେଉଛି ‘ସୀମାକୁ ଅତିକ୍ରମ କରିବା, ଜୀବନକୁ ପରିବର୍ତ୍ତନ କରିବା’।
ସେ କହିଛନ୍ତି ଯେ ଶ୍ରୀଲଙ୍କା ଦେବାଳିଆ ପରିସ୍ଥିତିର ସମ୍ମୁଖୀନ ହୋଇଛି ଏବଂ ବର୍ତ୍ତମାନ ଆମେ ଏଥିରୁ ବାହାରିବାବେଳେ ଋଣ ପୁନର୍ଗଠନ ପ୍ରକ୍ରିୟା ଚାଲିଛି। ସେ କହିଛନ୍ତି ଯେ ଆମକୁ ତଥାପି ମନେ ରଖିବାକୁ ହେବ ଯେ ବାଣିଜ୍ୟର ସନ୍ତୁଳନ ଆମ ସପକ୍ଷରେ ନାହିଁ। ତେଣୁ, ଆମକୁ ବାଣିଜ୍ୟର ଏକ ସକରାତ୍ମକ ସନ୍ତୁଳନ ନିଶ୍ଚିତ କରିବାକୁ ପଡିବ। ଟଙ୍କା ସଂଗ୍ରହ କରିବାର ଗୋଟିଏ ଉପାୟ ଯାହା ଋଣ ସୃଷ୍ଟି କରେ ନାହିଁ ତାହା ହେଉଛି ପର୍ଯ୍ୟଟନ। ତେଣୁ ଏହାକୁ ବହୁଳ ଭାବରେ ବ୍ୟବହାର କରାଯିବ।
