ନୂଆଦିଲ୍ଲୀ,୧୧।୨: ୨୦୨୪ ମସିହାରେ ଅନେକ ଲୋକପ୍ରିୟ କ୍ରିକେଟର ନିଜର କ୍ୟାରିୟରରେ ବ୍ରେକ୍ ଲଗାଇଥିଲେ। ଏବେ ଆଉ ଜଣେ ଭାରତୀୟ କ୍ରିକେଟରଙ୍କ କ୍ୟାରିୟରର ଅନ୍ତ ହୋଇଛି। ଏହି ଖେଳାଳି ତାଙ୍କ କ୍ୟାରିୟରରେ ୩୧ଟି ଶତକ ମାରିଥିଲେ। କିନ୍ତୁ ତାଙ୍କୁ ସେପରି ବିଦାୟ ମିଳି ନ ଥିଲା ଯାହା ସେ ପାଇବାର ଯୋଗ୍ୟ ଥିଲେ। ଏଠାରେ ଆମେ ସେଲଡନ୍ ଜ୍ୟାକସନ୍ ନାମକ ଜଣେ ଖେଳାଳିଙ୍କ ବିଷୟରେ କଥା ହେଉଛୁ। ସୌରାଷ୍ଟ୍ର ପାଇଁ ସେ କ୍ୟାରିୟରର ଶେଷ ମ୍ୟାଚ୍ ଖେଳି କିଛି ବିଶେଷ କରିପାରି ନାହାନ୍ତି। ଏପରିକି ତାଙ୍କ ଦଳ ମଧ୍ୟ ମ୍ୟାଚ୍ରେ ଭଲ ପ୍ରଦର୍ଶନ କରି ନାହିଁ।
ସେଲଡନ୍ ଜ୍ୟାକସନ୍ଙ୍କୁ ପଡ଼ିଆରେ ଜଣେ ଉଇକେଟକିପର ବ୍ୟାଟ୍ସମ୍ୟାନ ଭୂମିକାରେ ଦେଖିବାକୁ ମିଳିଛି। ସେ ୧୯୮୬ ସେପ୍ଟେମ୍ବର ୨୭ରେ ସୌରାଷ୍ଟ୍ରରେ ଜନ୍ମଗ୍ରହଣ କରିଥିଲେ। ସେ ୩୮ ବର୍ଷ ବୟସରେ ରଣଜୀ ଟ୍ରଫିକୁ ବିଦାୟ ଦେଇଛନ୍ତି। ୮ ଫେବୃଆରୀରେ ଗୁଜରାଟ ଏବଂ ସୌରାଷ୍ଟ୍ର ମଧ୍ୟରେ ଖେଳାଯାଇଥିବା ମ୍ୟାଚ୍ ତାଙ୍କର ଶେଷ ରଣଜୀ ମ୍ୟାଚ୍ ଥିଲା। ଏହା ଶେଷ ହେବା ପରେ ଜ୍ୟାକସନ୍ ତାଙ୍କ ସାଥୀ ଖେଳାଳିମାନଙ୍କ ସହିତ ଫଟୋ ମଧ୍ୟ ଉଠାଇଥିଲେ।
After the match, Sheldon Jackson and his teammates gather for a photo. He has played his last game for Saurashtra. @sportstarweb pic.twitter.com/mUGFOmmTVx
— Vivek Krishnan (@vivek9301) February 11, 2025
ସୌରାଷ୍ଟ୍ର ଏବଂ ଗୁଜରାଟ ମଧ୍ୟରେ କ୍ୱାର୍ଟର ଫାଇନାଲ ମ୍ୟାଚ୍ ୮ ଫେବୃଆରୀରୁ ସୌରାଷ୍ଟ୍ର କ୍ରିକେଟ ଆସୋସିଏଶନ ଷ୍ଟାଡିୟମରେ ଆରମ୍ଭ ହୋଇଥିଲା। ଏହି ମ୍ୟାଚ୍ରେ ସୌରାଷ୍ଟ୍ର ଦଳ ଖରାପ ପ୍ରଦର୍ଶନ କରିଥିଲା। ପରିଣାମସ୍ବରୂପ ସେମାନଙ୍କୁ ଏହି ଗୁରୁତ୍ୱପୂର୍ଣ୍ଣ ମ୍ୟାଚ୍କୁ ଗୋଟିଏ ଇନିଂସ ଏବଂ ୯୮ ରନ୍ରେ ହାରିବାକୁ ପଡିଥିଲା। ପ୍ରଥମେ ବ୍ୟାଟିଂ କରିଥିବା ସୌରାଷ୍ଟ୍ର ମାତ୍ର ୨୧୬ ରନରେ ଅଲଆଉଟ୍ ହୋଇଯାଇଥିଲା। ସେଲଡନ୍ ୪୬ ବଲ୍ରେ ୧୪ ରନ୍ କରିଥିଲେ। ଜବାବରେ ଗୁଜରାଟ ଦଳ ପ୍ରଥମ ଇନିଂସରେ ୫୧୧ ରନ କରିଥିଲା। ଏହା ପରେ ସୌରାଷ୍ଟ୍ର ଦ୍ୱିତୀୟ ଇନିଂସରେ ୧୯୭ ରନ କରିଥିଲା। ଦ୍ୱିତୀୟ ଇନିଂସରେ ଜ୍ୟାକସନ୍ ୩୨ ବଲରେ ୨୭ ରନ କରିଥିଲେ। କ୍ୱାର୍ଟର ଫାଇନାଲରେ ସୌରାଷ୍ଟ୍ର ଗୁଜରାଟଠାରୁ ଶୋଚନୀୟ ଭାବରେ ପରାସ୍ତ ହୋଇ ଟୁର୍ନାମେଣ୍ଟରୁ ବାହାର ହୋଇଥିଲା।
ଘରୋଇ କ୍ରିକେଟ ଖେଳିଥିଲେ ହେଁ ସେଲଡନଙ୍କୁ ଭାରତ ପାଇଁ ଖେଳିବାର ସୁଯୋଗ ମିଳିନାହିଁ। କିନ୍ତୁ ସେ ଘରୋଇ କ୍ରିକେଟରେ ମୋଟ ୩୧ଟି ଶତକ ମାରିଥିଲେ। ସେଲଡନ ୧୦୫ ପ୍ରଥମ ଶ୍ରେଣୀ ମ୍ୟାଚ୍ରେ ୨୧ ଶତକ ସହାୟତାରେ ୭୨୪୨ ରନ କରିଥିଲେ। ଯେତେବେଳେ ୮୬ଟି ଲିଷ୍ଟ ଏ ମ୍ୟାଚ୍ରେ ତାଙ୍କ ବ୍ୟାଟ୍ରୁ ୯ଟି ଶତକ ମାଧ୍ୟମରେ ୨୭୯୨ ରନ ବାହାରିଥିଲା। ଏହା ବ୍ୟତୀତ ସେ ୮୪ ଟି-୨୦ରେ ଗୋଟିଏ ଶତକ ସହିତ ୧୮୧୨ ରନ କରିଥିଲେ। ସେଲଡନ୍ ମଧ୍ୟ ୯ଟି IPL ମ୍ୟାଚ୍ ଖେଳିଥିଲେ ଯେଉଁଥିରେ ସେ କେବଳ ୬୧ ରନ କରିଥିଲେ।
