ନୂଆଦିଲ୍ଲୀ,୮।୨: ଭାରତରେ ସବୁଠାରୁ ଲୋକପ୍ରିୟ ଖେଳ ହେଉଛି କ୍ରିକେଟ । ଦେଶରେ ଏହି ଖେଳକୁ ଏକ ଧର୍ମ ଭାବରେ ଦେଖାଯାଏ। ଭାରତୀୟମାମାନେ ଖେଳାଳିମାନଙ୍କୁ ବହୁତ ପ୍ରେମ ଏବଂ ସମ୍ମାନ ଦେଇଥାନ୍ତି। କ୍ରିକେଟ ବ୍ୟତୀତ ଖେଳାଳିମାନେ ଭାରତରେ ଅନ୍ୟ ଅନେକ ଖେଳ ମାଧ୍ୟମରେ ସେମାନଙ୍କର ନିଆରା ଛାପ ଛାଡ଼ିଛନ୍ତି। ଏପରି ଏକ ଖେଳ ହେଉଛି ସ୍କ୍ବାସ। ସୌରଭ ଘୋଷାଲଙ୍କୁ ସ୍କ୍ବାସ ଖେଳର ଭାରତୀୟ କିମ୍ବଦନ୍ତୀ ମଧ୍ୟରେ ଗଣନା କରାଯାଏ। ୩୮ ବର୍ଷୀୟ ସୌରଭ ୨୦୨୪ ମସିହାରେ ବୃତ୍ତିଗତ କ୍ୟାରିୟରରୁ ଅବସର ଘୋଷଣା କରିଥିଲେ। ଏବେ ଗୋଟିଏ ବର୍ଷ ମଧ୍ୟରେ ସେ ଅବସରରୁ ପ୍ରତ୍ୟାବର୍ତ୍ତନ ନେଇ ଘୋଷଣା କରିଛନ୍ତି। ଏହା ସହିତ ସେ କେଉଁ ଟୁର୍ନାମେଣ୍ଟ ମାଧ୍ୟମରେ ପ୍ରତ୍ୟାବର୍ତ୍ତନ କରିବାକୁ ଯାଉଛନ୍ତି ସେ ବିଷୟରେ ମଧ୍ୟ ସୂଚନା ମିଳିଛି।
ଭାରତର କିମ୍ବଦନ୍ତୀ ସ୍କ୍ବାସ ଖେଳାଳି ସୌରଭ ଘୋଷାଲ ଏପ୍ରିଲ ୨୦୨୪ ରେ ଏକ ସୋସିଆଲ ମିଡିଆ ପୋଷ୍ଟ ମାଧ୍ୟମରେ ବୃତ୍ତିଗତ ସ୍କ୍ବାସରୁ ଅବସର ନେଇଥିଲେ। ହେଲେ ୧୦ ମାସରୁ କମ ସମୟ ମଧ୍ୟରେ ସେ ତାଙ୍କ ମନ ବଦଳାଇ ଦେଇଛନ୍ତି। ସୌରଭଙ୍କ ଅବସର ପରେ ଫେରିବାର ନିଷ୍ପତ୍ତିରେ ପ୍ରଶଂସକମାନେ ଆଶ୍ଚର୍ଯ୍ୟ ହୋଇଛନ୍ତି। ଖୁବ୍ଶୀଘ୍ର ଘୋଷାଲଙ୍କୁ ସ୍କ୍ବାସ କୋର୍ଟରେ ତାଙ୍କର ଦକ୍ଷତା ଦେଖାଇବାର ଦେଖିବାକୁ ମିଳିବ।
ସୌରଭ ବୃତ୍ତିଗତ ସ୍କ୍ବାସ୍ କୋର୍ଟକୁ ଫେରିବା ସମ୍ପର୍କରେ ମଧ୍ୟ ସୂଚନା ପ୍ରକାଶ ପାଇଛି। ସୌରଭ ଘୋଷାଲ ଖୁବ୍ଶୀଘ୍ର ‘ଅକ୍ଟେନ ସିଡନୀ କ୍ଲାସିକ୍’ ଟୁର୍ନାମେଣ୍ଟରେ ଖେଳିବେ। ଏହି ଟୁର୍ନାମେଣ୍ଟ ଅଷ୍ଟ୍ରେଲିଆର ସିଡନୀରେ ୧୯ ରୁ ୨୩ ଫେବୃଆରୀ ପର୍ଯ୍ୟନ୍ତ ଖେଳାଯିବ।
View this post on Instagram
ଏହି କିମ୍ବଦନ୍ତୀ ଭାରତୀୟ ଖେଳାଳି ତାଙ୍କ କ୍ୟାରିୟରରେ ଅନେକ ଐତିହାସିକ ସଫଳତା ହାସଲ କରିଛନ୍ତି। ଘୋଷାଲ ହାଙ୍ଗଝୁ ଏବଂ ଇଞ୍ଚିଅନ ଏସୀୟ କ୍ରୀଡାର ଦଳଗତ ଇଭେଣ୍ଟରେ ଦୁଇଟି ସ୍ବର୍ଣ୍ଣ ପଦକ ଜିତିଛନ୍ତି। ସେ ରାଜ୍ୟଗୋଷ୍ଠୀ କ୍ରୀଡ଼ାରେ ତିନୋଟି ପଦକ ଜିତିଥିଲେ। ଏହା ବ୍ୟତୀତ ୨୦୨୨ରେ ସୌରଭ ବିଶ୍ୱ ଡବଲ୍ସ ଚାମ୍ପିଅନସିପରେ ମିଶ୍ରିତ ଡବଲ୍ସ ବର୍ଗରେ ସ୍ବର୍ଣ୍ଣ ପଦକ ଜିତିଥିଲେ। ୨୦୧୯ ଏପ୍ରିଲରେ ସୌରଭ ପ୍ରଥମ ଭାରତୀୟ ଖେଳାଳି ଭାବରେ ଶ୍ରେଷ୍ଠ ୧୦ ସ୍ଥାନରେ ପହଞ୍ଚିଥିଲେ। ସୌରଭ ୧୩ଟି ଜାତୀୟ ଟାଇଟଲ ଜିତିବାର କୃତିତ୍ୱ ମଧ୍ୟ ହାସଲ କରିଛନ୍ତି।
