ମୁମ୍ବାଇ, ୨୦।୭: କରୋନା ମହାମାରୀ ସଙ୍କଟରେ ବଲିଉଡ୍ ଅଭିନେତା ସୋନୁ ସୁଦ୍ ଦେଶର ବହୁ ଲୋକଙ୍କୁ ସହାୟତାର ହାତ ବଢ଼ାଇ ବେଶ୍ ଚର୍ଚ୍ଚାରେ ରହିଛନ୍ତି। ଏବେ ପୁଣି ସୋନୁଙ୍କୁ ନେଇ ସୋସିଆଲ ମିଡ଼ିଆରେ ଚର୍ଚ୍ଚା ଆରମ୍ଭ ହୋଇଛି। ଏକ ଗରିବ ପରିବାରକୁ ଘର ଯୋଗାଇ ଦେବେ ବୋଲି ସେ ଟୁଇଟ୍ କରି ଜୁଲାଇ ୧୯ରେ ସୂଚନା ଦେଇଛନ୍ତି। ସମ୍ପୃକ୍ତ ପରିବାର ସଦସ୍ୟ ରାସ୍ତାକଡ଼ରେ ରହୁଛନ୍ତି। ବିହାରର ପାଟନାରେ ଏହି ପରିବାର ଏକ ଭଡ଼ା ଘରେ ବାସ କରୁଥିଲେ। ତେବେ ସ୍ବାମୀଙ୍କ ମୃତ୍ୟୁପରେ ଘର ମାଲିକ ମୃତକଙ୍କ ସ୍ତ୍ରୀ ଏବଂ ୨ ପିଲାଙ୍କୁ ବାହାର କରି ଦେଇଥିଲେ। ଏନେଇ ସୋନୁ କହିଛନ୍ତି ଯେ, ଖୁବ୍ ଶୀଘ୍ର ଏହି ବେଘର ପରିବାରକୁ ଘର ଯୋଗାଇ ଦିଆଯିବ। ସୋନୁଙ୍କ ଟୁଇଟ୍କୁ ଅଙ୍କିତ ରାଜଗାଡ଼ିଆ ନାମକ ଜଣେ ୟୁଜର ଶେୟାର କରିଛନ୍ତି। ବହୁ ୟୁଜର ସୋନୁଙ୍କ ଏଭଳି ବଦାନ୍ୟତା ନେଇ ବେଶ୍ ପ୍ରଶଂସା କରୁଛନ୍ତି।
