ନୂଆଦିଲ୍ଲୀ,୩ ।୧୦: ରାହୁଲ ଗାନ୍ଧୀଙ୍କ ଅଧ୍ୟକ୍ଷତାରେ କଂଗ୍ରେସର ଭାରତ ଯୋଡୋ ଯାତ୍ରା ଚାଲିଛି । ଦଳର ଅସ୍ଥାୟୀ ଅଧ୍ୟକ୍ଷା ସୋନିଆ ଗାନ୍ଧୀ ବି ଏହି ଯାତ୍ରାରେ ଏବେ ସାମିଲ ହେବାକୁ ଯାଉଛନ୍ତି । ଏଥିପାଇଁ ସେ ସୋମବାର ମହିଶୂରରେ ପହଞ୍ଚିଛନ୍ତି । ସୋନିଆ ଗାନ୍ଧୀ ଅକ୍ଟୋବର ୬ରେ କର୍ନାଟକର ମଂଡାୟାରେ ଭାରତ ଯୋଡୋ ଯାତ୍ରାରେ ଯୋଡି ହେବେ । ତେବେ ବେଶ କିଛି ବର୍ଷର ବ୍ୟବଧାନ ପରେ ସୋନିଆ ଗାନ୍ଧୀ କୌଣସି ସାର୍ବଜନିକ କାର୍ଯ୍ୟରେ ସାମିଲ ହେବାକୁ ଯାଉଛନ୍ତି । ସ୍ୱାସ୍ଥ୍ୟଗତ କାରଣ ଯୋଗୁ ସେ ଗତ କିଛି ନିର୍ବାଚନରେ ପ୍ରଚାର ବି କରିପାରି ନ ଥିଲେ । ସୂଚନାଯୋଗ୍ୟ, ରାହୁଲ ଗାନ୍ଧୀ ସେପ୍ଟେମ୍ବର ୭ରେ ତାମିଲନାଡୁର କନ୍ୟାକୁମାରୀରୁ ଏହି ଭାରତ ଯୋଡୋ ଯାତ୍ରା ଆରମ୍ଭ କରିଥିଲେ । ୧୫୦ ଦିନ ପର୍ଯ୍ୟନ୍ତ ଚାଲିବାକୁ ଥିବା ଏହି ଯାତ୍ରାରେ ୩,୫୦୦ କିଲୋମିଟର ଦୂର ଅତିକ୍ରମ କରାଯିବ । ଏହାର ସମାପନ ଜମ୍ମୁ-କଶ୍ମୀରରେ ହେବ ।
