ଥୁଆମୂଳ ରାମପୁର,୨୩ା୯(ଦୁର୍ଗା କୀର୍ତ୍ତି)- ଭୁବନେଶରସ୍ଥିତ ବହୁଜନ ସମାଜ ପାର୍ଟି (ବିଏସ୍ପି) କାର୍ଯ୍ୟାଳୟଠାରେ ରବିବାର ରାଜ୍ୟ ସଭାପତି ସରୋଜ କୁମାର ନାଏକଙ୍କ ସଭାପତିତ୍ୱରେ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ କେନ୍ଦ୍ରୀୟ ସଂଯୋଜକ ଡ. ଲାଲଜୀ ମେଧାନକର ମୁଖ୍ୟ ଅତିଥି, ଓଡ଼ିଶା ରାଜ୍ୟ ସଂଯୋଜକ ସୁଧୀର କୁମାର ନାୟକ, ରାଜ୍ୟ ଉପସଭାପତି ବିଭୂତି ମାଝୀ ସମ୍ମାନିତ ଅତିଥି ଭାବେ ଯୋଗଦେଇଥିଲେ। ରାଜ୍ୟ ସାଧାରଣ ସମ୍ପାଦକ ମଧୁସୂଦନ ଯାଦବ ସଭା ପରିଚାଳନା କରିଥିଲେ। ଏହି ଅବସରରେ ଜିଲା ସଭାପତିମାନଙ୍କ ନାମ ଘୋଷଣା ହୋଇଥିଲା। ଥୁଆମୂଳ ରାମପୁର ବ୍ଲକ୍ର ସୋମନାଥ ନାଏକଙ୍କୁ କଳାହାଣ୍ଡି ଜିଲା ସଭାପତି ଭାବେ ଘୋଷଣା କରାଯାଇଥିଲା। ସେ ଜିଲା କମିଟି ସଭ୍ୟାସଭ୍ୟଙ୍କ ନାମ ତାଲିକା ସହ ନିର୍ବାଚନମଣ୍ଡଳୀ କମିଟି, ବ୍ଲକ୍ କମିଟି, ବୁଥ୍ କମିଟି ଗଠନ କରି ସମ୍ପୂର୍ଣ୍ଣ ବିବରଣୀ ରାଜ୍ୟ ସଭାପତିଙ୍କ ପାଖରେ ଦାଖଲ କରିବେ ବୋଲି ନିର୍ଦ୍ଦେଶ ରହିଛି। ସୋମନାଥଙ୍କୁ ଜିଲା ସଭାପତି ଘୋଷଣା କରାଯିବା ପରେ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟୁଛି।
