ନୂଆଦିଲ୍ଲୀ,୨୩।୨: ସାମାଜିକ ଉଦ୍ୟୋଗଗୁଡିକର ପାଣ୍ଠି ସହ ଜଡିତ ସମସ୍ୟାର ସମାଧାନ ପାଇଁ ସୋସିଆଲ ଷ୍ଟକ ଏକ୍ସଚେଞ୍ଜ (ଏସ୍ଏସ୍ଇ) ବିଭାଗ ଆରମ୍ଭ କରାଯାଇଛି। ନ୍ୟାସନାଲ ଷ୍ଟକ ଏକ୍ସଚେଞ୍ଜ (ଏନ୍ଏସ୍ଇ)ର ଏକ ବିବୃତ୍ତି ଅନୁଯାୟୀ, ଫେବୃଆରୀ ୨୨ରେ SEBIରୁ ଚୂଡ଼ାନ୍ତ ଅନୁମୋଦନ ମିଳିଛି। ଏହାକୁ ଏକ ପୃଥକ ବିଭାଗ ଭାବରେ ପ୍ରଦାନ କରାଯାଉଛି ।
ଏନ୍ଏସ୍ଇ ଏମଡି ଏବଂ ସିଇଓ ଆଶିଷ କୁମାର ଚୌହାନ କହିଛନ୍ତି, ଆମେ ସଚେତନତା ସୃଷ୍ଟି କରିବା ପାଇଁ ବିଭିନ୍ନ କାର୍ଯ୍ୟକ୍ରମ କରୁଛୁ। ବର୍ତ୍ତମାନ ଏକ୍ସଚେଞ୍ଜରେ ଅନବୋର୍ଡିଂର ବିଭିନ୍ନ ପର୍ଯ୍ୟାୟ ଆରମ୍ଭ କରୁଛୁ। ଏଥିଲାଗି ସାମାଜିକ ଉଦ୍ୟୋଗଗୁଡିକୁ ସାମାଜିକ ଷ୍ଟକ ଏକ୍ସଚେଞ୍ଜ ବିଭାଗରେ ପଞ୍ଜୀକୃତ ହେବାକୁ ଅନୁରୋଧ କରାଯାଇଛି। ଏହାଦ୍ୱାରା ହେବାକୁ ଥିବା ଲାଭ ବିଷୟରେ ଏନ୍ଏସ୍ଇକୁ ସମ୍ପର୍କ କରି ବୁଝି ହେବ।
କାହାପାଇଁ ସୋସିଆଲ ଷ୍ଟକ ଏକ୍ସଚେଞ୍ଜ?
ଅଣ-ଲାଭ ସଂଗଠନ (ଏନ୍ପିଓ) କିମ୍ବା ଲାଭକାରୀ ସାମାଜିକ ଉଦ୍ୟୋଗ (ଏଫ୍ପିଇ) କିମ୍ବା ଏହିପରି ସମସ୍ତ ଅନୁଷ୍ଠାନ ଯାହା ସେମାନଙ୍କର ସାମାଜିକ ଉଦ୍ଦେଶ୍ୟର ପ୍ରାଥମିକତା ପ୍ରତିଷ୍ଠା କରିବା ପରେ ସୋସିଆଲ ଷ୍ଟକ ଏକ୍ସଚେଞ୍ଜ ଅଧୀନରେ ତାଲିକାଭୁକ୍ତ ହୋଇପାରନ୍ତି। ଏହି ପଦକ୍ଷେପ ସାମାଜିକ ଉଦ୍ୟୋଗଗୁଡିକୁ ଏକ ଦୃଶ୍ୟମାନତା ପ୍ରଦାନ କରିବା ସହିତ ପାଣ୍ଠି ସଂଗ୍ରହ ତଥା ଏହାର ସଠିକ ଉପଯୋଗ କରିବାରେ ସହାୟକ ହେବ।
