ଭୁବନେଶ୍ୱର,୧୧ା୯: ଦେଶର ପ୍ରମୁଖ ବାଣିଜି୍ୟକ ସଂସ୍ଥା ରିଲାଏନ୍ସ ଇଣ୍ଡଷ୍ଟ୍ରି (ଆର୍ଆଇଏଲ୍) ର ସହଯୋଗୀ କମ୍ପାନି ରିଲାଏନ୍ସ ରିଟେଲ ୟୁନିଟ୍ ‘ସ୍ମାର୍ଟ ବଜାର’ର ଏକ୍ସକ୍ଲୁସିଭ ଷ୍ଟୋର ସ୍ଥାନୀୟ ରୁଦ୍ରପୁରସ୍ଥିତ ସିମ୍ଫୋନି ମଲ୍ଠାରେ ଶୁଭାରମ୍ଭ ହୋଇଯାଇଛି। ଏହି ଅବସରରେ ଓଲିଉଡ୍ ଅଭିନେତ୍ରୀ ଶିବାନୀ ସଙ୍ଗୀତା ମୁଖ୍ୟ ଅତିଥି ଭାବେ ଯୋଗ ଦେଇ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ସ୍ମାର୍ଟ ବଜାରର ବରିଷ୍ଠ ଅଧିକାରୀ ଓ କର୍ମଚାରୀମାନେ ଉପସ୍ଥିତ ଥିଲେ। ଏଠାରେ ଉପଲବ୍ଧ ଉତ୍ପାଦଗୁଡ଼ିକ ବଜାର ମୂଲ୍ୟଠାରୁ ୫% କମ୍ ମୂଲ୍ୟରେ ଗ୍ରାହକଙ୍କୁ ମିଳିବ ବୋଲି ଷ୍ଟୋର ପକ୍ଷରୁ କୁହାଯାଇଛି। ସେହିଭଳି ସ୍ମାର୍ଟ ବଜାରର ଗ୍ରାହକମାନେ ୪୯୯ ଟଙ୍କାର ଏକ ସର୍ବନିମ୍ନ ବିଲିଂ ଉପରେ ୧କିଲୋ ଚିନି କିମ୍ବା ୨କିଲୋ ପିଆଜକୁ ମାତ୍ର ୯ଟଙ୍କା ମୂଲ୍ୟରେ ପାଇପାରିବେ। ଏହି ପରିପ୍ରେକ୍ଷୀରେ ଉପସ୍ଥିତ ଗ୍ରାହକ ଓ ଅନ୍ୟମାନଙ୍କ ପାଇଁ ଲାଇଭ ମ୍ୟୁଜିକାଲ ସନ୍ଧ୍ୟାର ପରିବେଷଣ କରାଯାଇଥିଲା। ସେହିପରି ଚାଟ୍ ତଥା କଟନ୍ କ୍ୟାଣ୍ଡି କାଉଣ୍ଟର ଭଳି କାର୍ଯ୍ୟକଳାପ ମଧ୍ୟ ଷ୍ଟୋର ପରିସରରେ ଦେଖିବାକୁ ମିଳିଥିଲା।
