ନୂଆଦିଲ୍ଲୀ,୪/୧୧: ଏକ ଗୁରୁତ୍ୱପୂର୍ଣ୍ଣ ନିଷ୍ପତି କ୍ରମେ ତାରକା ଅଲରାଉଣ୍ଡର ସିକନ୍ଦର ରାଜାଙ୍କୁ ଜିମ୍ବାୱେର ଟି-୨୦ ଅଧିନାୟକ ନିଯୁକ୍ତ କରାଯାଇଛି। ରାଜା ଏବେ ପୂର୍ବତନ ଅଧିନାୟକ କ୍ରେଗ୍ ଏରବୀନଙ୍କ ବଦଳରେ ଦାୟତ୍ୱ ସମ୍ଭାଳିବେ। ନିକଟରେ ଏରବୀନ ଅବସର ଘୋଷଣା କରିଥିଲେ।
ଏକ ବୈଠକରେ ଜିମ୍ବାଵେ କ୍ରିକେଟ ବୋର୍ଡ ଏହି ଘୋଷଣା କରିବା ସହିତ ଅନ୍ୟ ଗୁରୁତ୍ୱପୂର୍ଣ୍ଣ ନିଷ୍ପତି ଗୁଡିକ ମଧ୍ୟ ଘୋଷଣା କରିଛି। ବୈଠକରେ ହୋଇଥିବା ଆଲୋଚନା ଗୁଡିକ ନିକଟ ଭବିଷ୍ୟତରେ ଗ୍ରହଣ କରାଯାଇପାଇର ବୋଲି ସାମ୍ବାଦିକ ସମ୍ମିଳନୀରେ କୁହାଯାଇଛି।
ନିକଟରେ ନାମିବିଆ ଠାରୁ ୩-୨ରେ ସିରିଜ ହାରିବା ଦଳରେ ଏହି କ୍ଷମତା ପରିବର୍ତ୍ତନ ହୋଇଛି। ଏହି ସିରିଜ ହାରିବା ପରେ ବୋର୍ଡ ଏରବୀନଙ୍କ ନେତୃତ୍ୱ ଉପରେ ଖୁସି ନଥିଲା। ଯାହାର ଫଳ ସ୍ୱରୂପ ରାଜା ଏବେ ଅଧିନାୟକ ନିଯୁକ୍ତ ହୋଇଛନ୍ତି।
ଏହା ବ୍ୟତୀତ ୨୦୨୪ ଟି-୨୦ ବିଶ୍ୱକପକୁ ନଜରରେ ରଖି ମଧ୍ୟ ଏହି ନିଷ୍ପତି ନିଆଯାଇଛି। ଯାହା ଫଳରେ ଟିମ୍ ରାଜାଙ୍କ ନେତୃତ୍ୱରେ ସମ୍ପୂର୍ଣ୍ଣ ପ୍ରସ୍ତୁତି କରିପାରିବ। ୨୦୨୪ରେ ଟି-୨୦ ବିଶ୍ୱକପ ଆମେରିକା ଏବଂ ୱେଷ୍ଟଇଣ୍ଡିଜରେ ଆୟୋଜିତ ହେଉଛି।
