ଭବାନୀପାଟଣା,୨।୬(ଉତ୍ତମ କୁମାର ଦାଶ): କଳାହାଣ୍ଡି ଜିଲା ଜୟପାଟଣା ଥାନା ଅନ୍ତର୍ଗତ ସାଗଯୋର ଗାଁରେ ଗତ ବିଳମ୍ବିତ ରାତିରେ ୪ ଜଣ ଦୁର୍ବୁତ୍ତ ବନ୍ଧୁକ ମୁନରେ ଲକ୍ଷାଧିକ ଟଙ୍କା ସହ ସୁନାଗହଣା ଲୁଟି ନେଇଥିବା ଜୟପାଟଣା ଥାନାରେ ଅଭିଯୋଗ ହୋଇଛି।
ସୂଚନାଅନୁଯାୟୀ, ଗତ ବିଳମ୍ବିତ ରାତିରେ ସାଗଯୋର ଗାଁର ଜୟନ୍ତ ଠାକୁରଙ୍କ ଘରେ କେହି ନ ଥିବା ସୁଯୋଗନେଇ ୪ ଦୁର୍ବୁତ୍ତ ଘରେ ପଶି ବନ୍ଧୁକ ଦେଖାଇ ୧ ଲକ୍ଷ ୭୨ ହଜାର ଟଙ୍କା, ସାଢେ ୩ ଭରି ସୁନା ଗହଣା ଓ ଗୋଟିଏ ରେଡମି ମୋବାଇଲ ଲୁଟି ନେଇଥିବା ଜୟନ୍ତ ଲିଖିତ ଅଭିଯୋଗ କରିଛନ୍ତି। ଏ ନେଇ ଜୟପାଟଣା ଥାନା ଅଧିକାରୀ ବାସୁଦେବ ଛତ୍ରୀଆ ସହ ଟିମ ସହ ଡଗ ସ୍କୁଆଡ, ସାଇଣ୍ଟିଫିକ ଟିମ୍ ପହଞ୍ଚି ତଦନ୍ତ ଆରମ୍ଭ କରିଛନ୍ତି।
