ବମ୍ବେ: ଲୋକପ୍ରିୟ ଧାରାବାହିକ ‘ୟେ ରିସ୍ତା କ୍ୟା କହଲାତା ହୈ’ରେ ଅଭିନୟ କରି ବାହାବା ସାଉଁଟିଛନ୍ତି ଶିବାଙ୍ଗୀ ଜୋଶୀ। ଶୋ’ରେ ମୋହସିନଙ୍କ ସହ ତାଙ୍କର ଯୋଡ଼ି ବେଶ ଜମିଥାଏ। ଏପରିକି ଉଭୟଙ୍କୁ ବେଷ୍ଟ କପଲ୍ ବୋଲି ମଧ୍ୟ ପ୍ରଶଂସକ କୁହନ୍ତି। ତେବେ ବାସ୍ତବ ଜୀବନରେ କେବେ ବିବାହ କରିବେ ଶିବାଙ୍ଗୀ। ଏନେଇ ପଚରାଯିବାରେ ବେଶ୍ ଫିଲ୍ମି ଉତ୍ତର ଦେଇଛନ୍ତି ଅଭିନେତ୍ରୀ।
ନିକଟରେ ପ୍ରଶଂସକଙ୍କ ସହ କଥା ହେଉଥିଲେ ଶିବାଙ୍ଗୀ। ଏହି ସମୟରେ କେବେ ବିବାହ କରିବେ ବୋଲି ଜଣେ ପ୍ରଶ୍ନ କରିଥିଲେ। ଜବାବରେ ସେ କହିଥିଲେ, ‘ଦେଖିବି, ଭାବିବି, କାଲି ନ ହେଲେ ପରଦିନ କହିବି’। ସେହିଭଳି କେବେ କାହାକୁ ପ୍ରେମ କରିଛନ୍ତି ବୋଲି ଶିବାଙ୍ଗୀଙ୍କୁ ପଚରାଯାଇଥିଲା। ଏହାର ଜବାବ ସେ ଫିଲ୍ମ ଷ୍ଟାଇଲରେ ଦେଇ ‘ହେ, ତୁମ୍ନେ କଭି କିସି ସେ ପ୍ୟାର କିୟା? କଭି କିସିକୋ ଦିଲ ଦିଆ? ମୈନେ ଭି ଦିୟା’ ବୋଲି କହିଥିଲେ।
ଏହାଛଡ଼ା ଶିବାଙ୍ଗୀ ପରିବାର ଲୋକଙ୍କ ସହ ସମୟ ବିତାଇବାକୁ ପସନ୍ଦ କରନ୍ତି। ତାଙ୍କୁ ରୋଷେଇ କରିବା ମଧ୍ୟ ପସନ୍ଦ। ଲକ୍ଡାଉନ୍ ସମୟରେ ସେ ବହୁତ କିଛି ରୋଷେଇ କରିବା ଶିଖିଛନ୍ତି। ମହାମାରୀ ତାଙ୍କୁ ପରିବାରର ଗୁରୁତ୍ୱ ବୁଝାଇଛି। ଏଣୁ ପରିବାର ସହ ସମୟ ବିତାଇବା ସବୁଠାରୁ ସୁଖଦ ଅନୁଭୂତି ବୋଲି କହିଛନ୍ତି।
