ନୂଆଦିଲ୍ଲୀ,୩୧।୮: ଭାରତର ଅଗ୍ରଣୀ ଟେକ୍ନୋଲୋଜି କମ୍ପାନୀ ‘ଜୋହୋ’ର ସହ-ପ୍ରତିଷ୍ଠାତା ରାଧା ଭେମ୍ବୁ ଚଳିତ ବର୍ଷ ଚମତ୍କାର କାର୍ଯ୍ୟ କରିଛନ୍ତି। ହୁରୁନ ଇଣ୍ଡିଆ ରିଚ ଲିଷ୍ଟ ୨୦୨୪ରେ ତାଙ୍କୁ ଦେଶର ସବୁଠାରୁ ଧନୀ ଆତ୍ମନିର୍ଭରଶୀଳ ମହିଳା ଭାବରେ ବର୍ଣ୍ଣନା କରାଯାଇଛି। ରାଧା ଭେମ୍ବୁଙ୍କ ସମ୍ପତ୍ତି ମୂଲ୍ୟ ୪୭,୫୦୦ କୋଟି ଟଙ୍କା ବୋଲି ଆକଳନ କରାଯାଇଛି। ଏହି ତାଲିକାରେ ନିକାର ଫାଲଗୁନି ନାୟାର ଦ୍ୱିତୀୟ ସ୍ଥାନରେ ଅଛନ୍ତି, ଯାହାର ସମ୍ପତ୍ତି ୩୨,୨୦୦ କୋଟି ଟଙ୍କା ହୋଇଛି। ଆରିସ୍ତା ନେଟୱାର୍କର ସିଇଓ ଜୟଶ୍ରୀ ଉଲାଲ ୩୨,୧୦୦ କୋଟି ଟଙ୍କା ମୂଲ୍ୟର ତୃତୀୟ ସ୍ଥାନରେ ଅଛନ୍ତି।
ଏହି ତାଲିକାରେ ସେହି ମହିଳାମାନଙ୍କୁ ସ୍ଥାନ ଦିଆଯାଇଛି ଯେଉଁମାନେ ନିଜେ ଟଙ୍କା ରୋଜଗାର କରିଛନ୍ତି। ସେ ଏହି ସମ୍ପତ୍ତି ଉତ୍ତରାଧିକାରୀ ଭାବେ ମିଳି ନ ଥିଲା। ଜୋହୋ ସିଇଓ ଶ୍ରୀଧର ଭେମ୍ବୁଙ୍କ ଭଉଣୀ ରାଧା ଭେମ୍ବୁ ଚର୍ଚ୍ଚାରେ ଆସିବାକୁ ପସନ୍ଦ କରନ୍ତି ନାହିଁ। ରାଧା ଭେମ୍ବୁ ‘ଜୋହୋ’ର ସର୍ବାଧିକ ଅଂଶଧନ କିଣିଛନ୍ତି।
ଫୋର୍ବସ ତାଲିକା ଅନୁଯାୟୀ, ଭାରତର ସବୁଠାରୁ ଧନୀ ବ୍ୟକ୍ତିଙ୍କ ତାଲିକାରେ ଶ୍ରୀଧର ଭେମ୍ବୁ ୫୫ ନମ୍ବରରେ ଅଛନ୍ତି। ରାଧା ଭେମ୍ବୁଙ୍କୁ ଭାରତର ସବୁଠାରୁ ସଫଳ ମହିଳା ବ୍ୟବସାୟୀ ଭାବେ ବିବେଚନା କରାଯାଇଛି। ଏହି ତାଲିକାରେ ଜୁହି ଚାୱଲା ମଧ୍ୟ ଅନ୍ତର୍ଭୁକ୍ତ ହୋଇଛନ୍ତି। ତାଙ୍କର ନିଟ ମୂଲ୍ୟ ୪୬୦୦ କୋଟି ଟଙ୍କା ବୋଲି ଆକଳନ କରାଯାଇଛି।
ଲେନ୍ସକାର୍ଟର ସହ-ପ୍ରତିଷ୍ଠାତା ନେହା ବଂଶଲ ମଧ୍ୟ ହୁରୁନ ଇଣ୍ଡିଆ ଧନୀ ତାଲିକାରେ ସ୍ଥାନ ପାଇଛନ୍ତି। ତାଙ୍କ ସହ ବାୟୋକନ୍ର ପ୍ରତିଷ୍ଠାତା ତଥା କାର୍ଯ୍ୟନିର୍ବାହୀ ଚେୟାରମ୍ୟାନ କିରଣ ମଜୁମଦାର ଖାଁଙ୍କୁ ବାୟୋଟେକ୍ନୋଲୋଜି ଏବଂ ଫାର୍ମା ଇଣ୍ଡଷ୍ଟ୍ରିରେ ଅବଦାନ ପାଇଁ ସ୍ଥାନ ଦିଆଯାଇଛି। ଏହା ବ୍ୟତୀତ କନଫ୍ଲୁଏଣ୍ଟ ସହ-ପ୍ରତିଷ୍ଠାତା ନେହା ନରକେଡେ ଏବଂ ପରିବାର ତଥା ପେପସିକୋର ପୂର୍ବତନ ସିଇଓ ଇନ୍ଦ୍ର କେ ନୋଇ ମଧ୍ୟ ଏହି ସ୍ଥାନ ପାଇଛନ୍ତି।
