ମୁମ୍ବାଇ,୨।୫: ଦେଶର ବରିଷ୍ଠ ରାଜନେତାଙ୍କ ମଧ୍ୟରୁ ଜଣେ ଏନସିପିର ରାଷ୍ଟ୍ରୀୟ ଅଧ୍ୟକ୍ଷ ଶରଦ ପାଓ୍ବାର ରିଟାୟର ହେବାକୁ ଘୋଷଣା କରିଛନ୍ତି। ନିଜ ଜୀବନ ସହ ଜଡିତ ଏକ ପୁସ୍ତକର ଉନ୍ମୋଚନ କାର୍ଯ୍ୟକ୍ରମରେ ସେ କହିଛନ୍ତି, ମୁଁ ଆଜି ରାଷ୍ଟ୍ରବାଦୀ କଂଗ୍ରେସ(ଏନସିପି) ଅଧ୍ୟକ୍ଷ ପଦରୁ ରିଟାୟର ନେବାକୁ ନିଷ୍ପତ୍ତି ନେଇଛି।
ନିଜ ରାଜନୈତିକ ଜୀବନ ସହ ଜଡିତ ଏକ ପୁସ୍ତକର ଉନ୍ମୋଚନ କାର୍ଯ୍ୟକ୍ରମରେ ଶରଦ ପାଓ୍ବାର କହିଛନ୍ତି, ମୋ ପାଇଁ ସବୁଠାରୁ ବଡ ଆଶ୍ଚର୍ଯ୍ୟକର ଘଟଣା ଥିଲା ଅଜିତ ହଠାତ ଭାରତୀୟ ଜନତାପାର୍ଟି(ଭାଜପା) ସହ ଯାଇ ଉପମୁଖ୍ୟମନ୍ତ୍ରୀ ପଦର ଶପଥ କାହିଁକି ନେଲେ। ଯେତେବେଳେ ମୁଁ ଭାବିବା ଆରମ୍ଭ କଲି କି ଅଜିତ ଏମିତି ନିଷ୍ପତ୍ତି କାହିଁକି ନେଲେ। ମୁଁ ଜାଣିପାରିଲି ଯେ ସରକାର ଗଠନକୁ ନେଇ କଂଗ୍ରେସ ସହ ହୋଇଥିବା ଆଲୋଚନା ଏବେ ସୁଖପ୍ରଦ ନ ଥିଲା। ତାଙ୍କର ବ୍ୟବହାର କାରଣରୁ ଆମକୁ ସବୁଦିନ ସରକାର ଗଠନକୁ ନେଇ ଚର୍ଚ୍ଚା କରିବା ସମୟରେ ଅସୁବିଧା ଲାଗୁଥିଲା।
