ଲକ୍ଷ୍ନୌ,୩୦।୧:ସ୍ବାମୀ ଅଭିମୁକ୍ତେଶ୍ୱରାନନ୍ଦ ସରସ୍ବତୀ ପ୍ରୟାଗରାଜ ମାଘ ମେଳାରେ ପ୍ରଶାସନ ସହିତ ବିବାଦ ସମ୍ପର୍କରେ ଯୋଗୀ ସରକାର ଏବଂ ପ୍ରଶାସନକୁ କଡ଼ା ସମାଲୋଚନା କରିଛନ୍ତି। ଶଙ୍କରାଚାର୍ଯ୍ୟ ଅଭିମୁକ୍ତେଶ୍ୱରାନନ୍ଦ କହିଥିଲେ, ମୋତେ ଶଙ୍କରାଚାର୍ଯ୍ୟ ପଦବୀର ପ୍ରମାଣ ମଗାଯାଇଥିଲା ଏବଂ ୨୪ ଘଣ୍ଟା ମଧ୍ୟରେ ତାହା ପ୍ରଦାନ କରିବାକୁ କୁହାଯାଇଥିଲା। ମୁଁ ପୂର୍ବରୁ ଉତ୍ତର ଦେଇସାରିଛି। ଏବେ ଆପଣଙ୍କୁ ହିନ୍ଦୁ ପରିଚୟର ଦେବାକୁ ପଡ଼ିବ। ହିନ୍ଦୁ ଧର୍ମ କେବଳ ଭାଷଣ କି ଗେରୁଆ ବସ୍ତ୍ର ନୁହେଁ। ଆପଣ ଗୋ ସେବା ପାଇଁ କରିଛନ୍ତି କ’ଣ। ହିନ୍ଦୁ ହେବା ପାଇଁ ପ୍ରଥମ ଆବଶ୍ୟକତା ହେଉଛି ଗୋ ରକ୍ଷକ ହେବା। ଆମେ ଆପଣଙ୍କ ହିନ୍ଦୁ ପରିଚୟର ପ୍ରମାଣ ମାଗୁଛୁ। ଆମେ ଆପଣଙ୍କୁ ୪୦ ଦିନ ସମୟ ଦେଉଛୁ। ହିନ୍ଦୁ ପରିଚୟ ଏବଂ ଗୋ-ପୂଜକର ପ୍ରମାଣ ଦିଅ। ଯଦି ତୁମେ ଏହା କରିପାରିବ ନାହିଁ, ତେବେ ବୁଝିଯିବ ଯେ ତୁମେ ଜଣେ ନକଲି ହିନ୍ଦୁ।
ଶଙ୍କରାଚାର୍ଯ୍ୟ କହିଥିଲେ ଯେ, ଗୋ ମାଂସ ବିକ୍ରୟ କରି ଆପଣ ଡଲାର ଦେଇ ରାମ ରାଜ୍ୟ ସ୍ଥାପନ କରିବେ। ଗୋ ମାଂସକୁ ମଇଁଷି ମାଂସ କହି ରକ୍ଷା କରିଛ। ଯଦି ୪୦ ଦିନ ମଧ୍ୟରେ ଗାଈକୁ ରାଜ୍ୟ ମାତା ଭାବରେ ଘୋଷଣା କରିବାରେ ବିଫଳ ହୁଅ, ତେବେ ଆପଣକୁ ନକଲି-ହିନ୍ଦୁ ଘୋଷଣା କରାଯିବ।
ଶଙ୍କରାଚାର୍ଯ୍ୟ କହିଛନ୍ତ, ଆମେ ଆଜିଠାରୁ ଗଣନା ଆରମ୍ଭ କରୁଛୁ ଏବଂ ଏହା ମାର୍ଚ୍ଚ ୧୦ ତାରିଖରେ ସମାପ୍ତ ହେବ। ଯଦି ଆପଣ ୪୦ ଦିନ ମଧ୍ୟରେ ଏହାକୁ ଘୋଷଣା ନ କରନ୍ତି, ତେବେ ମାର୍ଚ୍ଚ ୧୦ ତାରିଖରେ, ଦିଲ୍ଲୀ ଯିବା ପରିବର୍ତ୍ତେ ଆମେ ଲକ୍ଷ୍ନୌରେ ସନ୍ଥ, ମହନ୍ତ ଏବଂ ଆଚାର୍ଯ୍ୟଙ୍କ ସହିତ ଏକତ୍ରିତ ହେବୁ ଏବଂ ତା’ପରେ ନିଷ୍ପତ୍ତି ନେବୁ।
Dharitri – Odisha’s No.1 Odia Daily
