ଭୁବନେଶ୍ୱର,୧୫।୮: ପ୍ରାଥମିକ ଟିଏମ୍ଟି ବାରର ଅନ୍ୟତମ ଅଗ୍ରଣୀ ଉପତ୍ାଦନକାରୀ ଏବଂ ବିନିର୍ମାଣକାରୀ ଶ୍ୟାମ ଷ୍ଟିଲ ଅଲିମ୍ପିକ ପଦକ ବିଜେତା ଲଭଲିନା ବୋରଗୋହେନ ଏବଂ ମନପ୍ରୀତ ସିଂଙ୍କୁ ନେଇ ତାହାର ନୂଆ ଡିଜିଟାଲ ପ୍ରଚାର ଅଭିଯାନ ଆରମ୍ଭ କରିଛି। ଶ୍ୟାମ ଷ୍ଟିଲ ଅପନା ଘର୍ ଆପ୍ ଦ୍ୱାରା ଯୋଗାଇ ଦିଆଯାଉଥିବା ପୂର୍ଣ୍ଣାଙ୍ଗ ସମାଧାନ ସମ୍ପର୍କରେ ବ୍ୟକ୍ତିଗତ ବାସଗୃହ ନିର୍ମାତାଙ୍କ ମଧ୍ୟରେ ସଚେତନତା ସୃଷ୍ଟି କରିବା ଏବଂ ଶ୍ୟାମ ଷ୍ଟିଲ ଫ୍ଲେକ୍ସି ଷ୍ଟ୍ରଙ୍ଗ ଟିଏମ୍ଟି ବାରଗୁଡିକ ଭଳି ସାମର୍ଥ୍ୟ ଓ ନମନୀୟତାର ଠିକ୍ ତାଳମେଳ ଜରିଆରେ ମଜଭୁତ ମୂଳଦୁଆ ହାସଲ କରାଯାଏ ବୋଲି ବ୍ରାଣ୍ଡ୍ର ବାର୍ତ୍ତା ସବୁସ୍ତରରେ ପହଞ୍ଚାଇବାକୁ ଏହି ପ୍ରଚାର ଅଭିଯାନ ଲକ୍ଷ୍ୟ ରଖିଛି। ଡିଜିଟାଲ ଫିଲ୍ମ ପ୍ରଚାର ଅଭିଯାନର ଡିଜାଇନ କ୍ରିକ କ୍ରିଏଟିଭସ ଦ୍ୱାରା କରାଯାଇଛି। ଏହା ସାମାଜିକ ଓ ଡିଜିଟାଲ ଗଣମାଧ୍ୟମଗୁଡିକ ଜରିଆରେ ଜୋରଦାର ପ୍ରଚାର କରାଯିବ।
ଏ ସମ୍ପର୍କରେ ଶ୍ୟାମ ଷ୍ଟିଲ ଇଣ୍ଡଷ୍ଟ୍ରିଜ ଲିମିଟେଡର ଡାଇରେକ୍ଟର ଲଳିତ ବେରିୱାଲା କହିଛନ୍ତି, ନମନୀୟତା ଉପରେ ନିର୍ଭର କରୁଥିବା ସ୍ଥାୟିତ୍ୱ ସହ ସାମର୍ଥ୍ୟ ପ୍ରତି ଦୃଷ୍ଟିଦେବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ପ୍ରତ୍ୟେକଟି ପ୍ରତିବନ୍ଧକକୁ ଏଡାଇଯାଇ ସେମାନଙ୍କ ସ୍ବପ୍ନ ସାକାର କରିବା ନିମନ୍ତେ ଲଭଲିନା ଏବଂ ମନପ୍ରୀତଙ୍କର ଦଢ଼ତା ଏବଂ ଏକାଗ୍ରତା ସହ ବ୍ରାଣ୍ଡ୍ ଚିନ୍ତାଧାରାର ସାମଞ୍ଜସ୍ୟକୁ ଏହି ପ୍ରଚାର ଅଭିଯାନ ପ୍ରତିଫଳିତ କରୁଛି। ଏହି ପ୍ରଚାର ଅଭିଯାନ ମଧ୍ୟ ଅପନା ଘର୍ ଆପ ଏବଂ ଏହାର ଫାଇଦା ସମ୍ପର୍କରେ ଗ୍ରାହକଙ୍କୁ ସଚେତନ କରାଇବା ଦିଗରେ ଆମକୁ ସହାୟତା କରିବ।
