ପ୍ରୟାଗରାଜ,୧୯।୪ : ଉମେଶ ପାଲ ହତ୍ୟା ମାମଲାରେ ପୋଲିସ ଏବଂ ଏସଟିଏଫ ଅତିକ ଅହମ୍ମଦଙ୍କ ସ୍ତ୍ରୀ ଶାହିସ୍ତା ପରଓ୍ବିନ, ବିସ୍ଫୋରଣକାରୀ ଗୁଡ୍ଡୁ ମୁସଲିମ ତଥା ଶାର୍ପ ଶୁଟର ସବିର ଏବଂ ଅରମାନଙ୍କୁ ଖୋଜୁଛି। ଏବେ ଏକ ବଡ ଖବର ବାହାରକୁ ଆସୁଛି ଯେ ଏହି ହତ୍ୟାକାଣ୍ଡରେ ସମ୍ପୃକ୍ତ ସୁଟର ସବିର ଅତିକଙ୍କ ଭଉଣୀ ଆୟେଶା ନୁରୀ ଏବଂ ସ୍ତ୍ରୀ ଶାହିସ୍ତା ସହ ପ୍ରୟାଗରାଜର କଚ୍ଛାର ଅଞ୍ଚଳରେ ଲୁଚି ରହିଛନ୍ତି। ଗତ ୩୦ ଦିନ ଧରି ସେମାନେ ଏକାଠି ଅଛନ୍ତି।
ପୋଲିସ ସୂତ୍ର ଅନୁଯାୟୀ, ଏହି ତିନିଜଣ ପଶ୍ଚିମବଙ୍ଗ ଅଭିମୁଖେ ଯାଉଛନ୍ତି। ତିନି ଜଣଙ୍କର ଅବସ୍ଥାନ ବାରମ୍ବାର ବଦଳୁଛି। ଆୟେଶା ଏବଂ ଶାହିସ୍ତାଙ୍କ ସହିତ ଅଧା ଡଜନରୁ ଅଧିକ ମହିଳା ଅଛନ୍ତି। ଯେଉଁମାନେ ସର୍ବଦା ବୁର୍ଖା ପିନ୍ଧନ୍ତି ଏବଂ ସେମାନଙ୍କ ସହିତ ରୁହନ୍ତି ।
ଆୟେଶା ଏବଂ ଶାହିସ୍ତା ପ୍ରତିଦିନ ଫୋନ ଏବଂ ନମ୍ବର ବଦଳାଉଛନ୍ତି। ଆୟେଶା, ଶାହିସ୍ତା ଏବଂ ସବିରଙ୍କୁ ସାହାଯ୍ୟ କରୁଥିବା ସମସ୍ତ ଲୋକଙ୍କୁ ପୋଲିସ ଖୋଜୁଛି।
