ନୂଆଦିଲ୍ଲୀ,୨୨।୭: ୨୦୨୫ ଏସିଆ କପର ସୁପର ଫୋରରେ ଭାରତ ପାକିସ୍ତାନକୁ ପରାସ୍ତ କରିଥିଲା, ଯାହା ଫଳରେ ପୂର୍ବତନ ପାକିସ୍ତାନ ଅଧିନାୟକ ଶାହିଦ ଆଫ୍ରିଦି ଭାରତୀୟ ଖେଳାଳିମାନଙ୍କୁ ପ୍ରଶଂସା କରିବାକୁ ବାଧ୍ୟ ହୋଇଥିଲେ। ଆଫ୍ରିଦି କହିଥିଲେ, ଟିମ ଇଣ୍ଡିଆ ଏକ ବିଶ୍ୱସ୍ତରୀୟ ଦଳ। ଭାରତୀୟ ଦଳ ଯେପରି ଖେଳୁଥିଲା, ତାହା ଦେଖିଲେ ସେମାନେ କେବଳ ୧୭୨ ନୁହେଁ, ବରଂ ୨୦୦ ରନର ଲକ୍ଷ୍ୟ ମଧ୍ୟ ହାସଲ କରିଥାନ୍ତେ।
ମ୍ୟାଚ ପରେ ଆଫ୍ରିଦି କହିଥିଲେ, ଯେପର୍ଯ୍ୟନ୍ତ ମ୍ୟାଚ ବିଷୟରେ କଥା ହେଉଛି, ଭାରତ ଏହାର ଯୋଗ୍ୟ। ସେମାନଙ୍କ ମନୋଭାବ, ମାନସିକତା, ସେମାନଙ୍କ ବ୍ୟାଟିଂ, ବୋଲିଂ, ମୁଁ ଆଜି ସେମାନଙ୍କ ଫିଲ୍ଡିଂ ବିଷୟରେ କିଛି କହିବି ନାହିଁ, କିନ୍ତୁ ପ୍ରତ୍ୟେକ ଦୃଷ୍ଟିରୁ, ଭାରତ ଏକ ସନ୍ତୁଳିତ ଏବଂ ବଡ଼ ମ୍ୟାଚ ଖେଳୁଥିବା ଦଳ।
ପାକିସ୍ତାନର ଭୁଲ ବିଷୟରେ କହିବାକୁ ଗଲେ, ଶାହିଦ ଆଫ୍ରିଦି କହିଛନ୍ତି, ଏକ ସମୟ ଥିଲା ଯେତେବେଳେ ମୁଁ ଭାବୁଥିଲି ଯେ ପାକିସ୍ତାନ ୧୯୦ରେ ପହଞ୍ଚିବ। କିନ୍ତୁ ଯଦି ଆପଣ ୧୫ ଓଭର ପରେ ୧୮ ବଲରେ ୧୨ ରନ କରନ୍ତି, ତେବେ ଏହା ଚିନ୍ତାର ବିଷୟ।
ଆଫ୍ରିଦି ଆହୁରି କହିଛନ୍ତି, ଭାରତୀୟ ଦଳ ଚମତ୍କାର। ମୁଁ ଭାବୁଛି ଯଦି ଲକ୍ଷ୍ୟ ୨୦୦ ହୋଇଥାନ୍ତା, ତେବେ ସେମାନେ ସହଜରେ ଏହାକୁ ହାସଲ କରିଥାନ୍ତେ।
