ଇସଲାମାବାଦ୍,୨।୨: ୨୦୨୬ ଟି୨୦ ବିଶ୍ୱକପରେ ଭାରତ ବିପକ୍ଷରେ ନ ଖେଳିବା ପାଇଁ ପାକିସ୍ତାନର ନିଷ୍ପତ୍ତି ଉପରେ ଅନେକ ପ୍ରମୁଖ ବ୍ୟକ୍ତି ପ୍ରତିକ୍ରିୟା ଦେଉଛନ୍ତି। ପୂର୍ବତନ ପାକିସ୍ତାନୀ ଅଲରାଉଣ୍ଡର ଶାହିଦ ଆଫ୍ରିଦି ମଧ୍ୟ ତାଙ୍କର ପ୍ରତିକ୍ରିୟା ପ୍ରକାଶ କରିଛନ୍ତି। ଆଫ୍ରିଦି ଅନ୍ତର୍ଜାତୀୟ କ୍ରିକେଟ ପରିଷଦ (ICC) ବିଷୟରେ ଏକ ଗମ୍ଭୀର ପ୍ରଶ୍ନ ଉଠାଇଛନ୍ତି। ସେ କ୍ରିକେଟରେ ରାଜନୀତିର ପ୍ରବେଶ ଉପରେ ମଧ୍ୟ ଗୁରୁତ୍ୱାରୋପ କରିଛନ୍ତି।
ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏକ ପୋଷ୍ଟରେ ଆଫ୍ରିଦି ଲେଖିଛନ୍ତି, ମୁଁ ସର୍ବଦା ବିଶ୍ୱାସ କରିଆସିଛି ଯେ ରାଜନୀତି ଯେତେବେଳେ ଦ୍ୱାର ବନ୍ଦ କରିଦିଏ ସେତେବେଳେ କ୍ରିକେଟ ଦ୍ୱାର ଖୋଲିପାରେ। ଏହା ଦୁଃଖଦ ଯେ, ପାକିସ୍ତାନ T20 ବିଶ୍ୱକପରେ ଭାରତ ବିପକ୍ଷରେ ଖେଳିବ ନାହିଁ, କିନ୍ତୁ ମୁଁ ମୋ ସରକାରଙ୍କ ନିଷ୍ପତ୍ତିକୁ ସମ୍ମାନ କରେ।
ICCକୁ ଆହୁରି ପ୍ରଶ୍ନ କରି ଆଫ୍ରିଦି ଲେଖିଛନ୍ତି, ଏହା କେବଳ ବୟାନ ଦେଇ ନୁହେଁ, ବରଂ ପ୍ରତ୍ୟେକ ସଦସ୍ୟଙ୍କ ପାଇଁ ନିରପେକ୍ଷ, ସ୍ବାଧୀନ ଏବଂ ସମାନ ନିଷ୍ପତ୍ତି ନେଇ ICC ନେତୃତ୍ୱ ଦେଖାଇବାର ସମୟ ଆସିଛି।ସ୍
ଆଫ୍ରିଦିଙ୍କ ବକ୍ତବ୍ୟ ଅସ୍ପଷ୍ଟ। ଗୋଟିଏ ପଟେ, ସେ ନିଜର ନିରାଶା ପ୍ରକାଶ କରିଛନ୍ତି ଯେ T20 ବିଶ୍ୱକପରେ ଭାରତ ଏବଂ ପାକିସ୍ତାନ ମଧ୍ୟରେ କୌଣସି ମ୍ୟାଚ ହେବ ନାହିଁ। ଅନ୍ୟପକ୍ଷରେ, ଆଫ୍ରିଦି ତାଙ୍କ ସରକାରଙ୍କ ନିଷ୍ପତ୍ତିକୁ ସମର୍ଥନ କରିଛନ୍ତି।
ଉଲ୍ଲେଖନୀୟ ଯେ, ଗତ ରବିବାର ପାକିସ୍ତାନ ସରକାର ଏକ ସରକାରୀ ବିବୃତ୍ତି ଜାରି କରିଥିଲେ ଯେ, ସେମାନଙ୍କର ଦଳ ଟି-20 ବିଶ୍ୱକପ ଖେଳିବ, କିନ୍ତୁ ଭାରତ ବିପକ୍ଷ ମ୍ୟାଚ୍ରେ ଅଂଶଗ୍ରହଣ କରିବ ନାହିଁ। ଆଇସିସି ସୂଚୀ ଅନୁଯାୟୀ, ଟୁର୍ନାମେଣ୍ଟର ଲିଗ ପର୍ଯ୍ୟାୟରେ ଭାରତ ଏବଂ ପାକିସ୍ତାନ ମଧ୍ୟରେ ମୁକାବିଲା ଫେବୃଆରୀ ୧୫ରେ ଶ୍ରୀଲଙ୍କାରେ ଅନୁଷ୍ଠିତ ହେବାର ଥିଲା। ଭାରତ ଏବଂ ଶ୍ରୀଲଙ୍କା ଦ୍ୱାରା ମିଳିତ ଭାବରେ ଆୟୋଜିତ ହେବାକୁ ଥିବା ଆଗାମୀ ଟି-୨୦ ବିଶ୍ୱକପ ଫେବୃଆରୀ ୭ରେ ଆରମ୍ଭ ହେବ।
Ladies and Gentlemen Mr Shahid Afridi- Cousin of Shaquib Afridi, a commander of the terrorist group Harkat-ul-Ansar who was killed by the Indian forces in J&K India. pic.twitter.com/gL9oGwCTS1
— Meru (@MeruOnX) February 2, 2026
Dharitri – Odisha’s No.1 Odia Daily
