ମୁମ୍ବାଇ: ବଲିଉଡ କିଙ୍ଗ ଖାଁ ଶାହାରୁଖ ଏବେ ଖୁବ୍ ଚର୍ଚ୍ଚାରେ । ଗୋଟିଏ ପଟେ ତାଙ୍କ ଅଭିନୀତ ଫିଲ୍ମ ‘ପଠାନ’ ବିଭିନ୍ନ ଦେଶରେ ଶୁଟିଂ ଚାଲିଥିବା ବେଳେ ଏବେ ଏହି ଫିଲ୍ମକୁ ନେଇ ସେ ଅଛନ୍ତି ଚର୍ଚ୍ଚାରେ । ବଲିଉଡର ଏହି ରୋମାନ୍ସ କିଙ୍ଗ ବଲିଉଡ ବାଦଶାହା ଭାବରେ ବି ବେଶ ପରିଚିତ । ନିଜ କ୍ୟାରିୟରରେ ସେ ଦର୍ଶକଙ୍କୁ ରୋମାନ୍ସରେ ବୁଡି ରହିବାକୁ ବାଧ୍ୟ କରିଛନ୍ତି ଯେମିତି । କାରଣ ଶାହାରୁଖ ତାଙ୍କ କ୍ୟାରିୟରରେ ପ୍ରାୟ ରୋମାନ୍ସରେ ଭରପୁର ଥିବା ଅଧିକାଂଶ ଫିଲ୍ମରେ ଅଭିନୟ କରିଛନ୍ତି । ହେଲେ ଏବେ ସେ ଏଥିରୁ ଟିକେ ବାହାରକୁ ବାହାରିବାକୁ ଚାହୁଁଥିବା ପ୍ରକାଶ କରିଛନ୍ତି । ଏକ ସାକ୍ଷାତକାରରେ ଶାହାରୁଖ ତାଙ୍କ ଆଗାମୀ ଇଚ୍ଛା ସମ୍ପର୍କରେ ଖୋଲାଖୋଲି କଥା ହୋଇଛନ୍ତି । କିଙ୍ଗ ଖାନ କହିଛନ୍ତି ଏବେ ସେ ଆକ୍ସନ ଫିଲ୍ମରେ ଅଭିନୟ କରିବାକୁ ଚାହୁଁଛନ୍ତି । କାରଣ ଆଜି ପର୍ଯ୍ୟନ୍ତ କୌଣସି ଫିଲ୍ମ ନିର୍ମାତା ତାଙ୍କୁ ଆକ୍ସନ ଫିଲ୍ମରେ ନେଉ ନାହାନ୍ତି । ତେଣୁ ଏବେ ସେ ମିଶନ ଇମ୍ପସିବଲ ଭଳି ଫିଲ୍ମରେ ଅଭିନୟ କରିବାକୁ ଚାହୁଁ ନାହାନ୍ତି । ବଲିଉଡରୁ ବେଶ କିଛି ଦିନର ବିରତି ପରେ ଏବେ ପୁଣିଥରେ ସେ ଆକ୍ସନ ମୁଭିରେ ଏଣ୍ଟ୍ରି କରିବାକୁ ଇଚ୍ଛା ରଖିଥିବା ପ୍ରକାଶ କରିଛନ୍ତି ।
ଶାହାରୁଖ ଆହୁରି ମଧ୍ୟ କହିଛନ୍ତି, ମୁଁ ୫୭ ବର୍ଷର ହେଲେଣି ହେଲେ ଏବେ ମୁଁ ଓଭର ଦ ଟପ ଭଳି ଆକ୍ସନ କରିବାକୁ ଚାହୁଁଛି । ଶାହାରୁଖଙ୍କ କ୍ୟାରିୟର ଆରମ୍ଭରୁ ବଲିଉଡ ମୁଭି ଡର ଓ ଅଂଞ୍ଜାମରେ ଦର୍ଶକଙ୍କୁ ପ୍ୟାର ଓ ରୋମାନ୍ସ ବାଣ୍ଟିଥିବା ବେଳେ ଏବେ କିନ୍ତୁ ସେ ଆକ୍ସନ ଆଡକୁ ମନ ବଳାଇଛନ୍ତି ।
