ଯୋଡ଼ା,୧୦ା୧(ମାନସ ମହାନ୍ତି): କେନ୍ଦୁଝର ଜିଲାର ଯୋଡ଼ା ବ୍ଲକ, ଖଣି ଅଞ୍ଚଳ ଭାବେ ପରିଚିତ ଏହି ଉପତ୍ୟକାର ଆଭ୍ୟନ୍ତରୀଣ ଅଞ୍ଚଳରେ ହୋଇଛି ତୁଷାରପାତ। ଏକ ସପ୍ତାହ ଧରି ପ୍ରବଳ ଶୀତ ଲହରି ପରେ ଶୁକ୍ରବାର ଏବଂ ଶନିବାର ପ୍ରାତଃ କାଳରେ ହୋଇଛି ତୁଷାରପାତ। ତାପମାତ୍ରା ସର୍ବନିମ୍ନ ୩ ଡିଗ୍ରୀ ସେଲସିୟସ ରହିଥବାେବେଳେ କଲ୍ହୋ-ରୋଇଡ଼ା ଗ୍ରାମର ମୁଣ୍ଡା ସାହି ଅଞ୍ଚଳରେ ଥିବା କଥା ସ୍ଥାନୀୟ ଲୋକେ ସୋସିଆଲ ମିଡିଆରୁ ଜାଣିଥିଲେ। ଶନିବାର ସକାଳୁ ବିସ୍ତୀର୍ଣ୍ଣ ପଡ଼ିଆ ଧଳା ଚାଦରରେ ଆଚ୍ଛାଦିତ ହୋଇ ପଡ଼ିଥିବା ଦୃଶ୍ୟମାନ ହୋଇଥିଲା।
ପର୍ବତ ପରିବେଷ୍ଟିତ ରୋଇଡ଼ା ଅଞ୍ଚଳର ଲୋକେ କହୁଥିଲେ ପ୍ରାୟ ୩ ଦଶନ୍ଧି ପରେ ଏହି ତୁଷାରପାତ ହୋଇଛି। ଅଞ୍ଚଳବାସୀଙ୍କ ମଧ୍ୟରେ କିଛି ଏହି ଶୀତ ଓ ତୁଷାରପାତର ମଜା ନେଉଥିବା ବେଳେ ଗରିବ ଲୋକଙ୍କ ପାଇଁ ଶୀତ ସଜା ସଦୃଶ୍ୟ ହୋଇଥିଲା। ତେଣେ ଗାଁ ପାଖ ଚା’ ଦୋକାନରେ ଦେଖିବାକୁ ମିଳିଥିଲା ଲୋକଙ୍କ ଭିଡ଼। ଏହି ଶୀତ ଆଗାମୀ ୫ ଦିନ ପର୍ଯ୍ୟନ୍ତ ଜାରି ରହିବ ବୋଲି ପାଣିପାଗ ବିଭାଗ ଆକଳନ କରିଛି।
