ସେନ୍‌ସେକ୍ସରେ ୮୭୮ ପଏଣ୍ଟ ବୃଦ୍ଧି
9:10 amSeptember 21, 2022September 21, 2022 / 41

ନୂଆଦିଲ୍ଲୀ,୨୧ା୯: କ୍ରମାଗତ ୨ଦିନ ହେବ ଶେୟାର ବଜାରର ଫଳାଫଳ ଭଲ ରହିଛି। ଫଳରେ ଦଲାଲ ଷ୍ଟ୍ରିଟ୍‌ର ନିବେଶକମାନେ କିଛି ପରିମାଣର ପୂର୍ବ କ୍ଷତିଭରଣା କରିବାରେ ସମର୍ଥ ହୋଇଛନ୍ତି। ଚଳିତ ସପ୍ତାହର ୨ମ କାର୍ଯ୍ୟ ଦିବସର ଫଳାଫଳ ଅନୁଯାୟୀ ଷ୍ଟକ୍‌ ବଜାରର କାରବାର ମଧ୍ୟ କିଛି ପରିମାଣରେ ବୃଦ୍ଧି ପାଇଛି। ଏପରିକି ଉଭୟ ସେନ୍‌ସେକ୍ସ ଏବଂ ନିଫ୍ଟିରେ ପ୍ରାୟ ୧%ର ବଜାର ଶେୟାର ବୃଦ୍ଧି ଘଟିଥିବା ଜଣାପଡିଛି। ମଙ୍ଗଳବାର ସେନ୍‌ସେକ୍ସ ୫୭୮(୫୭୮.୫୧) ପଏଣ୍ଟ ବଢ଼ି ୫୯,୭୧୯.୭୪ ଅଙ୍କରେ କାରବାର ବନ୍ଦ କରିଥିବା ବେଳେ ନିଫ୍ଟି-୫୦ରେ ମଧ୍ୟ ୧୯୪ (୧୯୪.୦୦) ପଏଣ୍ଟ ବୃଦ୍ଧି ଘଟି ୧୭,୮୧୬.୨୫ ଅଙ୍କରେ ବଜାର ବନ୍ଦ ହୋଇଛି। ବିଶେଷକରି ଫାର୍ମା, ଘରୋଇ ବ୍ୟାଙ୍କ ଏବଂ ଅଟୋଶିଳ୍ପର କାରବାର ଆରମ୍ଭ ଭଲ ରହିବା ସହ ଶେଷ ପର୍ଯ୍ୟନ୍ତ ମଧ୍ୟ ସବୁଜ ରଙ୍ଗରେ କାରବାର ଶେଷ କରିଥିଲା।