ମୁମ୍ବାଇ,୧୮।୮: ସେନସେକ୍ସ୍ ବୁଧବାର ପ୍ରଥମ ଥର ପାଇଁ ୫୬, ୦୦୦ ଅଙ୍କ ଟପିଛି। ସେହିପରି ନିଫ୍ଟି ମଧ୍ୟ ୧୭ ହଜାର ପାଖାପାଖି କାରବାର ଜାରି ରଖିଛି। ପ୍ରାରମ୍ଭିକ କାରବାରରେ, ବମ୍ବେ ଷ୍ଟକ୍ ଏକ୍ସଚେଞ୍ଜ୍ର ମୁଖ୍ୟ ୩୦-ଶେୟାର ବିଶିଷ୍ଟ ଇଣ୍ଡେକ୍ସ ୨୮୧.୦୪ ପଏଣ୍ଟ ସହିତ ୫୬,୦୭୩.୩୧ ଅଙ୍କ ଛୁଇଁଛି। ଅପରପକ୍ଷରେ, ଏନ୍ଏସ୍ଇର ମୁଖ୍ୟ ୫୦-ଶେୟାର ବିଶିଷ୍ଟ ଇଣ୍ଡେକ୍ସ ନିଫ୍ଟି ୭୭.୩୫ ପଏଣ୍ଟ ସହିତ ୧୬. ୬୯୧.୯୫ରେ ଖୋଲିଛି।
ମଙ୍ଗଳବାର ବିଏସ୍ଇର ୩୦-ଶେୟାର ଇଣ୍ଡେକ୍ସ ସେନସେକ୍ସ (ସେନସେକ୍ସ) ୨୦୯.୬୯ ପଏଣ୍ଟ ବୃଦ୍ଧି ସହିତ ୫୫,୭୯୨.୨୭ରେ ବନ୍ଦ ହୋଇଥିଲା। ସେହିପରି ଏନ୍ଏସ୍ଇର ୫୦-ଶେୟାର ଇଣ୍ଡେକ୍ସ ନିଫ୍ଟି ୫୧.୫୫ ପଏଣ୍ଟ ବୃଦ୍ଧି ସହିତ ୧୬,୬୧୪.୬୦ରେ ବନ୍ଦ ହୋଇଥିଲା।
ଏଚ୍ଡିଏଫ୍ସି ବ୍ୟାଙ୍କ, ହାଭେଲ୍ସ ଇଣ୍ଡିଆ, ଆଇଚର୍ ମୋଟର୍ସ, କ୍ୟାଡିଲା ହେଲଥ୍, ଜୁବିଲାଣ୍ଟ ଫୁଡ, ଡ. ଲାଲ ପାଥୋଲାବ, ଇଣ୍ଡିଆବୁଲ୍ସ ହାଉସିଂ, ଭାରତ ଇଲେକ୍ଟ୍ରିକ, ବଜାଜ ଫିନସର୍ଭ, ଦୀପକ ନାଇଟ୍ରେଟ, ଏଚ୍ଡିଏଫ୍ସି ଏମ୍ସି ଏବଂ ପିରାମାଲ ଏଣ୍ଟରପ୍ରାଇଜେସର ଶେୟାର ବୁଧବାର ପ୍ରାରମ୍ଭିକ କାରବାରରେ ଦୃତ ଅଭିବୃଦ୍ଧି ଜାରି ରଖିଛି। ଅପରପକ୍ଷରେ ଭୋଡାଫୋନ ଆଇଡିଆ, ଗ୍ରେନୁଲ୍ସ ଇଣ୍ଡିଆ, ବେଦାନ୍ତ, ଆପୋଲୋ ହସ୍ପିଟାଲ, ଜିନ୍ଦଲ ଷ୍ଟିଲ, ଫେଡେରାଲ ବ୍ୟାଙ୍କ, ଆଇଡିଏଫସି ଫାଷ୍ଟ ବ୍ୟାଙ୍କ, ଟାଟା ମୋଟର୍ସ ଏବଂ ଗେଲ୍ର ଶେୟାର ହ୍ରାସ ପାଇଛି।
