ଅହମ୍ମଦାବାଦ,୫।୧୨: ଗୁଜୁରାଟର ଦ୍ୱିତୀୟ ପର୍ଯ୍ୟାୟ ମତଦାନ ସୋମବାର ଶେଷ ହୋଇଛି। ଯେଉଁମାନେ ଭୋଟିଂ ଲାଇନରେ ଅଛନ୍ତି ସେମାନେ ସନ୍ଧ୍ୟା ୫ଟା ପରେ ମଧ୍ୟ ଭୋଟ ଦେଇପାରିବେ। ତେବେ ୩ଟା ସୁଦ୍ଧା ୫୧ ପ୍ରତିଶତ ମତଦାନ ହୋଇଥିବା ଜଣାପଡିଛି।
ଗୁଜୁରାଟ ନିର୍ବାଚନ ଦ୍ୱିତୀୟ ତଥା ଶେଷ ପର୍ଯ୍ୟାୟରେ ୧୪ଟି ଜିଲାର ୯୩ଟି ଆସନରେ ଭୋଟ ଗ୍ରହଣ କରାଯାଉଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅହମ୍ମଦାବାଦର ଏକ ମତଦାନ କେନ୍ଦ୍ରରେ ଭୋଟ ଦେଇଛନ୍ତି। ଅହମ୍ମଦାବାଦ, ଭଡୋଦରା, ଗାନ୍ଧୀନଗର ଏବଂ ଅନ୍ୟାନ୍ୟ ଜିଲାର ନିର୍ବାଚନମଣ୍ଡଳୀରେ ୬୧ଟି ରାଜନୌତିକ ଦଳର ମୋଟ୍ ୮୩୩ ଜଣ ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରୁଛନ୍ତି। ଏହାପୂର୍ବରୁ ଡିସେମ୍ବର ୧ ଅନୁଷ୍ଠିତ ହୋଇଥିବା ପ୍ରଥମ ପର୍ଯ୍ୟାୟରେ ୮୯ଟି ସିଟ୍ ପାଇଁ ମତଦାନ ହୋଇଥିଲା। ଏଥିରେ ୬୩ ପ୍ରତିଶତ ଭୋଟ୍ ହୋଇଥିଲା। ଡିସେମ୍ବର ୮ରେ ହିମାଚଳ ସହିତ ଗୁଜୁରାଟ ନିର୍ବାଚନ ଫଳାଫଳ ପ୍ରକାଶ ପାଇବ।
