ନୂଆଦିଲ୍ଲୀ,୫।୮: ସୁନାମି ବିପଦ ମୁଖ୍ୟତଃ ଭୂମିକମ୍ପ, ସାମୁଦ୍ରିକ ଜ୍ୱାଳାମୁଖୀ କିମ୍ବା ଭୂସ୍ଖଳନ ଦ୍ୱାରା ସୃଷ୍ଟି ହୁଏ।
ଋଷିଆରେ ଏକ ବଡ଼ ଭୂମିକମ୍ପ ହେବା ପରେ, ଜାପାନ ଓ ଆମେରିକୀୟ ଏଜେନ୍ସିଗୁଡ଼ିକ ମଧ୍ୟ ସୁନାମି ସତର୍କତା ଜାରି କରିଥିଲେ। ଭାରତର ଉପକୂଳବର୍ତ୍ତୀ ଅଞ୍ଚଳରେ ସୁନାମିର ବିପଦ ମୁଖ୍ୟତଃ ଭୂମିକମ୍ପ, ସାମୁଦ୍ରିକ ଜ୍ୱାଳାମୁଖୀ କିମ୍ବା ଭୂସ୍ଖଳନ ଭଳି ପ୍ରାକୃତିକ କାରଣ ଯୋଗୁଁ ହୋଇପାରେ। ଜାଣନ୍ତୁ ଭାରତର କେଉଁ ସହରଗୁଡ଼ିକ ସୁନାମିର ଅଧିକ ସମ୍ଭାବନା ରହିଛି।
ବୈଜ୍ଞାନିକଙ୍କ ଅନୁସାରେ ଓଡ଼ିଶା ସମୁଦ୍ର ତଟବର୍ତ୍ତୀ ଅଞ୍ଚଳ ଯେପରିକି ପୁରୀ, କୋଣାର୍କ, ବାଲେଶ୍ୱର ଏବଂ ଗଞ୍ଜାମ ଜିଲ୍ଲାର କିଛି ଅଞ୍ଚଳ ସୁନାମୀ ପ୍ରଭାବକୁ ଅଧିକ ପ୍ରତିକ୍ରିୟାଶୀଳ ହେବାର ସମ୍ଭାବନା ରହିଛି। ବଙ୍ଗୋପସାଗରରେ ଅବସ୍ଥିତ ପୁରୀ, ଘୂର୍ଣ୍ଣିଝଡ଼ ଓ ସୁନାମି ଭଳି ସାମୁଦ୍ରିକ ବିପର୍ଯ୍ୟୟର ସମ୍ମୁଖୀନ ହୋଇପାରେ। ତେବେ, ସୁନାମୀର ପ୍ରଭାବ କେବଳ ଓଡ଼ିଶା ନୁହେଁ, ଭାରତର ଅନ୍ୟ କିଛି ରାଜ୍ୟ ଓ ସହରକୁ ମଧ୍ୟ ପ୍ରଭାବିତ କରିପାରେ। ନିମ୍ନରେ ୧୫ଟି ସହର ବା ଅଞ୍ଚଳର ଏକ ତାଲିକା ଦିଆଯାଇଛି ଯେଉଁମାନେ ସୁନାମୀ ପ୍ରତି ଅଧିକ ସମ୍ଭାବ୍ୟ, ଯାହା ଭାରତୀୟ ସରକାର ଏବଂ ଇନ୍ଡିଆନ ନ୍ୟାସନାଲ ସେଣ୍ଟର ଫର ଓସିଆନ ଇନଫର୍ମେସନ ସର୍ଭିସେସ (INCOIS) ଦ୍ୱାରା ଚିହ୍ନଟ କରାଯାଇଛି।
ସୁନାମୀ ପ୍ରଭାବିତ ହେବାରେ ସମ୍ଭାବ୍ୟ ଭାରତୀୟ ସହର ଓ ଅଞ୍ଚଳ:
1. ଚେନ୍ନାଇ(ତାମିଲନାଡୁ)
2. କନ୍ୟାକୁମାରୀ (ତାମିଲନାଡୁ)
3. କୁଡ୍ଡାଲୋର (ତାମିଲନାଡୁ)
4. ନାଗାପଟ୍ଟିନମ (ତାମିଲନାଡୁ)
5. ତୁତିକୋରିନ (ଥୁଥୁକୁଡି) (ତାମିଲନାଡୁ)
6. ପୁରୀ (ଓଡ଼ିଶା)
7. ବାଲେଶ୍ୱର(ଓଡ଼ିଶା)
8.ପାରାଦୀପ (ଓଡ଼ିଶା)
9. ଗୋପାଳପୁର (ଓଡ଼ିଶା)
10. ବିଶାଖାପାଟଣାମ (ଆନ୍ଧ୍ରପ୍ରଦେଶ)
11. ମାଚିଲିପଟ୍ଟଣମ (ଆନ୍ଧ୍ରପ୍ରଦେଶ)
12. କୋଲ୍ଲମ (କେରଳ)
13. ତିରୁଭାନନ୍ତପୁରମ (କେରଳ)
14. ପୋର୍ଟ ବ୍ଲେୟାର (ଆଣ୍ଡାମାନ ଓ ନିକୋବାର ଦ୍ୱୀପପୁଞ୍ଜ)
15. କାରିକାଲ (ପୁଡୁଚେରୀ)
ସୁନାମୀର କାରଣ ଓ ପ୍ରଭାବ:
ସୁନାମୀ ସାଧାରଣତଃ ସମୁଦ୍ର ତଳେ ଭୂମିକମ୍ପ, ଜ୍ୱାଳାମୁଖୀ ବିସ୍ଫୋରଣ କିମ୍ବା ଭୂସ୍ଖଳନ ଯୋଗୁଁ ସୃଷ୍ଟି ହୁଏ। ୨୦୦୪ ମସିହାରେ ହିନ୍ଦ ମହାସାଗରରେ ହୋଇଥିବା ସୁନାମୀ ଭାରତର ପୂର୍ବ ଓ ଦକ୍ଷିଣ ଉପକୂଳକୁ ବ୍ୟାପକ କ୍ଷତି ପହଞ୍ଚାଇଥିଲା। ଏହି ସୁନାମୀରେ ପ୍ରାୟ ୧୧,୦୦୦ରୁ ଅଧିକ ଲୋକଙ୍କର ମୃତ୍ୟୁ ହୋଇଥିଲା ଏବଂ ଲକ୍ଷାଧିକ ଲୋକ ଗୃହହୀନ ହୋଇଥିଲେ। ତାମିଲନାଡୁ, ପୁଡୁଚେରୀ, କେରଳ, ଆନ୍ଧ୍ରପ୍ରଦେଶ ଏବଂ ଆଣ୍ଡାମାନ ଓ ନିକୋବାର ଦ୍ୱୀପପୁଞ୍ଜ ସବୁଠାରୁ ଅଧିକ ପ୍ରଭାବିତ ହୋଇଥିଲା।
