ନୟାଗଡ଼,୨୩।୨(ଲୋକନାଥ ମିଶ୍ର): ନୟାଗଡ଼ ଜିଲା ଗଣିଆ ବ୍ଲକ ବେଳପଡା ପାଟଣା ପ୍ରାଥମିକ ସ୍କୁଲ ପଞ୍ଚମ ଶ୍ରେଣୀ ଛାତ୍ର ମୃତ୍ୟୁ ଘଟଣାରେ ନ୍ୟାୟ ଦାବିରେ ସୋମବାର ଜିଲାପାଳଙ୍କ ଅଫିସ ଘେରାଉ କଲେ ଆନ୍ଦୋଳନକାରୀ । ଜିଲାପାଳ ଅଫିସ ଭିତରକୁ ଧସେଇ ପଶିବା ଉଦ୍ୟମ କରି ବ୍ୟର୍ଥ ହୋଇଛନ୍ତି। ତେବେ ପ୍ରାୟ ଏକ ଘଣ୍ଟା ଧରି ଉତ୍ତେଜନା ଲାଗି ରହିଥିଲା।ପରେ ଅପରାହ୍ନ ୧ ଟାରୁ ପ୍ରତିବାଦ ସଭା ଜାରି ରହିଛି।
ଆନ୍ଦୋଳନ ଫଳରେ ପ୍ରାୟ ୨ ଘଣ୍ଟା ଧରି ଜିଲାପାଳ ଅଫିସର ଉଭୟ ପାର୍ଶ୍ଵରେ ଖୋର୍ଦ୍ଧା-ବଲାଙ୍ଗୀର ୫୭ ନଂ ଜାତୀୟ ରାଜପଥରେ ଯାତାୟତ ଠପ୍ ହୋଇଥିଲା। ଆନ୍ଦୋଳନ ଚାଲୁ ରହିଛି । ଅପରାହ୍ନ ୧୨ଟାରେ ନୟାଗଡ଼ ସହରରେ ଶୋଭାଯାତ୍ରା କରି ଜିଲାପାଳ, ସରକାର, ଦଶପଲା ବିଧାୟକ ଓ ଶିଖା ବିଭାଗର ଅଧିକାରୀଙ୍କ ବିରୋଧରେ ନାରବାଜି କରି ଜିଲାପାଳ ଅଫିସ ଘେରିଛନ୍ତି ।
କହିରଖୁଛୁ ଯେ, ଗତ ୯ତାରିଖରେ ପଞ୍ଚମ ଶ୍ରେଣୀର ଛାତ୍ର ଭୋଲାନାଥ ନାୟକଙ୍କ ମୃତ୍ୟୁ ହୋଇଥିଲା । ମଧ୍ୟାହ୍ନ ଭୋଜନ ଖାଇବା ପରେ ଶୌଚ ହେବାକୁ କହି ନିଖୋଜ ହୋଇଯାଇଥିଲେ। ପର ଦିନ ସ୍କୁଲ ପାଖ ଏକ ପରିତ୍ୟକ୍ତ ଚୁଆରୁ ଛାତ୍ରଙ୍କ ମୃତଦେହ ମିଳିଥିଲା ।