ଶ୍ରୀନଗର, ୯।୭: ଦେଶରେ ଆତଙ୍କବାଦକୁ ହଟାଇବା ଏବଂ ଆତଙ୍କବାଦୀଙ୍କୁ ସମାଜରେ ମୁଖ୍ୟସ୍ରୋତରେ ସାମିଲ କରିବା ଲାଗି ସରେଣ୍ଡର ଯୋଜନା ପ୍ରଣୟନ କରାଯାଇଛି। ଏହି ଯୋଜନା ୧୯୯୫ଠାରୁ ଲାଗୁ ହୋଇଛି। ଚଳିତ ବର୍ଷ ଜୁନ୍ ୨୫ରେ ଲ୍ୟୁଟନାଣ୍ଟ୍ ଗଭର୍ନର ଜି.ସି ମୁର୍ମୁଙ୍କ ଅଧ୍ୟକ୍ଷତାରେ ହୋଇଥିବା ଏକ ବୈଠକରେ ପୁଣି ସରେଣ୍ଡର ଯୋଜନା ଆରମ୍ଭ କରାଯିବା ନେଇ ପ୍ରସ୍ତାବ ଆଗତ ହୋଇଛି। ଏହାଦ୍ୱାରା କୌଣସି କାରଣରୁ ଆତଙ୍କବାଦୀ ସଂଗଠନ ସହିତ ଜଡ଼ିତ ହୋଇଥିବା ବ୍ୟକ୍ତି ବିଶେଷ ପୁଣି ଘରକୁ ବାହୁଡ଼ି ସମ୍ମାନ ଜନକ ଜୀବନ ବଞ୍ଚି ପାରିବେ। ସେହିପରି ଏବେ କେନ୍ଦ୍ର ସରକାରଙ୍କ ପକ୍ଷରୁ ଆତଙ୍କବାଦୀଙ୍କ ପିଲାଙ୍କ ପାଇଁ ସ୍କଲାରଶିପ୍ ଦେବାକୁ ନିଷ୍ପତ୍ତି ଗ୍ରହଣ କରିଛନ୍ତି। ଏହାକୁ ନେଇ ବିବାଦ ଦେଖାଦେଇଛି। ତେବେ ଏହାର ସମାଧାନ ପାଇଁ ଉଦ୍ୟମ ଜାରି ରହିଛି। ୨୦୨୦ ଜାନୁୟାରୀରୁ ଜୁନ୍ ମଧ୍ୟରେ ୧୧୮ ଆତଙ୍କବାଦୀଙ୍କର ଏନ୍କାଉଣ୍ଟରରେ ମୃତ୍ୟୁ ଘଟିଛି। ସେହିପରି ୧୫ ସାଧାରଣ ଲୋକଙ୍କର ସର୍ଚ୍ଚ ଅପରେଶନ୍ ସମୟରେ ମୃତ୍ୟୁ ହୋଇଛି। ଅପରପକ୍ଷରେ ଏହି ସମୟ ମଧ୍ୟରେ ୬୭ ଜଣ ଆତଙ୍କବାଦୀ ସଂଗଠନରେ ଯୋଗଦେଇଛନ୍ତି। ସେମାନଙ୍କ ମଧ୍ୟରୁ ୨୪ ଜଣଙ୍କର ଏନ୍କାଉଣ୍ଟରରେ ମୃତ୍ୟୁ ଘଟିଛି। ୧୨ ନୂଆ ଆତଙ୍କବାଦୀଙ୍କୁ ଗିରଫ କରାଯାଇଛି। ସେହିପରି ଏହି ସମୟ ମଧ୍ୟରେ ଆତଙ୍କବାଦୀଙ୍କୁ ସହାୟତା କରୁଥିତ୍ତ୍ତ୍ବା ୩୦୯ ଜଣଙ୍କୁ ଗିରଫ କରାଯାଇଛି।
