ନୂଆଦିଲ୍ଲୀ,୧୮ା୧୨: ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ(ଏସବିଆଇ)ରେ ଚାକିରି ଖୋଜୁଥିବା ପ୍ରାର୍ଥୀଙ୍କ ପାଇଁ ଖୁସି ଖବର। ଏସବିଆଇ ଏକ ବମ୍ପର ନିଯୁକ୍ତି ପାଇଁ ବିଜ୍ଞପ୍ତି ପ୍ରକାଶ କରିଛି। ୧୩,୭୩୫ କିରାଣୀ ପଦବୀରେ ନିଯୁକ୍ତି ପାଇଁ ଯୋଗ୍ୟ ପ୍ରାର୍ଥୀଙ୍କ ଠାରୁ ଆବେଦନ ନିମନ୍ତ୍ରଣ କରିଥିବା ବେଳେ ଏଥିନିମନ୍ତେ ଆବେଦନ ଆରମ୍ଭ ହୋଇଯାଇଛି।
ଆବେଦନ କରିବାକୁ ଚାହୁଁଥିବା ପ୍ରାର୍ଥୀମାନେ ଏସବିଆଇର ଅଫିସିଆଲ୍ ୱେବସାଇଟ୍ sbi.co.in ରୁ ଆବେଦନ କରିପାରିବେ। ଏସବିଆଇ କ୍ଲର୍କ ନିଯୁକ୍ତି
୨୦୨୪ ପାଇଁ ଆବେଦନ କରିବାର ଶେଷ ତାରିଖ ୭ ଜାନୁଆରୀ ୨୦୨୫ ରହିଛି।
ଏସବିଆଇ କ୍ଲର୍କ ନିଯୁକ୍ତି ୨୦୨୪: ଗୁରୁତ୍ୱପୂର୍ଣ୍ଣ ତାରିଖ।
ଆବେଦନ ଆରମ୍ଭ ତାରିଖ: ୧୭ ଡିସେମ୍ବର ୨୦୨୪।
ଆବେଦନ କରିବାର ଶେଷ ତାରିଖ: ୭ ଜାନୁଆରୀ ୨୦୨୫।
ପ୍ରିଲିମ ପରୀକ୍ଷା: ସମ୍ଭବତ ଫେବୃଆରୀ ୨୦୨୫।
ମେନ୍ ପରୀକ୍ଷା: ସମ୍ଭବତ ମାର୍ଚ୍ଚ / ଏପ୍ରିଲ୍ ୨୦୨୫।
ଏସବିଆଇ କ୍ଲର୍କ ନିଯୁକ୍ତି ୨୦୨୪ ପାଇଁ ଜରୁରୀ ଯୋଗ୍ୟତା:
କୌଣସି ସ୍ୱୀକୃତିପ୍ରାପ୍ତ ଅନୁଷ୍ଠାନ କିମ୍ବା ବିଶ୍ୱବିଦ୍ୟାଳୟରୁ ସ୍ନାତକ ଡିଗ୍ରୀ ହାସଲ କରିଥିବା ପ୍ରାର୍ଥୀମାନେ ଆବେଦନ କରିପାରିବେ। ଇଣ୍ଟିଗ୍ରେଟେଡ୍ ଡୁଆଲ୍ ଡିଗ୍ରୀ (IDD) ସାର୍ଟିଫିକେଟ୍ ଥିବା ପ୍ରାର୍ଥୀମାନେ ଆବେଦନ କରିପାରିବେ, କିନ୍ତୁ ଏହା ଡିସେମ୍ବର ୩୧, ୨୦୨୪ ରେ କିମ୍ବା ପୂର୍ବରୁ ହେବା ଉଚିତ୍।
ସେହିଭଳି ପ୍ରାର୍ଥୀଙ୍କ ବୟସ ସୀମା ୧.୦୪.୨୦୨୪ ସୁଦ୍ଧା ୨୦ ବର୍ଷରୁ କମ୍ କିମ୍ବା ୨୮ ବର୍ଷରୁ ଅଧିକ ହେବା ଉଚିତ୍ ନୁହେଁ, ଅର୍ଥାତ୍ ପ୍ରାର୍ଥୀ ୨.୦୪.୧୯୯୬ ପୂର୍ବରୁ ଏବଂ ୧.୦୪.୨୦୦୪ ପରେ (ଉଭୟ ଦିନ ଅନ୍ତର୍ଭୂକ୍ତ) ହେବା ଉଚିତ୍ ନୁହେଁ।
ଏସବିଆଇ କ୍ଲର୍କ ନିଯୁକ୍ତି ୨୦୨୪ ଚୟନ ପ୍ରକ୍ରିୟା:
ଏସବିଆଇ କ୍ଲର୍କ ନିଯୁକ୍ତି ୨୦୨୪ ଚୟନ ପ୍ରକ୍ରିୟାରେ ଅନଲାଇନ୍ ପରୀକ୍ଷା ହେବ। ପରୀକ୍ଷଣର ଦୁଇଟି ପର୍ୟ୍ୟାୟ ହେବ। ଗୋଟିଏ ପ୍ରିଲିମ ପରୀକ୍ଷା ଏବଂ ଅନ୍ୟଟି ମେନ୍ ପରୀକ୍ଷା। ଆବେଦନକାରୀମାନଙ୍କୁ ଚୟନ କରିଥିବା ଭାଷାରେ ପରୀକ୍ଷା ଦେବାକୁ ପଡିବ। ପ୍ରିଲିମ ପରୀକ୍ଷାରେ ୧୦୦ ମାର୍କର ଅବଜେକ୍ଟିଭ୍ ପ୍ରଶ୍ନ ରହିବ। ପରୀକ୍ଷାର ସମୟ ଅବଧି ୧ ଘଣ୍ଟା ହେବ।
ଏସବିଆଇ କ୍ଲର୍କ ନିଯୁକ୍ତି ୨୦୨୪ ଆବେଦନ ଶୁଳ୍କ:
ଜେନେରାଲ / OBC / EWS ବର୍ଗ ପାଇଁ ଆବେଦନ ଶୁଳ୍କ ୭୫୦ ଟଙ୍କା। ଯେଉଁଠାରେ AC / ST / PWBD / XS / DXS ବର୍ଗ ପ୍ରାର୍ଥୀମାନଙ୍କୁ କୌଣସି ଆବେଦନ ଶୁଳ୍କ ଦେବାକୁପଡିବ ନାହିଁ।
