ମୁମ୍ବାଇ,୧୮ା୧: ଭାରତର ପ୍ରତ୍ୟେକ କୋଣ ଅନୁକୋଣରେ ଏବେ ଅନଲାଇନ ପେମେଣ୍ଟ ସୁବିଧା ଦେଖିବାକୁ ମିଳୁଛି। ଦେଶରେ ଯେତେ ସଂଖ୍ୟକ ବ୍ୟାଙ୍କ ଉପଭୋକ୍ତା ରହିଛନ୍ତି ସେଠି ମଧ୍ୟରୁ ସିଂହଭାଗ ରହିଛି ଭାରତୀୟ ଷ୍ଟେଟ ବ୍ୟାଙ୍କ(SBI) ର। ଏବେ ଏସବିଆଇ ନିଜର ଟ୍ରାଞ୍ଜାକ୍ସନ ଚାର୍ଜରେ ବଡ଼ ଧରଣର ପରିବର୍ତ୍ତନ କରିଛି। ବ୍ୟାଙ୍କର ନୂତନ ନିୟମ ଅନୁଯାୟୀ, ଏବେ IMPS (Immediate Payment Service) ଜରିଆରେ ଅନଲାଇନ୍ ଟଙ୍କା ପଠାଇଲେ ଗ୍ରାହକଙ୍କୁ ଅଧିକ ଶୁଳ୍କ ଦେବାକୁ ପଡ଼ିବ।
ନୂତନ ନିୟମ ଅନୁଯାୟୀ, ୨୫,୦୦୦ ଟଙ୍କା ପର୍ଯ୍ୟନ୍ତ ଅନଲାଇନ୍ କାରବାର ପୂର୍ବଭଳି ମାଗଣା ରହିବ। କିନ୍ତୁ ଏହାଠାରୁ ଅଧିକ ଟଙ୍କା ପଠାଇଲେ ଗ୍ରାହକଙ୍କୁ ଶୁଳ୍କ ଦେବାକୁ ପଡ଼ିବ। ୨୫,୦୦୦ ରୁ ୧ ଲକ୍ଷ ଟଙ୍କା ପର୍ଯ୍ୟନ୍ତ କାରବାର ଉପରେ ୨ ଟଙ୍କା + GST, ୧ ଲକ୍ଷରୁ ୨ ଲକ୍ଷ ଟଙ୍କା ପାଇଁ ୬ ଟଙ୍କା + GST ଏବଂ ୨ ଲକ୍ଷରୁ ୫ ଲକ୍ଷ ଟଙ୍କା ପାଇଁ ୧୦ ଟଙ୍କା + GST ସହିତ ଅନ୍ୟାନ୍ୟ ଶୁଳ୍କ ଧାର୍ଯ୍ୟ କରାଯାଇଛି।
ତେବେ DSP, PMSP ଏବଂ ସୌର୍ଯ୍ୟ ଫ୍ୟାମିଲି ପେନସନ ଭଳି କିଛି ସ୍ୱତନ୍ତ୍ର ଆକାଉଣ୍ଟଧାରୀଙ୍କୁ ଏହି ଚାର୍ଜରୁ ଛାଡ଼ କରାଯାଇଥିବାବେଳେ ବ୍ୟାଙ୍କ ଶାଖାରୁ କରାଯାଉଥିବା IMPS ଶୁଳ୍କରେ କୌଣସି ପରିବର୍ତ୍ତନ କରାଯାଇ ନାହିଁ। ଏହା ବ୍ୟତୀତ, ଡିସେମ୍ବର ୧, ୨୦୨୫ ରୁ ବ୍ୟାଙ୍କ ଏହାର ATM ଏବଂ ADWM କାରବାର ଶୁଳ୍କରେ ମଧ୍ୟ ସଂଶୋଧନ କରିଛି, ଯେଉଁଥିରେ ମାଗଣା ସୀମା ପରେ ଅନ୍ୟ ବ୍ୟାଙ୍କ ଏଟିଏମରୁ ଟଙ୍କା ଉଠାଇଲେ ୨୩ ଟଙ୍କା + GST ଦେବାକୁ ପଡ଼ିବ।
IMPS ବ୍ୟତୀତ, ବ୍ୟାଙ୍କ ATM ଓ ADWM ଚାର୍ଜ ମଧ୍ୟ ବୃଦ୍ଧି କରିଛି, ଯାହା ୧ డిସେମ୍ବର ୨୦୨୫ ରୁ ଲାଗୁ ହୋଇଛି। ଅନ୍ୟ ବ୍ୟାଙ୍କ ATM ରୁ ନିର୍ଦ୍ଧାରିତ ସୀମା ପରେ ଟଙ୍କା ଉଠାଇଲେ ୨୩ ଟଙ୍କା + GST ଦେବାକୁ ପଡ଼ିବ। ଦରମା ଭିତ୍ତିକ ଆକାଉଣ୍ଟଧାରୀଙ୍କ ପାଇଁ ମାସକୁ ୧୦ଟି ମାଗଣା ଟ୍ରାଞ୍ଜାକ୍ସନ ସୁବିଧା ଜାରି ରହିବ। BSBD ଏବଂ କିସାନ କ୍ରେଡିଟ୍ କାର୍ଡ (KCC) ଆକାଉଣ୍ଟଧାରୀଙ୍କ ଉପରେ ଏହି ବର୍ଦ୍ଧିତ ଶୁଳ୍କ ଲାଗୁ ହେବ ନାହିଁ।
