ବ୍ରହ୍ମପୁର ଅଫିସ,୨ା୧୨: ସାନଖେମୁଣ୍ଡି ବିଧାୟକ ରମେଶ ଜେନା ଶୁକ୍ରବାର ଏଡିଜେ-୩ ଡା.ଇନ୍ଦୁ ଶର୍ମାଙ୍କ କୋର୍ଟରେ ହାଜର ହୋଇଥିଲେ। ବିଧାୟକଙ୍କ ନାମରେ ରୁଜୁ ହୋଇଥିବା ୪ଟି ମାମଲାରେ ତାଙ୍କର ବୟାନ୍ ରେକର୍ଡ଼ କରାଯାଇଥିଲା। ଦୁଇଟି ମାମଲାରେ ଶନିବାର ଜବାବସୁଆଲ ପାଇଁ ତାରିଖ ଧାର୍ଯ୍ୟ କରାଯାଇଥିବା ବେଳେ ଅନ୍ୟ ଦୁଇଟି ମାମଲାରେ ଆସନ୍ତା ୧୨ ତାରିଖରେ ଜବାବସୁଆଲ ହେବ। ସୂଚନାଯୋଗ୍ୟ, ବିଧାୟକ ଜେନାଙ୍କ ନାମରେ ୨୦୧୭ରେ ଟାଉନ୍ ଥାନାରେ ଏକ ବଳାତ୍କାର ମାମଲା(ଏସଟି-୧୧୭/୧୭) ରୁଜୁ ହୋଇଥିଲା। ଏଥିସହିତ ସଦର ଥାନା ଅନ୍ତର୍ଗତ ରେଗିଡ଼ି ଛକରେ ହୋଇଥିବା ଏକ ହତ୍ୟା ମାମଲା(ଏସଟି-୧୩୦/୧୭), ପୂର୍ବତନ କର୍ପୋରେଟର୍ ରଞ୍ଜିତ ନାୟକଙ୍କ ଘରକୁ ବୋମାମାଡ଼ ମାମଲା(ଏସଟି-୧୮୦/୧୮) ଓ ପାଟପୁର ଥାନା କଙ୍କୋରଡ଼ାରେ ବ୍ୟବସାୟୀଙ୍କ ଉପରେ ବୋମାମାଡ଼ ମାମଲା(ଏସଟି-୧୯୮/୧୮)ରେ ପୋଲିସ ବିଧାୟକ ରମେଶଙ୍କ ନାମ ଯୋଡ଼ିଥିଲା। ଏଡିଜେ-୩ କୋର୍ଟରେ ଏହି ମାମଲା ବିଚାରାଧୀନ ରହିଛି। ବିଧାୟକ ଜେନାଙ୍କ ତରଫରୁ ବରିଷ୍ଠ ଆଇନଜୀବୀ କିଶୋର ବିଷୋୟୀ, ନିର୍ମଳ ସାହୁ ଓ ସରୋଜ ଗୌଡ଼ ମକଦ୍ଦମା ପରିଚାଳନା କରୁଛନ୍ତି।
